ঈশ্বৗরা জৗংনি বিফা
বিনিখাইনৗ, জৗমৈ বাদি জৗংনি সৗরগিদিং সাক্ষীফ্রানৗ বেংখন্নানৈ থানাইখায়, ফৈ জৗং গাছেনখৌ গারদৗনি জেয়া হমথাগ্রা আরৗ যে পাপমা সহজে ফাননাও খৗখ্লৈয়ৗ। আরৗ জৗংনি মৗখাঙাও দাগ দৗংনায় খাৎনায় বাদিজালায়নায়খৌ ফৈ জৗং সৈছৗনায়জৗং খাৎনি। জৗঙৗ যীশুনি ঠিঙৈ মগন নৗজৗর হৗবায় থানি, জাইয়া জৗংনি গাইসনগিরি বিয়ৗ ফৗথাইনায়খৌ ফুরা খৗলামৗ, বিনি সিগাঙাও রংজানায়নি জুনৈ ক্রুশখৌ দৗনবায় আরৗ বিয়ৗ সৈবায়, লাজিফৗনাংজানায়ফৗরখৌ মৗংবৗ সানালাবানৗ, আরৗ দা বিয়ৗ ঈশ্বৗরনি সিংহাসননি আগ্ডাঠিং জিরাইনান দং। সাননান নায় বিয়ৗ জাইয়া পাপী মানসিফৗরনিফ্রায় এছেগ্রাব বেবাদি নাছয়জানায়খৌ সৈছৗদৗংমৗন, জাহাথে নৗংছৗরৗ গৗসৗয়াও মেংনায় আরৗ গৗহৗ গৈয়ি জানানৈ জিখাংনায় অৗঙা।
ঈশ্বৗরা গাওনি বিসাফৗরখৌ শাসন খৗলামৗ
মানৗনা পাপনি বিরুদ্ধ জুজিনায়াও নৗংছৗর থৈ বৗহৈনায়সিম দাসিমবৗ বাদাহৗয়াখৌ। আরৗ নৗঙৗ বে উৎসাহনি খৗথাখৌ ফুরায়ৈ বাওগারবায়, যে বিফাআ বিসাজ্লা হিসাবমৈ নৗংছৗরখৌ পরামর্শনি খৗথা বুংদৗং,
“ও আংনি বিসাজ্লা, ফৗরবুনি নিয়মখান্থিখৌ হালখা দালা,
আরৗ জেব্লা বিয়ৗ নৗংখৌ ছৗংখারিয়ৗ অব্লা নৗঙৗ গৗসৗ দাবায়,
মানৗনা ফৗরবুআ জাইখৌ অন্নৗ,
বিখৌ বিয়ৗ নিয়মখান্থি হৗয়ৗ, আরৗ বিয়ৗ জাইখৌ বিসাজ্লা বাদি নাজাওয়ৗ,
বিয়ৗ সাফ্রৗমখৌবৗ ফৗসাবমৗ।”
শাসনখৌ নিয়মখান্থি বাদি1 সৈদৗ, বেবাদিনৗ ঈশ্বৗরা নৗংছৗরখৌ গাওনি বিসাফৗরবাদি বাহায়দৗং। বিফাজৗং মাব্লাবাবৗ নিয়মখান্হি হৗজাখৈ ছৗর বিসাজ্লাফৗর দং? নৗংছৗরৗ নিয়মাও থায়াব্লা আরৗ সাফ্রৗমবৗ নিয়মাও, নৗংছৗরৗ আইন বাদি নৗংছৗরৗ নংথারগৌ বিসাজ্লাফৗর অচ্ছে অৗঙা আরৗ বিসাজৗফৗর অৗঙা। বেনি উনাও জৗং বয়নিবৗ মানসিনি বিফা দংমৗন জাইয়া জৗংখৌ নিয়মফৗর হৗদৗং আরৗ বেনি থাখৈ বিছৗরখৌ মান হৗদৗং। অব্লা জৗংহা বেছেগ্রাফ জিউনি বিফা আরৗ গৗঠাঙৈ থানৗ গথাইনৗ নাংথারগৌ। বিছৗরৗ ইচ্ছে সমনি থাখৈ গাওছৗর জেখৌ মৗজাং সান্নৗ, বেখৌনৗ ফৗরৗংনৗ সান্নানৈ জৗংখৌ নিয়মফৗর হৗয়ৗ, নাথায় ঈশ্বৗরা জৗংনি মৗজাংনি থাখৈ নিয়মখান্থি খৗলামৗ জাহাথে জৗঙৗ বিনি গৗথারনি ভাগী জায়ৗ। নিয়মখান্থিনি সমাও জেবৗ গৗজৗননায় গৈয়া, নাথায় বিষ গৗনাং, উনাও জাইখিজায়া, বেজৗং জাইফ্রা ছৗলৗংথায় মৗনবায় বেয়ৗ ধৗরৗমিয়ানি শান্তিনি আবাদখৌ উজিহৗয়ৗ।
ফৗরৗংনায় আরৗ সাবৗদান খৗলামনায়
বিনিখাইনৗ, নৗংছৗরৗ বৗলৗ গৈয়ি আখাইফৗরখৌ আরৗ গৗহৗ গৈয়ি হান্ঠুফৗরখৌ গৗখ্রৗং খৗলাম। নৗংনি আঠেংনি জুনৈ লামাফৗরখৌ সোজা খৗলাম,2 জাহাথে লেংগ্রাফ্রা মাওনৗ হায়ি দাজাথৗং, নাথায় বরং ছৗখাজাথৗং।
সাফ্রৗমজৗংবৗ শান্তিয়ৈ থানৗ হাস্থাইদৗ, আরৗ গৗথার জানৗ, মানৗনা গৗথার জায়াব্লা রাওবৗ ফৗরবুখৌ নুনায় অৗঙা। সাবধান জাদৗ যেন রাওবৗ ঈশ্বৗরনি অনুগ্রহনিফ্রায় বাদ জায়ি বাদি যেন জেবৗ গৗখা রৗদায়া দুঃখু কষ্ট হৗনৗ আরৗ গৗবাংখৌ মৈলা খৗলামনান দেৎলাঙনৗ হায়ি বাদি। নায় জেরাওবৗ জিনাহারি আখলাও, কিন্বা এষৌ বাদি নাস্তিক, অৗংখাম ফৗথৈছেনি থাখৈনৗ গিবিসিন হৌয়াসানি উত্তরাধিকারখৌ খৗমানানৈ লাদৗং। জৗরৈ নৗংছৗরৗ মিথিগৌ, উনাও, জেব্লা বিয়ৗ বিফানিফ্রায় বৗরখৌ মৗন্নৗ হাস্থাইদৗংমৗন, বিয়ৗ নাগারজাদৗং। এমন কি বিয়ৗ মগননি মৗদৈজৗং বৗরখৌ নাগিৎদৗংমৗন, বিয়ৗ মা মাওখৗ বিয়ৗ বিখৌ সৗলাইনৗ হায়াখৗছৈ।
মানৗনা নৗংছৗরৗ দৈনৗ হানায়াও অৎ জৗংফ্রুনায় সীনয় হাজৗ, দর্সি দর্লাব জৗমৈ, খৗমসি জানায়, বারহুখা, বেফৗরনি সাখাঠিয়াও ফৈয়াখৈ। আরৗ নৗংছৗরৗ ফেমফা বেরফ্রুনায়খৌ খৗনাদৗং। ইস্রায়েলনি মানসিফ্রা মৗনছে সৗদৗব খৗনানৗ মৗনবায় আরৗ প্রার্থনা খৗলামবায় যে বিয়ৗ বিছৗরজৗং আরবাও খৗথা বুংনায় অৗংলে। মানৗনা বিছৗরৗ বেবাদি আদেশ হৗনায়খৌ সৈনৗ হায়াখৈ; “এমন কি জুনারা হাজৗয়াও দাংব্লা বিয়ৗ অন্ঠাইজৗং খুবৈথাৎজানাংনায়।”3 বেফৗরৗ এছেগ্রাব গিথাওথাও মৗন, বেখৌ নুনানৈ মোশিআ হৗন্দৗং, “আঙৗ থৗর থৗর মাওনায়জৗং গিবায়।” 4
