Mech
গালাতীয় 3
আইন এবা ফৗথাইনায়
ও সানরৗঙি গালাতীয়ারিফৗর! নৗংছৗর ছৗরজৗং মুহিনি ফৗনাংজাখৗ? যীশু খ্রীষ্টখৌ ক্রুশাও ডৗখ্ঠাবনায় জাদৗং হৗন্নানৈ নৗংছৗরনৗ রৗখা রৗখা মিথিহৗনায় জাদৗংমৗন। আঙৗ নৗংছৗরনিফ্রায় বে মৗনছে জিনিস ছৗলৗংনৗ হাস্থাইয়ৗ, নৗংছৗরৗ আইননি থৗন্নায় বাদি মাওনানৈ গৗথার জিউখৌ মৗনবায়, এবা নৗংছৗরৗ জেখৌ খৗনাবায় বেখৌ ফৗথাইনায়জৗং? নৗংছৗরৗ এছেগ্রাব সানরৗঙি নামা? নৗংছৗরৗ জিউজৗং জাজেন্নানৈ, দা নৗংছৗরৗ গাওনি মৗদৗমনি বৗলৗজৗং ফৗজৗবনৗ হাস্থাইয়ৗ নামা? নৗংছৗরনিয়াও গাছেন যে ঘটনা জায়ামৗন বেনি অৗংথিয়া জেবৗ অৗঙা মৗন, সত্যয়ৈনৗ মা কি বৃথা মৗন? বিনিখাইনৗ আং আরবাও সৗঙৗ, ঈশ্বৗরা গৗথার জিউখৌ হৗনানৈ নৗংছৗরনি গেজেরাও সৗমৗ গৗনাং খামানিফৗরখৌ মানৗ মাওহৗখৗ, নৗংছৗরৗ আইননি থৗন্নায় বাদি মাওনানৈ, এবা নৗংছৗরৗ জেখৌ খৗনাবায় বেখৌ ফৗথাইনায়জৗং? বিনিখাইনৗ আরবাও অব্রাহামনি খৗথা সান্নানৈ নাই, “ঈশ্বৗরখৌ ফৗথাইদৗং আরৗ ফৗথাইনায়জৗংনৗ বিখৌ ধৗরৗমিয়া হৗন্নানৈ নাজাওদৗং।” নৗংছৗরৗ মিথিখাবায়, অব্লা, জাইফৗরহা ফৗথাইনায় দং, বিছৗরৗ নংগুবৈগৌয়ৈ অব্রাহামনি বিসাফৗর1। “শাস্ত্রয়াও সিগাংনৗ বেবাদি মিথিহৗখানায় জাদৗংমৗন, ফৗথাইনায়নি জুনৈ ঈশ্বৗরা গুবুনহারিফৗরখৌ ধার্মিক হৗন্নানৈ নাজাওনায়। আরৗ অব্রাহামনৗ বেবাদি বুংনানৈ মৗজাং খবরখৌ মিথিহৗনায় জাদৗংমৗন, নৗংনি গেজেরজৗং গাছেন জাতিফ্রা বৗর মৗননায়।” বিনিখাইনৗ জাইফ্রা ফৗথাইয়ৗ বিছৗরৗ বৗর মৗনদৗং, জৗরৈ অব্রাহামআ বৗর মৗনদৗং। মানৗনা জাইফ্রা আইন বাদি মাওনায়নি ছায়াও ভরসা খৗলামৗ, বিছৗরৗ সাও মৗন্নৗ। শাস্ত্রয়াও লিৎনায় দং, “জাইফ্রা প্রমাণ বিজাব আইননাও লিৎনায় মৗনফ্রৗমবৗ আদেশখৌ জেব্লাইবৗ মানিয়া, বিছৗরৗ সাও মৗন্নৗ2।” দা বে রৗখা রৗখা নুজাবায়। আইন বাদি মাওনায়জৗং রাওবৗ ঈশ্বৗরনি সিগাঙাও ধৗরৗমিয়া জানৗ হায়া, মানৗনা “ধার্মিকফ্রা ফৗথাইনায়জৗং ঠাংনানৈ থানায়।” নাথায় ফৗথাইনায়া আইনজৗং মৗংবৗ সৗমৗন্দৗ গৈয়া, বিনি বদলৈ শাস্ত্রয়া বুঙৗ, “জাইয়া আইননি গাছৈখৌবৗ মাওফুঙৗ, বিয়ৗ বেফৗরনি গেজেরজৗং গৗঠাঙৈ 3থানায়।” খ্রীষ্টআ জৗংনি থাখৈ সাও জানানৈ আইননি সাওনিফ্রায় জৗংখৌ বাইখফিনবায়; মানৗনা শাস্ত্রয়াও লিৎনায় দং, “জাইয়া ক্রুশ ডংফাংঙাও আলাইজায়ৗ, বি সাফ্রৗমবৗ সাও হৗজায়ৗ।” ঈশ্বৗরা অব্রাহামনৗ হৗনৗ জবান হৗনায় বৗরখৌ যীশু খ্রীষ্টজৗং গুবুনহারিফ্রাবৗ মৗন্নায় বাদি আরৗ ঈশ্বৗরনি জবান হৗখানায় গৗথার জিউখৌ ফৗথায়নাইজৗং জৗংবৗ মৗন্নায় বাদি, খ্রীষ্টআ বে সাওখৌ গাওনৗ ছৗখাফিনবায়।
আইন আরৗ জবান
