Skip to content
BibleKenya

Mech

যাকোব 5

ধৗনিফৗরখৌ সাবৗদান হৗনায়

দা খৗনাছং, ধৗনি মানসিফৗর, নৗংছৗরনি ছায়াও ছফৈগৌ নিদাননি জুনৈ নৗংছৗরৗ গাবদৗ আরৗ দুঃখু কষ্ট খৗলামদৗ। নৗংছৗরনি ধৗনফ্রা ছেওলাংবায়, আরৗ নৗংছৗরনি মৗজাং সি'ফৗরখৌ এম্ফৌফৗর অৎবায়। নৗংছৗরনি সোনা আরৗ রূপায়া জামলাংবায়। বে জামলাংনায়ানৗ নৗংছৗরনি বিরুদ্ধ সাক্ষী গছংনায়, আরৗ অৎ বাদি নৗংছৗরনি মৗদৗমফৗরখৌ জানায়। নৗংছৗরৗ জৗবনায় দিননি থাখৈ বে ধৗনফৗরখৌ বুথুমবায়। নৗংছৗরনি হুফৗরাও মাওনায়ফৗরনৗবৗ নৗংছৗরৗ বিছৗরনি মাওনায়নি মৗন্নাংগৌফৗরখৌ হৗয়াখৈ। খৗনাছং, নৗংছৗরনি বিরুদ্ধনাও গাবখ্রাওদৗং আরৗ বিছৗরনি গাবখ্রাওনায়া বৗলৗগ্রাসিনথার ফৗরবুনিসিম ছহৈবায়। নৗংছৗরৗ সংসারাও দেলায়মালাই আরৗ গাওনি গৗসৗ বাদিয়ৈ ঠাংনানৈ থায়ৗ। নৗংছৗরৗ সিথাৎ জানাংগৌ দিননি থাখৈ নৗংছৗরৗ মৗদৗম গৗনাং খৗলামবায়1। নৗংছৗরৗ দায় গৗয়ি ধৗরৗমিয়া মানসিখৌ দোষী খৗলামদৗং আরৗ সিথাৎদৗং। বিছৗরৗ নৗংছৗরনি বিরুদ্ধ জিখাঙাখৈ মৗন।

দুঃখুনি সমাও সৈছৗনায়

আংনি বিদা ফংবায় আরৗ বিবো বিনানাওফৗর নৗংছৗরৗ ফৗরবুনি ফৈফিন্নায় দিনসিম সহায়নানৈ থাদৗ। নায়, আবাদ মাওগ্রায়া বেছে সৈছৗনায়াও গাওছৗরনি হুয়াও দাম গৗছা আবাদ অৗংখাৎনায়খৌ লামা নায়ৗ, বিয়ৗ দুংফাং বৗথৗর আরৗ বসন্ত বৗথৗরনি অখা হানায়খৌ বেছে সহায়নায়জৗং লামা নায়য়ৗ। নৗংছৗরবৗ সহায়নানৈ আরৗ গৗসৗয়াও গছংফথাদৗ, মানৗনা ফৗরবুনি ফৈনাইয়া খাঠিছৈ। বিদা ফংবায় আরৗ বিবো বিনানাওফৗর সাছেজৗং সাছে বিরুদ্ধ আপত্তি দাখৗলাম, অৗঙাব্লা নৗংবৗ বিচারিত জানায়। বিচাররা দুয়ারাও গছংনানৈ দং! বিদা ফংবায় আরৗ বিবো বিনানাওফৗর, জাই নবিফ্রা ফৗরবুনি মুঙৈ বুংদৗংমৗন, বিছৗরখৌ গৗসৗখাং বিছৗরৗ গাওছৗরনি দুঃখুনি সমাও বেছেবাং সহায়দৗং মৗন, বেফৗরখৌ উদাহরণ বাদি লাদৗ।2 নৗংছৗরৗ মিথিখাগৌ, বিছৗরখৌ জৗঙৗ বৗর হৗজাগ্রা হৗন্নৗ, মানৗনা বিছৗরৗ গছংফথাদৗং মৗন। নৗংছৗরৗ ইয়োবনি গছংফথানায়খৌ খৗনাবায় আরৗ জৗবনায়াও ফৗরবুআ বিনি থাখৈ মা মাওদৗং। মানৗনা ফৗরবুনি দয়া আরৗ অন্নায়া বুংজাছে3। গাছেননি ছায়াও, কিন্বা আংনি বিদা ফংবায় আরৗ বিবো বিনানাওফৗর, আঙৗ নৗংছৗরনৗ বেখৌবৗ বুঙৗ, নৗংছৗরৗ সমায় লানৗ নাঙা। নৗংছৗরৗ স্বৗর্গৗনি, বুহুমনি কিন্বা মুঙা মৗনছেনিবৗ মুঙৈ সমায় দালা। নৗংছৗরনি বুংনাইয়া অৗংগৌলা অৗংগৌ অৗঙালা অৗঙা, বেনৗ জাথৗং, অৗঙাব্লা ঈশ্বৗরনি বিচারাও গৗগ্লৈনায়।4