নাথায় নৗংছৗরৗ সিয়োন হাজৗয়াও, গৗঠাং ঈশ্বৗরনি নৗগৗরাও, স্বৗর্গৗনি যিরূশালেম, রংজা বাজা হাজার হাজার আরফ'ফৗর জ' জানায়াও ফৈবায়। গিবি সারিনায় মন্ডলী, জাইনি মুংফ্রা স্বৗর্গৗয়াও লিৎজাবায়, নৗংছৗরৗ ঈশ্বৗরনিয়াও ফৈবায়, বিচারা বয়নিবৗ জাইয়া গাছেন মানসিফৗরনি বিচারগিরি, জাইফৗরনে নামফৗরা স্বৗর্গৗয়াও লিৎনায় দং, বি ধৗরৗমিয়াফৗরনি জিউফ্রা জাইয়া দা নিখুঁত জাবায়। জাইয়া গৗদান চুক্তিনি গেজেরাও খৌছেখৌ লাবৗগ্রায়াবৗ যীশু, আরৗ হেবেলনি থৈনিখুরৈ জাইনি থৈ বৗহৈনাইয়া জৗংনি থাখৈ সাবসিন, নৗছৗরৗ ফৈবায়।
নায়, জাইয়া খৗথা বুঙৗ, বিনি খৗথাখৌ দাএৎগার। যদি বিছৗরৗ খাৎগয়াখৈব্লা, জেব্লা বিছৗরৗ বুহুমাও দংঙাও সাবৗদান হৗজাদৗং অব্লা বিছৗরৗ খৗনাছংনৗ এৎগারদৗংমৗন। জাইয়া স্বৗর্গৗনিফ্রায় জৗংখৌ বুহুমাও সাবৗদান হৗয়ৗ, বে বেছেবাং নংথারগৌ যে জৗঙৗ খাৎগথারনৗ হানায় অৗঙা যদি জৗঙৗ খৗনাছংনৗ এৎগারব্লা? বি সমাও বিনি রাওয়া বুহুমখৌ ছৗমাওগ্লুবদৗং, নাথায় বিদা বেবাদি জবান হৗবায়, “আঙৗ খনছেবাও বুহুমখৌ বান ছৗমাওনায়, বে অৗঙা, নখ্রাংখৌবৗ ছৗমাওনায়।”5 “খনছেবাও” বে খৗথায়া বেখৌনৗ রৗখায়ৈ মিথিহৗবায়, ছৗমাওজানায় মৗঙাফৗর, বে জাবায়, দাজানায় মৗঙাফ্রা বৗখাৎজানায়, অব্লাসৗ ছৗমাওজায়িফ্রা থাবাওনায়।
বিনিখাইনৗ, জৗঙৗ ঈশ্বৗরখৌ হামবায় হৗন্নি, মানৗনা জৗঙৗ ছৗমাওজায়ি রাইজৗখৌ মৗনবায়, ঈশ্বৗরা জেরৈ খুশি জায়ৗ, আরৗ বেবাদি বিখৌ খুলুমনি আরৗ গিনায়জৗং সনমান খৗলামনি। মানৗনা জৗংনি “ঈশ্বৗরা খামখ্রুবগ্রা অৎ।” 6
Source notes (6)
- Cross-reference বৗচৗন বিজাব 3:11–12
- Cross-reference বৗচৗন বিজাব 4:26
- Cross-reference অৗংখাৎলাংনায় 19:12–13
- Cross-reference হূদা বিজাব 9:19
- Cross-reference হগয় 2:6
- Cross-reference হূদা বিজাব 4:24
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.