ও আংনি বিদা-ফংবায় আরৗ বিবো-বিনানাওফৗর, সানফ্রৗমবৗ জীবননিফ্রায় উদাহারণ লানৗ আংনৗ হৗ। বেবাদিনৗ ঠিক সমাও গায়সননায় মানসিনি চুক্তিখৌ রাওবৗ আলাদা এবা দাজাবদেৎনৗ হায়া, বেনিখাইনৗ বে মামব্লায়াও জায়ৗ। অব্রাহামনৗ আরৗ বিনি জৗলৈনৗ ঈশ্বৗররা জবান হৗবায়। শাস্ত্রয়াও বুঙাখৈ, “আরৗ জৗলৈফৗরনৗ,” বে জাবায়, গৗবাং মানসিফৗরনি থাখৈ অৗঙা, নাথায় “নৗংছৗরনি জৗলৈ” বে জাবায়, সাছে মানসি, আরৗ বিয়ৗ খ্রীষ্ট। বিনি অৗংথিয়া বেনৗ জাবায়, ঈশ্বৗরা অব্রাহামজৗং চুক্তি খানায়, আরৗ বে চুক্তি খানায়খৌ লাখিনৗ জবান হৗখাদৗং। বে জবাননি চারশো ত্রিশ বৗছৗরনি উনাও হৗনায় আইননা বেখৌ আলাদা খৗলামনৗ হায়া আরৗ ঈশ্বৗরনি জবানখৌ বৗখাৎনৗ হায়া4। মানৗনা উত্তরাধিকারা আইননাও সিনাথনৗব্লা, অব্লা বে জবাননি ছায়াও সিনাথনায় অৗঙা, নাথায় ঈশ্বৗরা গাওনি অনুগ্রহখৌ অব্রাহামনৗ জবাননি গেজেরজৗং হৗদৗং। অব্লা মানি থাখৈ আইনখৌ হৗয়াজাদৗং মৗন? মানৗনা পাপফৗরনি থাখৈ বে দাজাবজায়া মৗন, জেব্লাসিম বি জৗলৈয়া ফৈয়া, জাইখৌ জবান খায়ামৗন, আইনা আরফ'নি গেজেরজৗং হৗজাদৗংমৗন আরৗ গেজেরারিনৗ বিবানখৌ হৗদৗং। গেজেররারি, থেওবৗ, মৗনছেনি বাংসিন পক্ষখৌ ইসারা হৗয়ৗ, নাথায় ঈশ্বৗরা সাছে বান।
আইননি গৗনাংথার
অব্লা মা আইননা ঈশ্বৗরনি জবাননি বিরুদ্ধ নামা? অৗঙা, বে ফুরা সন্দেহ গৈয়ি অৗঙা! গৗঠাঙৈ লাখিনৗ হানায় আইনখৌ ঈশ্বৗরা হৗয়ৗমৗনব্লা, অব্লা থারৈ ধৗরৗমসুলায়া আইননি গেজেরজৗং ফৈদৗংমৗন। নাথায় শাস্ত্রয়াও মিথিহৗয়ৗ, সংসারনি মানসি মানিয়ানৗ পাপনি সিঙাও; বিনিখাইনৗ যীশু খ্রীষ্টখৌ ফৗথাইনায়জৗংছৗ ঈশ্বৗরনি জবান হৗখানায়খৌ মৗননায়, জাইয়া বিখৌ ফৗথাইয়ৗ, বিনৗ বেখৌ হৗনায় জানায়। খ্রীষ্টনিয়াও ফৗথায়নান ফৈনায়নি সিগাং আইননা জৗংখৌ জৗবনানৈ দৗনদৗংমৗন, আরৗ জেব্লাসিম ফৗথাইনায় ফৈনানৈ নুজাফৈনায়। বেবাদিনৗ ফৗথাইনায়জৗং জৗঙৗ ঈশ্বৗরনি সিগাঙাও ধৗরৗমিয়া নুজানায় বাদি খ্রীষ্ট ফৈনায় সমসিম আইননা জৗংনি নায়গ্রা জাবায়। নাথায় দা খ্রীষ্টখৌ ফৗথাইনায়নি সমা ছফৈনায়খায়, জৗঙৗ নায়গ্রানি সিঙাও অৗংলে।
ঈশ্বৗরনি বিসাফৗর
বিনিখাইনৗ, নৗংছৗরৗ বয়বৗ যীশু খ্রীষ্টনিয়াও ফৗথাইনায়জৗং ঈশ্বৗরনি বিসাফৗর জাবায়। মানৗনা নৗংছৗর বয়বৗ জাইফ্রা বাপ্তিস্মা লাদৗং আরৗ খ্রীষ্ট যীশুজৗং সাছে জাফাবায়, আরৗ বিজৗং নৗং গাওনৗ গাও খ্রীষ্টখৌনৗ গানখাবায়। বিনিখাইনৗ, যিহূদিয়ারি না গ্রীক, গলাম না গহৗজানায়, হৌয়াফৗর না হিন্জাওফৗর, বিছৗরনি গেজেরাও মৗংবৗ গুবুন গৈয়া; মানৗনা যীশু খ্রীষ্টনিয়াও নৗংছৗরৗ গাছেনবৗ মৗনছে। নৗংছৗরৗ খ্রীষ্টনি জাবায়ব্লা, নৗংছৗরৗ অব্রাহামনি জৗলৈফৗর, আরৗ জবান অনুজায়ৈ উত্তরাধিকারীফৗর।
Source notes (4)
- Cross-reference রোমীয় 4:16
- Cross-reference হূদা বিজাব 27:26
- Cross-reference লেবীয় বিজাব 18:5
- Cross-reference অৗংখাৎলাংনায় 12:40
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.