নুজাহৗজানায় 13

মৗনছে জুনারা লৈথৗনিফ্রায় অৗংখাৎ বৗবায়

1আরৗ ড্রাগননা সাগৗর জিঙাও গছংবায়। আরৗ আঙৗ নুবায় মৗনছে জুনারা সাগৗরনিফ্রায় অৗংখাৎ বৗবায়। বিনে দশটা গং আরৗ সাতটা খর দংমৗন, বিনি গংফ্রাও দশটা মুকুট দংমৗন আরৗ মৗনফ্রৗমবৗ খর'য়াও মৗনছে নিন্দিনায় গৗনাং ঈশ্বৗরনি নাম দংমৗন। 2আঙৗ যে জুনারখৌ নুবায় বিয়ৗ লখ্রাবাদিমৗন, নাথায় বিনি আঠেংয়া মুফুর বাদিমৗন আরৗ খৌগায়া সিংহ বাদিমৗন। ড্রাগননা গাওনি বৗলৗ আরৗ সিংহাসন আরৗ গেদেৎ অধিকারখৌ বি জুনারনৗ হৗদৗংমৗন। 3জুনারনি খর'ফৗরনি মৗনছেয়াও নুনায় বাদিয়াও গিলু বালু গারাই দংমৗন, নাথায় গিলু বালু গারাইয়া ছৗখাজাবায়। সারা সংসারা বৗথিয়া নাংবায় আরৗ জুনারনি উন উন থাংবায়। 4মানসিফ্রা ড্রাগনখৌ খুলুমৗ মৗন মানৗনা বিয়ৗ জুনারনৗ একথিয়ারখৌ হৗদৗংমৗন, আরৗ বিছৗরৗ জুনারখৌবৗ খুলুমৗ মৗন আরৗ সৗংদৗং, “বি জুনার বাদি ছৗর? ছৗর বিনি বিরুদ্ধ দাওহা নাংনৗ হানায়।?” 5বে জুনারখৌ ডুগা বুংনৗ আরৗ ঈশ্বৗরখৌ নিন্দিনৗ আরৗ বিয়াল্লিশ মাসসিম বিনি একথিয়ারখৌ বাহায়নৗ মৗনছে খৗগা হৗয়াজাদৗং মৗন। 6বিয়ৗ ঈশ্বৗরখৌ নিন্দিনৗ খৌগা খেওবায় আরৗ বিনি নামখৌ, বিনি থাগ্রা আরৗ স্বৗর্গৗয়াও থাগ্রাফৗরখৌ বদনাম খৗলামবায়। 7ঈশ্বৗরনি মানসিফৗরনি বিরুদ্ধ দাওহা নাংনৗ আরৗ বিছৗরখৌ ডেহানৗ একথিয়ার হৗদৗং। আরৗ বিখৌ মৗনফ্রৗমবৗ বংশ, মানসি, ভাষা আরৗ জাতিনি ছায়াও একথিয়ার হৗদৗং। 8সংসারনি গাছেন বাসিন্দাফ্রা বি জুনারখৌ খুলুমৗ মৗন-জাইফৗরনি নামা মেন্দা বিসানি জীবন বিজাবমাও লিৎজায়াখৈ, বি মেন্দা বিসাখৌ জাইয়া সংসার সৗরজিনায়নিফ্রায় সিথাৎ জাদৗংমৗন। 9জাইফৗরহা খৗমা দং, বিয়ৗ খৗনাছংথৗং। 10“যদি ছৗরবায়া জৗবথেসালিয়াও থাংনৗগৗনাং দং, অব্লা বিয়ৗ জৗবথেসালিয়াও থাংথারনাংনায়। যদি ছৗরবায়া তৗরৗয়ালজৗং সিথাৎ জানাংগৌ দং, অব্লা বিয়ৗ তৗরৗয়ালজৗং সিথাৎজাথারনাংনায়।” বিনিখাইনৗ ঈশ্বৗরনি মানসিফ্রা সৈছৗনৗ হানায় আরৗ ফৗথাইসুলা জাথারনাংনায়।

মৗনছে জুনার সংসারনিফ্রায় অৗংখাৎবৗনায়

11উনাও আং দ্বিতীয় জুনারখৌ সংসারনিফ্রায় অৗংখাৎবৗনায় নুবায়। মেন্দা বিসা বাদি বিনে মৗননৈ গং দংমৗন, নাথায় বি ড্রাগন বাদি খৗথা বুংদৗং। 12বিয়ৗ প্রথম জুনারনি গাছেন একথিয়ারখৌ বিনি জানানৈ বাহায়দৗং মৗন, আরৗ সংসার আরৗ বেহানি থাগ্রাফৗরখৌ প্রথম জুনারখৌ খুলুমনৗ বাধ্য খৗলামদৗং মৗন, জাইনি গিলু বালু গারাইয়া ছৗখাজাবায়। 13আরৗ বিয়ৗ গেদেৎ আরৗ সৗমৗ নাংথাও থাও চিহ্নফৗর দিন্ঠিদৗং, এরৈ বাদি মানসিনি নৗজৗরাও স্বৗর্গৗনিফ্রায় সংসারাও অয়াৎ নামায়খ্লায়ফৈবায়। 14চিহ্নফৗরনি থাখৈ বেনৗ প্রথম জুনারনি জানানৈ খামানি মাওনৗ বৗলৗ হৗয়াজাদৗং মৗন, বিয়ৗ সংসারাও থানায়ফৗরখৌ ঠগায়দৗংমৗন। বিয়ৗ বিছৗরখৌ বি জুনারনি সন্মাননা মৗনছে মহর ফছংনৗ আদেশ হৗদৗংমৗন জাইয়া তৗরৗয়ালজৗং ঘায়েল জাদৗংমৗন আরৗ দাবৗ ঠাংনানৈ দংমৗন। 15দ্বিতীয় জুনারনি মহরাও হাং হৗনায়নি বৗলৗ হৗদৗংমৗন, জাহাথে বে খৗথা বুংনৗ হায়ৗ আরৗ জাইফ্রা মহরখৌ সিবিনৗ অস্বীকার খৗলামদৗং মৗন বিছৗরনি জিউখৌ সিথাৎনৗ হাগৌ। 16বিয়ৗ গৗল্লৈ আরৗ গেদেৎ, ধৗনি আরৗ হাওরিয়া, স্বাধীন আরৗ দাস বিনি আগ্ডা আখাই এবা কাপালাও মৗনছে চিহ্ন মৗন্নৗ বাধ্য খৗলামদৗং। 17জাহাথে বিছৗরৗ বায়নৗ আরৗ ফাননৗ হায়া, বিছৗরনিয়াও বি জুনারনি নাম এবা বিনি নামনি সংখ্যানি চিহ্ন থায়াব্লা। 18বেখৌ মিথিনৗ জ্ঞান নাংগৌ। যদি ছৗরনেওবা বুজিনায় থায়ৗ, অব্লা বিয়ৗ জুনারফৗরনি সংখ্যা সানথৗং, মানৗনা বে মৗনছে মানসিনি সংখ্যা। বি সংখায়া 666।