Mech
ফিলীমন 1
ফিলীমননৗ পৌলনি লাইজাম
পৌল, যীশু খ্রীষ্টনি থাখৈ জৗবথেসালিয়াও জৗবজানায় আরৗ তীমথিয় জৗংনি ফংবায়,
বে লাইজামখৌ জৗংনি লৗগৗ আরৗ জৗংনি মাওফাগ্রা আংগৗ লৗগৗ ফিলীমননৗ, আরৗ জৗংনি বিনানাও আপ্পিয়া আরৗ জৗংনি সান্ত্রি আর্খিপাস, আরৗ নৗংছৗরনি ন্ব'নি মন্ডলীনি থাখৈ লিৎহথদৗং1।
জৗংনি বিফা ঈশ্বৗর আরৗ ফৗরবু যীশু খ্রীষ্টআ নৗংছৗরনৗ অনুগ্রহ আরৗ শান্তি হৗথৗং।
ফিলীমননি অন্নায় আরৗ ফৗথাইনায়
জেব্লাইবৗ আঙৗ আংনি ঈশ্বৗরনিয়াও প্রার্থনা খৗলামফ্রৗবৗ নৗংখৌ গৗসৗ খাংফায়ৗ, আরৗ নৗংনি থাখৈ ঈশ্বৗরখৌ হামবায় হৗন্নৗ। মানৗনা ফৗরবু যীশুনিয়াও নৗংনি ফৗথাইনায় আরৗ বিনি গৗথার মানসিফৗরনি ছায়াও নৗংনি অন্নায়খৌ আঙৗ খৗনাবায়। আঙৗ প্রার্থনা খৗলামৗ, জৗংনি ফৗথাইনাইয়াও নৗংনি সহভাগিতাও ভাগৗ লানাইয়া খ্রীষ্টজৗং খৌছে জানাইয়াও জৗংনিয়াও মৗনফ্রৗমবৗ যে মৗজাং জিনিস দং বেখৌ নৗংনৗ ফুরা মিথিহৗথৗং। অনজাগ্রা ফংবায় নৗংনি অন্নায়খৌ খৗনানানৈ আং বিরাঠ রংজাবায়, আরৗ সাহস মৗনবায়, মানৗনা নৗংজৗং গাছেন ঈশ্বৗরনি মানসিফ্রা গৗদান বৗলৗ মৗনবায়।
অনিসিমাসনি থাখৈ খাওলাইহৎনায়
বিনিখাইনৗ, নৗঙৗ মা মাওনাংগৌ, বেখৌ খ্রীষ্টনি মুঙৈ সাহসজৗং আঙৗ নৗংখৌ আদেশ হৗন্নৗ হাগৌব্লাবৗ, আঙৗ নৗংখৌ অন্নায়খায়, থৗনামাৎনিনৗ খাওলায়ৗ, আং যীশু খ্রীষ্টনি সাছে দাস আরৗ যীশু খ্রীষ্টনি থাখৈ জৗবথেসালিয়াও জৗবজানায় সাছে বৗরাই পৌল। খ্রীষ্টনিয়াও আংনি বিসা, অনিসিমাসনি থাখৈ নৗংখৌ খাওলাইহৎনৗ, আং জৗবথেসালিয়াও থানায়াও বিয়ৗ খ্রীষ্টখৌ ফৗথাইনায়জৗং আংনি বিসা জাবায়2। সিগাঙাও বিয়ৗ নৗংনৗ ইছেবৗ অনদায়ি মৗন, নাথায় দা বিয়ৗ নৗংনৗ আরৗ আংনৗ, জৗং সানৈনিবৗ হেফাজাব হৗগ্রা জাবায়।
জাইখৌ আং গৗসৗজৗং অন্নৗ, আঙৗ বিখৌ নৗংনিয়াও থৗনহৎফিনবায়। মৗজাং খবর খৗথাবাইনায়নি থাখৈ আঙৗ জৗবথেসালিয়াও দৗনজানায়াও নৗংনি বদল আংখৌ হেফাজাব হৗনৗ থাখৈ বিখৌ আংজৗংনৗ দৗন্নৗ লুবৈদৗংমৗন। নাথায় নৗংনিফ্রায় খৗথা মৗননামাৎনিন আঙৗ মৗংবৗ মাওনৗ লুবৈয়াখৈমৗন, নৗঙৗ গাওনি গৗসৗ বাদি হেফাজাব হৗনায়খৌছৗ আঙৗ লুবৈয়াখৈমৗন; নৗংখৌ আঙৗ ব্রা ব্রা থৗন্না।
