Mech
ইব্রীয় 13
ঈশ্বৗরখৌ মাব্রৈ খুশি খৗলামনায়
গাওজৗং গাও বিদা ফংবায় আরৗ বিবো বিনানাও বাইদি অনজ্লাইফ্লাইদৗ। অছিনা মানসিফৗরখৌ আলাসি সেবা খৗলামনৗ দাবাও, মানৗনা বেখৌ মিথিয়ামাৎনিন খাইছে মানসিফ্রা আরফ'ফৗরখৌ আলাসি সেবা দিন্ঠিদৗং। জাইফ্রা জৗবথেসালিয়াও দং, বিছৗরখৌ গৗসৗখাং, আরৗ বিছৗরজৗং নৗংছৗরবৗ জৗবথৈসালিয়াও দংফায়ৗ হৗন্নানৈ সান্নানৈ লা; আরৗ জাইফ্রা সৈনাংদৗং, বিছৗরজৗং লৗগৗছে নৗংছৗরবৗ মৗদৗমাও সৈফানাংদৗং হৗন্নানৈ সান্নানৈ লা।
হাবা খৗলামনায়া বয়জৗংবৗ মান হৗজাথৗং, আরৗ হৌয়া-হিন্জাওজৗং থাজ্লাইনায়া গৗথার জাথৗং; মানৗনা জাইফ্রা গাওছৗরনি জিনাহারি লুবৈনাইয়াও লাই হৗয়ৗ আরৗ গাছেন হৌয়া হিন্জাওনি সমন্দৈ আখল আখু গৈয়িখৌ ঈশ্বৗরা বিচার খৗলামনায়। নৗংছৗরৗ টাকা পায়সা লুবৈসুলা দাজা, নাথায় নৗংহা মা দং বিজৗংনৗ খুশি জা; মানৗনা ঈশ্বৗরা হৗনবায়,
“আঙৗ নৗংখৌ মাব্লাবাবৗ নাগাররা,
আরৗ আঙৗ নৗংখৌ মাব্লাবাবৗ গাররা।”1
বিনিখাইনৗ জৗঙৗ গৗহৗজৗং বুংনৗ হায়ৗ,
“ফৗরবুআ আংনি হেফাজাব হৗগ্রা, আংহা গিনাগৌ গৈয়া;
মানসিয়া আংখৌ মা খৗলামনৗ হাগৌ?” 2
নৗংছৗরনি দৈদেনগ্রাফৗরখৌ গৗসৗখাংদৗ, জাইফ্রা নৗংছৗরনিয়াও ঈশ্বৗরনি বাক্যখৌ বুংদৗংমৗন। বিছৗরৗ মাব্রৈ থায়ামৗন আরৗ থৈয়ামৗন আরৗ বিছৗরৗ জেরৈ ফৗথাইদৗং, বেবাদিনৗ নৗংছৗরবৗ বিছৗরনি ফৗথাইনায়খৌ উনসৗলৗংদৗ। যীশু খ্রীষ্টআ মিয়া জেরৈ মৗন আরৗ দিনৈবৗ বেবাদিনৗ আরৗ জেব্লাইবৗ বেবাদিনৗ থানায়।
নৗংছৗরৗ গাছেন রৗখৌমনি সৗমৗ নাংথাও ফৗরৗংনায়জৗং আন্দাইহৗজানৗ নাঙা। বেয়ৗ জৗংনি গৗসৗনি থাখৈ মৗজাং অনুগ্রহনি গেজেরজৗং বৗলৗগ্রা জানৗ, জাগ্রানি নিয়মফৗর মানিনায়জৗং অৗঙা। জাইফ্রা বেফৗরখৌ মানিনান চলিয়ৗ বিছৗরনি জুনৈ বেফৗর নিয়মফ্রা জেবৗ মুলাম্ফা গৈয়া। জৗংহা মৗনছে বেদী দং, বিহানিফ্রায় জাইফ্রা গৗথার থাম্বুখৌ সেবা খৗলামৗ, বিছৗরহা জানায়নি একথিয়ার গৈয়া।
পাপফৗরনি থাখৈ বুলি হৗনায় জুনারফৗরনি থৈখৌ গৗজৌ যাজকআ বয়নিখ্রুই বাংসিন গৗথার জাইগায়াও লানানৈ থাঙৗ; নাথায় বেফৗরনি মৗদৗমখৌ থাম্বু সৗংনায়3 বাইরায়াও লাংনানৈ সাওগারহৈয়ৗ। আরৗ বেবাদিনৗ যীশুআবৗ গাওনি থৈয়নি গেজেরজৗং মানসিফৗরখৌ গৗথার খৗলামনৗ থাখৈ নৗগৗরনি গেটনি বাইরাও ভুগিনাংদৗং মৗন। ফৈ, জৗঙৗ বিনি লাজি ফৗনাংজানায়খৌ লাফানৗ থাম্বু সৗংনায় বাইরায়াও জৗংবৗ বিনিয়াও থাংনি। মানৗনা বেহা