Mech
ইব্রীয় 4
বিনিখাইনৗ, বৈ সমনিফ্রায়নৗ বিনি জিরায়নায়নি জবান হৗখানায়াও হাবনৗ দাবৗনৗ গছংনান দং, ফৈ জৗঙৗ গিনানৈ থানি, নৗংছৗরনি গেজেরাও ছৗরবাফৗর খৗমায়ি বাদি। জৗরৈ বাদি গৗডৗনি মানসিফ্রা মৗজাং খবর প্রচার খৗলামদৗং মৗন, বিবাদিনৗ জৗংবৗ খৗনানৗ মৗনবায়, জেরৈ বাদি বিছৗরৗ মাওবায়, নাথায় বিছৗরৗ বে মৗজাং খবরখৌ1 খৗনাদৗংব্লাবৗ, বিছৗরহা মৗংবৗ মৗজাং জায়াখৈ, মানৗনা বিছৗরৗ মানিদৗংব্লাবৗ ফৗথাইনায়জৗং নাজাওয়াখৈ মৗন। মানৗনা জৗং ফৗথায়ৗ যে, জৗঙৗ বি জিরাইনাইয়াও হাবনৗ মৗনবায় হৗন্নানৈ, জৗরৈ ঈশ্বৗরা বুংদৗং, “আঙৗ বৗরাবনানৈ সমায় লানায়খৌ মিথিসাৎ হৗয়ৗ,
বিছৗরৗ মাব্লাবাবৗ আংনি
জিরাইনায়াও হাবনৗ মৗনথারনায় অৗঙা।”
আরৗ দাসিমবৗ বিনি খামানিয়া সংসার সৗরজিনায় সিমাও জৗবদৗং2। মানৗনা সাত দিননি বাথ্রা বিয়ৗ শাস্ত্রনি ববেয়াওবা বুংদৗং, “সাত দিনাও ঈশ্বৗরা গাওনি গাছৈ হাবাফৗরনিফ্রায় 3জিরাইদৗং।” আরৗ আরবাও বে খৗথাখৌ বিয়ৗ বুংবাওদৗং, “বিছৗরৗ মাব্লাবাবৗ আংনি জিরাইনায়াও হাবনৗ মৗনথারনায় অৗঙা।”
বিনিখাইনৗ খাইছেনি থাখৈ বি জিরায়গ্রায়াও দাবৗ হাবনৗ আদুরা দং, নাথায় সিগাং জাইফ্রা মৗজাং খবরখৌ খৗনাদৗং, নাথায় বিছৗরৗ ফৗথায়িখায় হাবনৗ মৗনাখৈ। আরবাও ঈশ্বৗরা গুবুন দিন ফছংবাওনায়, জেখৌ “দিনৈনি দিন হৗন্নৗ,” গৗবাং বৗছৗরনি উনাও ঈশ্বৗরা দায়ূদনি গেজেরজৗং বুংদৗংমৗন,
আরৗ বে শাস্ত্রয়াও লিৎনায় দং, “দিনৈ নৗংছৗরৗ ঈশ্বৗরনি রাওখৌ খৗনাব্লা, গৗসৗখৌ গৗরা দাখৗলাম।”
মানৗনা যোসুয়াআ যদি বিছৗরনৗ জিরাইনায়খৌ হৗয়ৗমৗনব্লা, অব্লা ঈশ্বৗরা গুবুন দিননি খৗথাখৌ বুংনায় অৗঙা মৗন। বিনিখাইনৗ দাবৗ ঈশ্বৗরনি মানসিফৗরনি থাখৈ জিরাইনায় সাব্বাথ4 ফছংনাইয়া বাকী দং। মানৗনা ঈশ্বৗরা গাওনি খামানিনিফ্রায় জেরৈ জিরাইদৗং মৗন, বেবাদিনৗ জাইফ্রা জিরাইনায়াও হাবমৗ, বিছৗরৗ গাওছৗরনি হাবাফৗরনিফ্রায় জিরাইয়ৗ5। থু জৗঙৗ বে জিরাইনায়াও হাবনৗ জৗংনি গৗসৗজৗং হাস্থায়নি, জাহাথে রাওবৗ বিছৗরনি মানিয়ৈনি উদাহরণ জানানৈ সংহার জায়া।
মানৗনা ঈশ্বৗরনি বাথ্রায়া গৗঠাং আরৗ মাওফুংগ্রা। ফাৎনৈবৗ দাহারগৗনাং থুংগ্রীনিখুরৈ গৗবৌসিন, বিয়ৗ মানসিনি গৗসৗ, জিউ, জরা আরৗ বেগেং সিংনি মেলেমাও গৗথৌয়ৈ হাবহৈয়ৗ, আরৗ বিয়ৗ মানসিনি সান্নায় আরৗ গৗসৗনি হাস্থাইনায়খৌ বিচার খৗলামৗ। গাছেনবৗ সৃষ্টিনি গেজেরাও ঈশ্বৗরনি নুনাইয়াও জেবৗ দৗনখৗমাজানাই গৈয়া।
আরৗ জাইনৗ জৗঙৗ হিসাব হৗনাংথারনাংনায় বিনি মগননি সিগাঙাং গাছেনবৗ লানদাং আরৗ খুল্লা।
যীশুআনৗ গেদেৎ গাহায় যাজক
জৗংহা সাছে গেদেৎ গাহায় যাজক দঙৗ জাইয়া দা স্বৗর্গৗয়াও ঈশ্বৗরনি সিগাঙাও দংহৈয়ৗ, বিয়ৗ ঈশ্বৗরনি বিসাহৌয়া যীশু, বিনিখাইনৗ ফৈ জৗঙৗ ফৗথাইনায়খৌ গৗগৗমৈ হমনানৈ লানি। জৗংনে সাছে গাহায় যাজক দং জাইয়া জৗংনি বৗলৗ গৈয়িয়াও অনখাংনৗ হায়ৗ, বিয়ৗ জৗং বাদি গাছেননাওবৗ আনজাদ লাজাদৗং মৗন, অব্লাবৗ বিয়ৗ পাপ মাওয়াখৈ। ফৈ জৗঙৗ ফৗথাইনায়জৗং ঈশ্বৗরনি অনুগ্রহনি সিংহাসনাও থাংনি, জাহাথে জৗঙৗ দয়া আরৗ অনুগ্রহখৌ মৗন্নৗ হায়ৗ, জেয়া জৗংনি নাংগৌ সমাও হেফাজাব হৗনৗ হায়ৗ।
Source notes (5)
- Footnote বে মৗজাং খবরা ঈশ্বৗর সিমান লানায় বিশ্রামদিননি বিষয়ৈ বুজায়দৗং
- Cross-reference গীতফৗর 95:11
- Cross-reference জাগাইজেন্নায় 2:2
- Footnote খ্রীষ্টানফৗরনি থাখৈ, সাব্বাথ দিননা জৗবনায়াও স্বৗর্গৗয়াও জানায় নাথায় বে সংসারাও থাসান্দিয়াও জৗঙৗ ঈশ্বৗরনি গৗজৗননায় আরৗ বিশ্রামখৌ অনুভব খৗলামনৗ হায়ৗ
- Cross-reference জাগাইজেন্নায় 2:2
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.