Mech
নুজাহৗজানায় 11
সানৈ সাক্ষী হৗনায়
আংনৗ ছুগ্রা লাউঠি বাদি মৗনছে নৗলৗ হৗনায়জাদৗং আরৗ আংখৌ বুংদৗং, “থাং আরৗ ঈশ্বৗরনি মন্দিরখৌ আরৗ বেদীখৌ আরৗ খুলুমগ্রাফৗরখৌ সানহৈদৗ। নাথায় বাইরানি সিথলাখৌ বাদ হৗ; বেখৌ ছুনাংঙা, মানৗনা বে গুবুনহারিফৗরনৗ হৗয়া জাবায়। বিছৗরৗ বিয়াল্লিশ মাস গৗথার নৗগৗরফৗরখৌ আঠেংজৗং গাগ্লিনায়। আরৗ আংনি সানৈ সাক্ষীখৌ বিবান হৗনায়, আরৗ বরানি সি'ফৗর গাননানৈ এক হাজার দুইশো ষাইট দিনসিম আংনি বাথ্রাখৌ বিছৗরৗ ভাববাণী খৗলামনায়।” বিছৗরৗ জাবায় ফাংনৈ অলিব বিংফাং আরৗ গংনৈ বাতি দৗনগ্রা বাদি, জাইফ্রা বুহুমনি ফৗরবুনি সিগাঙাও গছংনান দং1। যদি ছৗরবা বিছৗরখৌ হানি খৗলামনৗ হাস্থাইয়ৗ, অব্লা বিছৗরনি খৌগানিফ্রায় অয়াৎ অৗংখাৎনানৈ বিছৗরনি বিসারুফৗরখৌ ফৗজৗবস্রাঙৗ। মাব্রৈ ছৗরবা বিছৗরখৌ হানি খৗলামনৗ সানব্লা বেবাদি থৈনাংনায়। নখ্রাংখৌ ফাংথেনৗ বিছৗরনিয়াও বৗলৗ দং, জাহাথে বিছৗরনি ভবিষৎবানি খৗলামনায় সমাও অখা হায়া; আরৗ বিছৗরনি বৗলৗয়া দৈখৌ থৈয়াও সৗলাইনৗ আরৗ বিছৗরৗ জেছেবার লুবৈয়ৗ বুহুমাও গাছেন রকমনি মহামারিজৗং আঘাত খৗলামনৗ। দা জেব্লা বিছৗরৗ বিছৗরনি সাক্ষ্যখৌ ফৗজৗবমৗ, অব্লা সিমা গৈয়ি গৗথৌ হাখরনিফ্রায় জুনাররা জিখাংবৗবায়, যে বিছৗরখৌ আক্রমণ খৗলামনায় আরৗ বিছৗরখৌ ফেজেননানৈ সিথাৎনায়। জেরাও বিছৗরনি ফৗরবুখৌ ক্রুশাও হৗদৗংমৗন, বে সদোম আরৗ মিশরনি রূপ বাদি বুংজানায় গেদেৎ নৗগৗরনি লামা গেজেরাও বিছৗরনি থৈনায় মৗদৗমা গৗগ্লায়নানৈ থানায়। সানথাম খাওছে দিনসিম মৗনফ্রৗমবৗ মানসি, বংশ, ভাষা, আরৗ জাতিফ্রা বিছৗরনি গৗথৈফৗরখৌ নুনায় আরৗ বিছৗরখৌ ফৗবনৗ অস্বীকার খৗলামনায়। বুহুমনি থাগ্রাফ্রা বিছৗরনি ছায়াও রংজানায়, আরৗ গাওজৗং গাও দানফৗর হৎদ্লাইনাইনৈ ফরব ফালিজ্লাইনায়, মানৗনা বে সানৈ নবিয়া বুহুমাও থাগ্রাফৗরখৌ যন্ত্রণা হৗদৗংমৗন। সানথাম খাওছে দিননি উনাও ঈশ্বৗরনিফ্রায় জিউনি হাং বিছৗরনিয়াও হাবদৗংমৗন, আরৗ বিছৗরৗ গাওছৗরনি আঠেংয়াও গছংদৗং মৗন আরৗ জাইফ্রা বিছৗরখৌ নুদৗং মৗন, বিছৗরৗ গিদৗংমৗন। অব্লা বিছৗরৗ স্বৗর্গৗনিফ্রায় মৗনছে গৗব্রাব রাও খৗনাবায় যে বিছৗরৗ বুংবায়, “বেহা গৗজৌয়াও ফৈ।” আরৗ বিছৗরৗ জৗমৈনি গেজেরজৗং স্বৗর্গৗয়াও থাংবায়, জেব্লা বিছৗরনি বিসারুফ্রা বিছৗরখৌ নুদৗং। ঠিক বি সমাও গিথাও বাথাও গাংগ্রিম মাওদৗং আরৗ নৗগৗরনি দশভাগনি এক ভাগয়া গিসিখাদৗং। বি গাংগ্রিম মাওনায়াও সাত হাজার মানসি থৈদৗংমৗন আরৗ জাইফ্রা ঠাংনানৈ দং বিছৗরৗ গিনানৈ স্বৗর্গৗনি ঈশ্বৗরখৌ মহিমান্বিত খৗলামদৗং মৗন। দ্বিতীয় ধিক্কারা জৗববায়; তৃতীয় ধিক্কারা গৗখ্রৈ ফৈগৌ।
সাত সংখ্যানি ফেমফা
সাত সংখ্যানি আরফ'আ বিনি ফেমফাখৌ ছুবায়, আরৗ স্বৗর্গৗয়াও গৗব্রাব রাও খৗনাবায়, জাইয়া বুংদৗংমৗন: “সংসারনি রাইজৗয়া জৗংনি ফৗরবু আরৗ বিনি মসিহনি রাইজৗ জাফৈবায় আরৗ জেব্লাইবৗনি থাখৈ বিয়ৗ শাসন খৗলামনায়।” আরৗ বি চব্বিশ জন প্রাচীন, জাইফ্রা ঈশ্বৗরনি সিগাঙাও বিছৗরনি সিংহাসনাও জিরাইদৗং, আরৗ বিছৗরৗ গুগ্রুবনানৈ ঈশ্বৗরখৌ খুলুমদৗং, বুংবায়: “জৗঙৗ নৗংখৌ ধন্যবাদ হৗয়ৗ, বৗলৗগ্রা ফৗরবু ঈশ্বৗর, জাইয়া দং আরৗ জাইয়া দংমৗন, মানৗনা নৗঙৗ নৗংনি গেদেৎ বৗলৗখৌ নাজাওবায় আরৗ শাসন শুরু খৗলামবায়। জাতিফ্রা রাগ জাদৗংমৗন, আরৗ নৗংনি রাগয়া ফৈবায়। সমমা ফৈবায় গৗথৈফৗরনি বিচার খৗলামনৗ, আরৗ নৗংনি দাস নবিফৗরনৗ বানথা হৗনৗ আরৗ নৗংনি মানসিফ্রা জাইফ্রা নৗংনি মুংখৌ গিয়ৗ, গৗলৈ আরৗ গেদেৎ সাফ্রৗমবৗ আরৗ জাইফ্রা বুহুমখৌ সংহার খৗলামৗ বিছৗরখৌ সংহার খৗলামনৗ।” উনাও স্বৗর্গৗয়াও ঈশ্বৗরনি মন্দিরনি দুয়ারা খেওদৗংমৗন, আরৗ বিনি মন্দিরনি সিঙাও বিনি চুক্তিনি সিন্দুকয়া নুজাদৗংমৗন। আরৗ বিহা স্রাং জৗংব্লাওনায়, ছৗগৗননায়, অখা খিরিমনায়, গাংগ্রিম মাওনায়, গৗব্রাব খরথাই গৗগ্লায়নায়।
Source notes (1)
- Cross-reference সখরিয়া 4:3,11,14
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.