ফৗথাইনায়জৗং প্রার্থনা খৗলামনায়

নৗংছৗরনি গেজেরাও ছৗরবায়া কষ্টয়াও দংব্লা? বিয়ৗ প্রার্থনা খৗলামথৗং! ছৗরবায়া রংজাদৗং ব্লা? বিয়ৗ বাখ্নাইনায়নি মৗথাই খনথৗং। নৗংছৗরনি গেজেরাও ছৗরবা জব্রা জাদৗংব্লা? বিয়ৗ মন্ডলীনি প্রাচীনফৗরখৌ লিংহৎথৗং, আরৗ বিছৗরৗ ফৗরবুনি মুঙৈ বিনি মৗদৗমাও থাও ফুননানৈ প্রার্থনা খৗলামথৗং5। আরৗ ফৗথাইনায়জৗং প্রার্থনানি গেজেরজৗং জব্রায়া ছৗখাজানায়; ফৗরবুআ বিখৌ বৗখাংনায় আরৗ বিছৗরনি মাওনায় পাপফ্রা ক্ষমা হৗজানায়। বিনিখাইনৗ নৗংছৗরৗ গাওজৗং গাও পাপফৗরখৌ সিমান লাজ্লাই, আরৗ সাছেআ গুবুন সাছেনি থাখৈ প্রার্থনা খৗলামজ্লাই, জাহাথে নৗংছৗরৗ ছৗখা জানায় বাদি। মানৗনা ধৗরৗমিয়ানি প্রার্থনায়া বৗলৗগ্রা আরৗ বিথাই গৗনাং। এলিয়আ জৗং বাদিনৗ সাছে সাধারন মানসি মৗন। অখা দাহাথৗং হৗন্নানৈ বিয়ৗ গৗসৗ হৗনানৈ ঈশ্বৗরনিয়াও প্রার্থনা খৗলামদৗং, আরৗ বৗছৗরথাম ছয় মাস বুহুমাও অখা হায়াখৈ মৗন। আরবাও বিয়ৗ প্রার্থনা খৗলামদৗং, অব্লা নখ্রাংনিফ্রায় সংসারাও অখা হাফিনদৗং আরৗ হুফৗরাও আবাদফৗর জাফিনদৗং6। আংনি বিদা ফংবায় আরৗ বিবো বিনানাওফৗর, নৗংছৗরনি ছৗরবায়া নংগৌনিফ্রায় বিপদনাও থাংব্লা, আরৗ গুবুন সাছেয়া বিখৌ লাবৗফিননৗব্লা, বেখৌ গৗসৗখাং, ছৗরবায়া সাছে পাপীখৌ আন্দাইনায় লামানিফ্রায় লাবৗফিননৗব্লা, আরৗ বিয়ৗ বিনি জিউমাখৌ থৈনায়নিফ্রায় বাছাইনায় আরৗ গৗবাং পাপমা খৗবজানায়।

Source notes (6)
  1. Cross-reference হূদা বিজাব 14:14–15
  2. Footnote ইহুদি মানসিফ্রা গৗজাম হুদাও নবিফৗরখৌ মানিয়াখৈ মৗন আরৗ বিছৗরনি খাইছেখৌ সিথাৎদৗং। অব্লাবৗ নবিফ্রা ঈশ্বৗরখৌ মানিদৗংমৗন আরৗ বিনি খৗথা বুঙিন থাদৗং।
  3. Cross-reference ইয়োব 42:10–17; গীতফৗর 103:8
  4. Cross-reference মথি 5:34–37
  5. Cross-reference মার্ক 6:13
  6. Cross-reference 1 রাজাফৗরনি বিজাব 18:42–45

Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.