জৗংনিয়াও স্থায়ী নৗগৗর গৈয়া, নাথায় বি নৗগৗরখৌ নাইদৗং জেয়া ফৈগৌ। যীশুনি গেজেরজৗং, ফৈ জৗঙৗ বার বার ঈশ্বৗরখৌ বাখ্নাইনায়নি বুলি বাওনি, যে খগানি বুংনাইনি বিথাইয়া ঠাল্লা ঠুল্লায়ৈ বিনি নামখৌ সিমান লানি। মৗজাং হাবা মাওনৗ আরৗ গাওজৗং গাও হেফাজাব হৗজ্লাইনৗ দাবাওগার, মানৗনা বেফৗর বুলিজৗংনৗ ঈশ্বৗরা খুশি জায়ৗ।
নৗংছৗরৗ নৗংছৗরনি দৈদেনগ্রাফৗরনি খৗথাখৌ মানি আরৗ বিছৗরৗ জেখৌ বুঙৗ বেখৗনৗ মাও। জিরাইয়া জাছে বিছৗরৗ নৗংছৗরখৌ গৗসৗহৗনান নায়য়ৗ, মানৗনা বিছৗরৗ ঈশ্বৗরনৗ গাওছৗরনি মাওনায়ফৗরনি খৈফৗদ হৗনাংগৌ। নৗংছৗরৗ বিছৗরখৌ মানিয়ৗব্লা, জাহাথে বিছৗরৗ গাওছৗরনি হাবাফৗরখৌ রংজা বাজা মাওনায়; অৗঙাব্লা বিছৗরৗ দুঃখুজৗং মাওনায়, আরৗ নৗংছৗরহা মৗংবৗ হেফাজাব জানায় অৗঙা।
জৗংনি থাখৈ প্রার্থনা খৗলাম। জৗঙৗ নংথারগৌ যে মৗনছে মৗজাং বিবেকজৗং আরৗ গাছেনবৗ সন্মানজৗং ঠাংনায়নি লুবৈনায় দং। আং বিশেষয়ৈ নৗংছৗরখৌ প্রার্থনা খৗলামনৗ থাখৈ খাওলায়ৗ যে আঙৗ গৗখ্রৈনৗ নৗংছৗরনিয়াও ফৈফিন্নৗ হায়ৗ।
আর্শীব্বাদ আরৗ জৗবথানায় গৗজৗন্নায় লাহৎনায়
দা শান্তিনি ঈশ্বৗরা, জাইয়া জৗবনৗ গৈয়ি চুক্তিনি থৈয়নি গেজেরজৗং জৗংনি ফৗরবু যীশু, মেন্ডাফৗরনি গেদেৎ লাওখার, জেখৌ থৈনায়নিফ্রায় ফৗঠাংফিনবায়, বিনি ইচ্ছাখৌ খৗলামনৗ থাখৈ নৗংখৌ মৗজাং গাছেনবৗনি গেজেরজৗং আরৗ বিয়ৗ জৗংনি গেজেরাও বেবাদি খামানি মাওদৗ যে বিনিয়াও রংজানায়, যীশু খ্রীষ্টনি গেজেরজৗং, জাইনে জেব্লাইবৗনি থাখৈ আরৗ মহিমা গৗনাং জাথৗং। আমেন।
জৗবনায়নি খৗথা
ফংবায়ফৗর আরৗ বিনানাওফৗর, আঙৗ নৗংছৗরখৌ খাওলায়ৗ; নৗংছৗরৗ বে ফৗরৗংনায় পরামর্শনি খৗথাখৌ গৗব্রাব মৗনব্লাবৗ সহায়নায়জৗং খৗনাছং মানৗনা বে লাইজামখৌ আঙৗ গুছুঙৈ লিৎবায়।
আঙৗ নৗংছৗরনৗ মিথিহৗনৗ হাস্থায়ৗ যে জৗংনি ফংবায় তীমথিয়খৌ গহৗবায়। যদি বিয়ৗ গৗখ্রৈ ছফৈব্লা, আঙৗ নৗংছৗরখৌ বিজৗংলৗগৗছে নাইনৗ ফৈনায়।
নৗংছৗরনি গাছেন দৈদেনগিরিফৗর আরৗ গাছেন ঈশ্বৗরনি মানসিফৗরখৌ গৗজৗন্নায় লাহৎছৈ। ইতালিনিফ্রায় জাইফ্রা নৗংছৗরখৌ বিছৗরনি গৗজৗন্নায় হৎছৈ।
ঈশ্বৗরনি অনুগ্রহয়া নৗংছৗর বয়জৗংবৗ থাথৗং।
Source notes (3)
- Cross-reference হূদা বিজাব 31:6
- Cross-reference গীতফৗর 118:6–7
- Cross-reference লেবীয় বিজাব 16:27; বিচন বিজাব 12:14–15
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.