নৗং যেন বিখৌ অরাইবৗনি থাখৈ মৗনফিনৗ হানায় বাদি, জানৗ হাগৌ দান্দৈছেনি থাখৈ বিয়ৗ নৗংনিফ্রায় গৗজান জাথৗদৗং মৗন, গলাম বাদি অৗঙা, গলামনিফ্রায় রাসিন, বে জাবায়, খ্রীষ্টনিয়াও গাওনি অনজাগ্রা ফংবায় বাদি জেব্লাইবৗনি থাখৈ মৗনফিননায়। বিয়ৗ আংনি অনজাগ্রাথার, নাথায় নৗংনিয়াও এমন কি রাসিন মানৗনা দা বিয়ৗ নৗংনি দাস বান অৗংলে, বিয়ৗ ফৗরবুখৌ ফৗথাইগ্রা নৗংনি সাছে ফংবায়বৗ জাবায়।
বিনিখাইনৗ নৗঙৗ আংখৌ গাওজৗং ফৗরবুনি খামানি মাওফাগ্রা লৗগৗ হৗন্নানৈ সানব্লা আংখৌ জেরৈ নাজাওয়ৗ, বেবাদিনৗ বিখৌবৗ নাজাওদৗ। বিয়ৗ নৗংনি সিগাঙাও গৗরৗন্ঠি মাওবায়ব্লা, এবা নৗংনৗ মাবাফৗর হৗনাংগৌ দংব্লা, আংনিয়াও বেখৌ বিবানখৌ হৗ। আং, পৌল, বেখৌ গাওনি আখাইজৗং লিৎদৗং, নৗংনৗ দাহারখৌ আং গাওনৗ হৗনায়ছৈ। (নাথায় খৗথা ফংছেয়া বেনৗ, নৗং গাওনি জীবননি থাখৈনৗ আংনেও দাহার।) আঙৗ ইচ্ছা জায়ৗ, ফংবায়, জৗং খ্রীষ্টনিয়াও ফংবায় জানায়খায়, ফৗরবুনি বিশ্বাসি বিসিগি বাদি আংনি হাস্থাইনায়খৌ লাখিনানৈ আংখৌ রংজাহৗ।
আং ফৗথায়ৗ, নৗঙৗ আংনি বুংনায়খৌ মানিনায় হৗন্নানৈছৗ আং বেখৌ নৗংনৗ লিৎহদদৗং। আং মিথিগৌ যে নৗং আং বুংনায়নি খুরৈবৗ বাংসিনছৗ মাওনায়।
আরৗ মৗনছে জিনিস বাংসিন, আংনি থাখৈ মৗনছে আলাসি খঠ্রা ঠাম ঠিম দৗনখা, মানৗনা আঙৗ আশা খৗলামৗ যে নৗংছৗরনি প্রার্থনানি গেজেরজৗং আঙৗ গৗখ্রৈনৗ নৗংছৗরখৌ নাইনৗ হানায়।
জৗবনাইনি খুলুমহৎনায়
যীশু খ্রীষ্টনি মৗজাং খবরখৌ খৗথাবাইনায়নি থাখৈ আংজৗং জৗবথেসালিয়াও জৗবফাজানায় 3ইপাফ্রাস, আরৗ লৗগৗছে আংনি মাওফাগ্রা মার্ক, আরিষ্টার্খস, দীমাস আরৗ লূক, বিছৗর বয়বৗ নৗংছৗরনৗ গৗজৗন্নায় হৎদৗং।
ফৗরবু যীশু খ্রীষ্টনি অনুগ্রহয়া নৗংছৗরনি জিউয়াও লৗগৗছে থাথৗং।
Source notes (3)
- Cross-reference কলসীয় 4:17
- Cross-reference কলসীয় 4:9
- Cross-reference কলসীয় 4:12
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.