Mech
তীত 3
মৗজাং আখলফৗরখৌ খৗলামনৗ থৗননায়
নৗঙৗ গাওনি মানসিফৗরনৗ গৗসৗখাংহৗদৗ, বেছৗরৗ হাদৎ বেংগ্রাফৗর আরৗ একথিয়ার গৗনাংফৗরনি সিগাঙাও গংথৗং, বিছৗরনি আদেশফৗরখৌ মানিথৗং আরৗ মৗনফ্রৗমবৗ মৗজাং খামানি মাওনৗ থাখৈ ঠাম ঠিম জাথৗং।1 বিছৗরৗ জাহাথে রাওখৌবৗ নিন্দিয়া মাৎনিন এবা রাওজৗংবৗ নাংজ্লাইয়ামাৎনিন বয়জৗংবৗ গুরৈ আরৗ রৈসুমৈ জানানৈ থানৗ হায়ৗ। মানৗনা জৗংবৗ গৗডৗ সান্নৗ রৗঙি, বৗচৗন লায়ি আরৗ আন্দাইনায় লামাজৗং থাবাইগ্রামৗন। জৗঙৗ বাইদিসিনা লুবৈগ্রা আরৗ গাজ্রি রংজানাইফৗরাও গলাম মৗন জৗঙৗ গুবুনফৗরনি বিরুদ্ধনাও জিখাংগ্রা, আরৗ মগনছাগ্রামৗন। জৗং হিংসাওমৗন আরৗ গাওজৗং গাও নিন্দিজ্লাইগ্রামৗন। নাথায় জেব্লা জৗংনি বাছাইগিরি ঈশ্বৗরনি মৗজাং গুন আরৗ অন্নায়া মানসি জাতিনি থাখৈ নুজাবায়, জৗং ধৗরৗমসুলায়ৈ খামানি মাওনাইনি থাখৈ বাছাইজাবায় বে অৗঙা নাথায় বিয়ৗ গাওনি দয়াজৗং জৗনৗমজাফিন্নান ছুস্রাংনাইনি গেজেরজৗং জৗংখৌ গৗথার জিউজৗং গৗদানৈ জীবন হৗবায় আরৗ জৗংখৌ বাছাইবায়। জৗংনি বাছাইগিরি যীশু খ্রীষ্টনি গেজেরজৗং ঈশ্বৗরা জৗংনি ছায়াও গৗথার জিউখৌ উদার গৗসৗয়ৈ লুনানৈ হৗবায়,2 যেন বিনি অন্নায়জৗং জৗঙৗ ঈশ্বৗরনি সিগাঙাও ধার্মিক সান্জাবায়, আরৗ জৗং আশা খৗলামনায় জৗবনৗ গৈয়ি গৗঠাংখৌ মৗন্নায়। বে খৗথায়া ফৗথায়জাথাও, আঙৗ ইছ্ছা জায়ৗ যে নৗংছৗরৗ বে গাছেননাওবৗ গৗসৗ হৗনায়খৌ, জাইফ্রা ঈশ্বৗরখৌ ফৗথাইবায় বিছৗরৗ মৗজাং খামানি মাওনাইফ্রাও গৗসৗ হৗনায়। বেফৗরৗ সাফ্রৗমবৗ মানসিফৗরনি থাখৈ মৗজাং আরৗ লাভগৗনাং। নাথায় মূর্খফৗর বাদি তর্ক-বিতর্ক, জৗলৈ ফারিলাই, আরৗ আইন-কানুন লানানৈ নাংজ্লাইনায়নিফ্রায় গৗজান জাদৗ, মানৗনা বেফৗরাও জেবৗ মৗনদেৎনায় গৈয়া আরৗ বেফৗরৗ নংখায়-বাখাইছৗ। গাওজ্লাইহৗগ্রা মানসিখৌ নৗঙৗ খননৈসিম সাবধান হৗ, খৗনাছঙাব্লা বিখৌ নাগার। নৗঙৗ মিথিগৌ বেবাদি মানসিনে গৗসৗনি সান্নাইয়া খেংখ্রা আরৗ পাপী, বিছৗরৗ গাওখৌনৗ দায় খৗলামৗ।
জৗবনাইনি ফৗরৗংনায়
আঙৗ আর্তিমা এবা তুখিকখৌ নৗংনেও গৗখ্রৈনৗ থৗনহৎব্লা, নৗঙৗ নীকপলি নৗগৗরাও আংনিয়াও ফৈনৗ হাস্থায়দৗ, মানৗনা আঙৗ বিয়াও গৗজাং বৗথৗরাও থানৗ3 সানবায়। আইন গিরি সীনা আরৗ আপল্লোসখৌ লামায়াও ঠৗয়িজায়ি বাদি নাংগৌ মানিখৌ বিছৗরনৗ হৗনানৈ থৗনহৎদৗ। জৗংনি মানসিফ্রা মৗজাং খামানিফৗরনি থাখৈ ভক্ত জানানৈ মাওনৗ ছৗলৗংনাংগৌ দং, জাহাথে বিছৗরৗ জেব্লাইবৗ নাংগৌফৗরখৌ হৗনৗ হানায় বাদি আরৗ জীবনফ্রা বিথাই থাইরৗঙি দাথাথৗং। আংজৗং থাফানায় বয়বৗ নৗংখৌ গৗজৗন্নায় লাহৎদৗং। খ্রীষ্টখৌ ফৗথাইনাইয়াও জাইফ্রা জৗংখৌ অন্নৗ, বিছৗরনৗ জৗংনি গৗজৗন্নায় লাহৎনায়খৌ হৗদৗ। ঈশ্বৗরনি অনুগ্রহয়া নৗংছৗর বয়জৗংবৗ লৗগৗয়াও থাথৗং।
Source notes (3)
- Cross-reference রোমীয় 13:1; 1 পিতর 2:13
- Cross-reference যোয়েল 2:28; প্রেরিত 2:31; 10:45
- Cross-reference 1 তীমথিয় 4:12
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.