ইব্রীয় 5

1সাফ্রৗমবৗ গাহায় যাজকখৌ মানসিফৗরনি গেজেরনিফ্রায়নৗ সাইখজায়ৗ আরৗ খামানিয়াও ফছংজায়ৗ, মানসিফৗরনি জানানৈ ঈশ্বৗরজৗং সৗমৗনদৗগৗনাং খৗলামনৗ থাখৈ আরৗ পাপফৗরনি থাখৈ দানফৗর আরৗ বুলি হৗনৗ। 2জাইফ্রা অজ্ঞিয়ান আরৗ গুবুন লামাজৗং থাংনায়ফৗরজৗং বিয়ৗ গুরৈয়ৈ বাহাগৗ লানৗ হায়ৗ, মানৗনা বিয়ৗ গাওনৗ বৗলৗ গৗয়ি। 3বেনিখাইনৗ বিয়ৗ গাওনি পাপনি থাখৈ, আরৗ লৗগৗছে মানসিফৗরনি পাপনি থাখৈ বলি হৗথারনাংগৌ1। 4আরৗ রাওবৗ বে মানখৌ গাওনৗ লায়া, নাথায় বিয়ৗ বেখৌ নাজাওয়ৗ জেব্লা ঈশ্বৗরজৗং লিংহৎজায়ৗ, জেরৈ বাদি হারোণআ।2

5বেবাদিনৗ খ্রীষ্টয়া গাওনৗ গৗসৗ জানানৈ গাহায় যাজক জানায়নি মহিমাখৌ লায়াখৈ, নাথায় ঈশ্বৗরছৗ বিখৌ বুংদৗং,

“নৗঙৗ আংনি বিসা হৌয়া,

দিনৈ আঙৗ নৗংনি বিফা3 জাবায়।”

6আরৗ বিয়ৗ শাস্ত্রনি গুবুন জায়গাও বুংবায়,

“মল্কীষেদকনি নিয়ম বাদি

নৗঙৗ জেব্লাইবৗনি থাখৈ যাজক4।”

7বুহুমাও দংনায় সমাও যীশুআ গৗব্রাবমৈ গাবনায় আরৗ মৗদৈ হুগারনায়জৗং বিয়ৗ গাওনৗ মৗদৗমনি থৈনায়নিফ্রায় বাছাইনৗ হাগ্রা ঈশ্বৗরনিয়াও প্রার্থনা খৗলামদৗং আরৗ খাওলাইদৗং মৗন, আরৗ বিয়ৗ গুরৈ আরৗ ঈশ্বৗরখৌ সনমান হৗগ্রাখায় বিনি প্রার্থনা খৗলামনাইয়া খৗনাছংজাদৗং মৗন5। 8বিয়ৗ ঈশ্বৗরনি বিসাজ্লা মৗনব্লাবৗ, গাওনি সৈনায়জৗং বিয়ৗ মানিগ্রা জানৗ ছৗলৗংদৗং। 9আরৗ বেবাদিনৗ খেবছে নিখুঁত জাব্লা, বিয়ৗ গাওনি মানিগ্রাফৗরনি গাছেননি থাখৈ জৗবনৗ গৈয়ি উদ্ধারনি গুদি জাবায়। 10আরৗ মল্কীষেদকনি নিয়ম বাদি ঈশ্বৗরা বিখৌ গাহায় যাজক জানৗ নির্দেশ হৗবায়6।

বেরেখা গৗগ্লাইয়ি বাদি সাবৗদান হৗনায়

11বে বিষয়ৈ জৗংহা গৗবাং বুংনাগৌ দং, নাথায় বে নৗংনিয়াও রৗখা রৗখা খৗলামনৗ গৗরা মানৗনা নৗঙৗ মাব্লাবাবৗ বুজিনৗ চেষ্টা খৗলামাখৈ। 12আসলে, দাসিমাও নৗংছৗরৗ ফৗরৗংগ্রাফৗর জানৗ নাংগৌ মৗন, নাথায় ঈশ্বৗরনি নংগৌ গুডি খৗথাখৌ ফৗরৗংনৗ নৗংছৗরনৗ ফৗরৗংগ্রা নাংবাওগৌ, দাবৗ নৗংছৗরৗ গাইখের লৗংবাওনাংগৌ দং, গৗরা জানায় মৗঙাখৌ7 জানৗ হানায় অৗঙা। 13জাইয়া গাইখের লৗংনানৈ ঠাঙৗ, বিয়ৗ ববেয়া ঠিক আরৗ ববেয়া বেঠিক বেবাদি ফৗরৗংনায়ফৗরখৌ মিথিরৗঙা, মানৗনা বিয়ৗ দাবৗ গৗল্লৈ গথ'ছৗ। 14নাথায় গৗরা জানায় মৗঙায়া গৗরৗং গৗরাফৗরনি থাখৈছৗ, বে জাবায় গাওছৗরনৗ ছৗলৗংথাও মৗননায় মৗজাংখৌ গাজ্রিনিফ্রায় ফারাগ খৗলামনৗ হাগ্রা।