Mech
ইব্রীয় 3
যীশুআ মোশিনিখুরৈ দেৎসিন
ও গৗথার বিদা ফংবায়ফৗর আরৗ বিবো বিনানাওফৗর, জাইফ্রা স্বৗর্গৗনি লিংহৎনাইয়াও ভাগৗ লাগ্রা, নৗংছৗরনি সাননায়খৌ যীশুনি ছায়াও স্থির খৗলাম, জাইখৌ জৗং প্রেরিত আরৗ দেৎসিন যাজক হৗন্নানৈ সিমান লায়ৗ। জৗরৈ মোশিআ ঈশ্বৗরনি ন্ব'খরাও ফৗথাইজাগ্রা মৗন, বেবাদিনৗ বিয়ৗ ফৗথাইজাগ্রা জাই সাছেআ বিনৗ বিবানখৌ হৗদৗং1। ন্ব'খৌ লুগ্রায়া জেরৈ ন্ব'নিখুরৈ বাংসিন মান মৗন্নৗ, বেবাদিনৗ ঈশ্বৗরাবৗ যীশুখৌ মোশিনিখুরৈ মান মৗন্নৗ গৗনাংসিন হৗন্নানৈ সানবায়। মানৗনা গংফ্রৗমবৗ ন্ব'য়া ছৗরবা সাছেজৗং লুজায়ৗ, নাথায় গাছৈনিবৗ লুগ্রায়া ঈশ্বৗর। মোশিআ ঈশ্বৗরনি ন্ব'নি গাছেনাওবৗ দাস বাদি ফৗথাইজাগ্রা মৗন, আরৗ উননাও ঈশ্বৗরা জেখৌ বুংবায়, বেফৗরখৌ বিয়ৗ সাক্ষ্যনি থাখৈ বুংদৗং। নাথায় যীশু খ্রীষ্টআ ঈশ্বৗরনি ন্ব'য়াও ফৗথাইজাগ্রা বিসাহৌয়া বাদিমৗন জাইয়া ন্ব'নি জৗথৗন লায়ৗ। আরৗ ঈশ্বৗরনি ন্ব'খরা জৗঙৗ যদি জৗংনি যীশু খ্রীষ্টনিয়াও ভরসা খৗলামনায়খৌ জৗঙৗ সাহসৈ লাখিফ্লাইয়ৗব্লা।
ফৗথাইয়িফৗরনি বিরুদ্ধনাও সাবৗদান
বিনিখাইনৗ গৗথার জিউয়া জৗরৈ শাস্ত্রয়াও বুঙৗ,
“দিনৈ নৗঙৗ ঈশ্বৗরনি
রাওখৌ2 খৗনায়ৗব্লা।
নৗংছৗরৗ গাও গাওনি গৗসৗফৗরখৌ গৗরা দাখৗলাম,
জৗরৈ বাদি ইস্রায়েলফৗরা
যে সমাও মারু গৗরান ফৗথারবারিয়াও
বিগ্রায়দৗং।
চল্লিশ বৗছৗর আংনি মাওনায়খৌ নুনানৈবৗ,
নৗংছৗরনি আজৌ আজৈফ্রা
আংখৌ আনজাদ3 লাদৗংমৗন।
বিনিখাইনৗ আঙৗ রাগ জৗংনানৈ
বি জৗলৈখৌ হৗনবায়,
‘বিছৗরনি গৗসৗফ্রা জেব্লাইবৗ গৗজাননাও থাঙৗ,
আরৗ বিছৗরৗ আংনি লামাফৗরখৌ মিথিয়াখৗছৈ।’
আরৗ আং রাগ জৗংনায়জৗং সমায় লাবায়,
‘বিছৗরৗ মাব্লাবাবৗ আংনি
জিরাইনায়াও হাবনৗ মৗনথারনায় অৗঙা4।’”
নায়, বিদা ফংবায় আরৗ বিবো বিনানাওফৗর, জাহাথে নৗংছৗরনি ছৗরনিবাফৗরনি গৗসৗয়া পাপী আরৗ ফৗথাইয়ি গৗসৗ অৗঙা, ফৗথাইয়ি গৗসৗয়া গৗঠাং ঈশ্বৗরনিফ্রায় উনফিনৗ। নাথায় বেখৌ “দৗনৈ,” হৗন্নায় সমা জেছেসিম থায়ৗ, সানফ্রৗমবৗ গাওজৗং গাও উৎসাহ খৗলামজ্লাই, জাহাথে নৗংছৗরনি ছৗরবাফৗর পাপজৗং ছৗলৈজানানৈ গৗসৗ গৗরা জায়ি বাদি। জৗঙৗ খ্রীষ্টনি ভাগিদার জাবায়, যদি নংথারগুবৈ জৗংনিয়াও ফৗথাইনায় দং, বেবাদি জৗঙৗ জৗবনায়সিম স্থিরৈ থানি। জৗরৈ বাদি শাস্ত্রয়াও লিৎনায় দং,
“দিনৈ যদি নৗংছৗরৗ ঈশ্বৗরনি রাওখৌ খৗনায়ৗ,
অব্লা নৗংছৗরৗ গাও গাওনি গৗসৗখৌ গৗরা দাখৗলাম,
জেরৈ ইস্রায়েলয়ারিফ্রা বিগ্রায়দৗং মৗন5।”
বিছৗরৗ ছৗর মৗন জাইফ্রা ঈশ্বৗরনি খৗথা খৗনানানৈবৗ বিগ্রায়দৗংমৗন? বিছৗরৗ মোশিজৗং মিশরনিফ্রায় বৗয়ননান লাবৗজানায়ফৗরমৗন। আরৗ ঈশ্বৗরা ছৗরনি ছায়াও চল্লিশ বৗছৗর রাগ জৗংদৗং মৗন? জাইফ্রা পাপ মাওদৗং মৗন, আরৗ মারু গৗরান ফৗথারবারিয়াও লাবাইদৗংমৗন, বিছৗরৗনি ছায়াও। আরৗ ঈশ্বৗরা ছৗরনিয়াও সমায় লাদৗং যে, বিছৗরৗ মাব্লাবাবৗ বিনি জিরাইগ্রায়াও হাবনৗ মৗননায় অৗঙা? জাইফ্রা অবাধ্যমৗন বিছৗরনিয়াও। বিখাইনৗ জৗঙৗ নুনৗ মৗন্নৗ, যে বিছৗরৗ বিছৗরনি জিরাইগ্রায়াও হাবনৗ হায়াখৈ, মানৗনা বিছৗরৗ ফৗথায়াখৈখায়।
Source notes (5)
- Cross-reference বিচন বিজাব 12:7
- Cross-reference গীতফৗর 95:7–11
- Footnote বেনি অৗংথিয়া জানৗ হাগৌ যে ঈশ্বৗরানৗ ইস্রায়েলিফৗরখৌ আনজাত লাদৗংমৗন কিন্বা ইস্রায়েলিফ্রানৗ ঈশ্বৗরখৌ আনজাত লাদৗংমৗন।
- Footnote বে বিশ্রামা যে ঈশ্বৗরা গাওনি মানসিফৗরনৗ হৗয়ৗ, বেয়ৗ বিনিয়াও গৗজৗননায় আরৗ বৗলৗ নাগিৎনান মৗনায়য়া বাহাগৗ লাফানায়।
- Cross-reference গীতফৗর 95:7–8
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.