Mech
যাকোব 4
সংসারজৗং বিসিগি খানায়
নৗংছৗরনি গেজেরাও নাংজ্লাই খমজ্লাইয়া ববেহানিফ্রায় ফৈয়ৗ? বেফৗরৗ মা কি নৗংছৗরনি মৗদৗমনি লুবৈনাইনিফ্রায় ফৈয়াখৈ, জেয়া নৗংছৗরনি গেজেরাও দাওহা নাঙৗ? নৗংছৗরৗ লুবৈয়ৗ, নাথায় নৗংছৗরৗ মৗন্না, বিনিখাইনৗ নৗংছৗরৗ সিথাৎনৗ। নৗছৗরৗ জৗবৗদ গৗসৗ জায়ৗ নাথায় নৗংছৗরৗ জেখৌ লুবৈয়ৗ বেখৌ মৗন্নৗ হায়া, বিনিখাইনৗ নৗংছৗরৗ নাংজ্লাই খমজ্লাই খৗলামৗ। নৗংছৗর গাওছৗর হাস্থাইনায়খৌ মৗন্না, মৗনৗনা নৗংছৗরৗ ঈশ্বৗরনিয়াও বিয়া। জেব্লা নৗংছৗরৗ বিয়ৗ, নৗংছৗরৗ নাজাওয়া, মানৗনা নৗংছৗরৗ গৗরৗন্ঠি মতলবজৗং বিয়ৗ, যে নৗংছৗরৗ গাও গাওখৌ গৗজৗনহৗনৗ বান বাহাইয়ৗ।
ও জিনাহারি মানসিফৗর1 ছৗরৗ মিথিয়া নামা, সংসারজৗং বিসিগি খানায়য়ানৗ ঈশ্বৗরনি বিসারু? জাইয়ানৗ সংসারজৗং বিসিগি জানৗ লুবৈয়ৗ, বিনৗ ঈশ্বৗরনি বিসারু জায়ৗ। কিন্বা শাস্ত্রয়াও লিৎনাইয়া দং বে বাথ্রায়া নংখাই হৗন্নানৈ নৗংছৗরৗ সান্নৗ, জেয়া ফৗরৗঙৗ, মানৗনা ঈশ্বৗরনি জিউয়া জৗংনি গৗসৗয়াও থানায়নি কারণ খৗলামৗ নামা? নাথায় বিয়ৗ বাংসিন অনুগ্রহ হৗয়ৗ, বিনিখাইনৗ শাস্ত্রয়া বুঙৗ,
“ঈশ্বৗরা ডুগাফৗরখৌ বাদা হৗয়ৗ, নাথায় গুরৈফৗরনৗ অনুগ্রহ দিন্ঠিয়ৗ।”2
গাওছৗরখৌ ঈশ্বৗরনৗ গথাই, শয়তাননি বিরুদ্ধনাও বাদা হৗ, অব্লা বিয়ৗ নৗংছৗরনিফ্রায় খাৎলাংনায়। ঈশ্বৗরনি খাঠিয়াও ফৈ আরৗ বিয়ৗ নৗংনি খাঠিয়াও ফৈনায়। ও পাপীফৗর, নৗংছৗরনি আখাইফৗরখৌ ছুস্রাংদৗ, ও মৗননৈ গৗসৗ গৗনাং মানসিফৗর আরৗ নৗংছৗরৗ গৗসৗফৗরখৌ সাফা খৗলামদৗ। দাহা খৗলাম, দুঃখু খৗলাম আরৗ গাবদৗ, মিনিনায়খৌ সৗলাইনানৈ দুঃখু খৗলামদৗ, আরৗ রংজানায়খৌ খৗমসি হাং খৗলামদৗ। ফৗরবুনি সিঙাও গাওছৗরখৌ মাহি জা আরৗ বিনৗ নৗংছৗরখৌ ফৗজৌনায়।
খ্রীষ্টিয়ান বিদা-ফংবায়নি বিরুদ্ধ বিচার খৗলামনায়
বিদা ফংবায় আরৗ বিবো বিনানাওফৗর, 3গাওজৗং গাও দানিন্দিজ্লাই। জাইয়া বিদা ফংবায় এবা বিবো বিনানাওখৌ নিন্দিয়ৗ, কিন্বা বিছৗরখৌ বিচার খৗলামমৗ, বিয়ৗ আইনখৌ নিন্দিয়ৗ, আরৗ আইননি বিরুদ্ধ বিচার খৗলামমৗ। নৗঙৗ আইননি বিরুদ্ধ গৗরৗন্ঠি নাইগিৎবায়ৗব্লা, নৗঙৗ আইনখৌ মানিগ্রা অৗংলে, বিচার খৗলামগ্রাসৗ জাবায়। আইনখৌ হৗগ্রা আরৗ বিচার খৗলামগ্রায়া বি ঈশ্বৗর বান, বি বানৗ বাছাইনৗ আরৗ সংহার খৗলামনৗ হাগৌ নৗংনি প্রতিবাসীখৌ ফারা-ফুরুসিখৌ বিচার খৗলামনৗ, নৗং ছৗর?
ডুগা খৗলামনায়নি বিরুদ্ধ সাবৗদান হৗনায়
দা খৗনাছং, নৗংছৗরৗ জাইয়া বুঙৗ, “দিনৈ কিন্বা গাবৗন, জৗং বেহা কিন্বা বৈ নৗগৗরাও বৗছৗরছে থাহৈনানৈ বায়য়ৈ-ফাননৈ গৗবাং টাকা খৗলামনায়।” মানৗ, গাবৗন মা জানায়, বেখৌ নৗংছৗরৗ মিথিয়া, নৗংছৗরনি জীবননা মা? নৗংছৗরৗ দাখাছে আখুন্দৈ বাদিছৗ, দান্দৈছে নুজায়ৗ, আরৗ দান্দৈছেনি উনাও গৗমালাঙৗ। বরং নৗং বেবাদি বুং: “ফৗরবুআ গৗসৗ জাব্লা জৗং ঠাংনানৈ থানায়, আরৗ বেখৌ কিন্বা বৈখৌ মাওনায়।” নাথায় দা, জৗরৈ নৗংছৗরৗ ডুগা আরৗ গৗগা খৗলামনানৈ লায়ৗ; বেবাদি গাছেন ডুগা খৗলামনাইয়া গাজ্রি। বিনিখাইনৗ ছৗরবায়া মৗজাং মাওনাংগৌখৌ মিথিনানৈবৗ মাওয়াব্লা, বিছৗরনি থাখৈ বিয়ৗ পাপ।
Source notes (3)
- Footnote যাকোবআ মানসিফৗরখৌ ফৗথাইজায়ি হিন্জাওফৗরজৗং রুজুদৗং জাইফ্রা জিনাহারি খৗলামৗ,
- Cross-reference বৗচৗন বিজাব 3:34
- Footnote গ্রীক সৗদৗবমাও বিদা ফংবায় এবা বিবো-বিনানাওখৌ এডেলপোই বুঙৗ, বেয়াও বিশ্বাসিফৗরখৌ হৗন্দৗং, হোয়াফৗর এবা হিন্জাওফৗর গাছেনখৌবৗ বুংনায় জাদৗং, ঈশ্বৗরনি ন্ব'খর মৗনছেনি অংশ।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.