Mech
গালাতীয় 4
আং বুঙৗ, উত্তরাধিকারিয়া জেছেসিম উন্দৈয়ৈ থায়ৗ এছে সমসিমাও বিয়ৗ গলামনিফ্রায় আলাদা অৗঙা, যদিও বিয়ৗ গাছেন সম্পত্তিনি মালিক। বিনি উন্দৈ সমাও বিনি বিফায়া গুবুনজৗং দৈদেনজানৗ ফছংনানৈ হৗখানায় সমসিম বিয়ৗ গাওখৌ নায়গ্রা আরৗ রৈখায়ৈ লাখিগ্রানি সিঙাও থায়ৗ। বেবাদিনৗ জেব্লা জৗঙৗ উন্দৈমৗন, বে সমাও জৗংবৗ সংসারনি জিউফৗরনি দৈদেনজানায় বৗলৗনি সিঙাও গলাম মৗন। নাথায় জেব্লা সমা জাফুঙৗ, অব্লা ঈশ্বৗরা গাওনি বিসাজ্লাখৌ থৗনহৎদৗং, বিয়ৗ সাছে আইঠা হিন্জাওসানিফ্রায় সারিজাদৗং, আইননি সিঙাও জৗনৗম লাদৗং, আইননি সিঙাও থানায়ফৗরখৌ বাইখৗফিনৗ, জাহাথে জৗঙৗ খাংনায় বিসাফৗরবাদি নাজাওজায়ৗ। মানৗনা নৗংছৗরৗ বিনি বিসাফৗর জানায়খায়, ঈশ্বৗরা গাওনি বিসাজ্লানি জিউখৌ জৗংনি গৗসৗয়াও হৎবায়, বে জিউয়া ঈশ্বৗরখৌ “আব্বা, আফা” হৗন্নানৈ লিংহৎনৗ। বিনিখাইনৗ নৗংছৗরৗ আর গলাম অৗংলে, নাথায় ঈশ্বৗরনি বিসা জাবায়, আরৗ নৗংছৗরৗ বিনি বিসাজ্লা জানায়খায়, ঈশ্বৗরা নৗংছৗরখৌ উত্তরাধিকার খৗলামবায়।
গালাতীয়ারিফৗরনি জুনৈ পৌলনি বুংনায়
আগৗলাও, জেব্লা নৗংছৗরৗ ঈশ্বৗরখৌ মিথিয়া মৗন, নৗংছৗরৗ বাস্তবমাও ঈশ্বৗর অৗঙিফৗরনিনৗ গলামফৗর মৗন। নাথায় দা নৗংছৗরৗ ঈশ্বৗরখৌ মিথিবায়-এবা বরং নৗংছৗরবৗ ঈশ্বৗরজৗং মিথিজাবায়-অব্লা নৗংছৗরৗ মাব্রৈ সংসারনি বৗলৗ গৈয়ি আরৗ সংসারনি জিউফৗরনি দৈদেনজানায় বৗলৗনি ঠিঙৈ গিদিংলাংফিন্নৗ হাস্থায়ৗ? নৗংছৗরৗ বেফৗরনি গলাম জানৗ আরবাও হাস্থাইবায়ৗ? নৗংছৗরৗ বিশেষ বিশেষ দিনফৗর, আরৗ মাসফৗর, বৗথৗরফৗরনি বৗথৗরফৗর আরৗ বৗছৗরফৗরনি ফরব ফালিয়ৗ। নৗংছৗরনি থাখৈ আংহা গিনায় দং, বৗরৈবা নৗংছৗরনি ছায়াও আংনি চেষ্টা খৗলামনাইয়া বৃথা জাবায়ছৗ হৗন্নানৈ। আঙৗ খাওলায়ৗ, বিদা-ফংবায় আরৗ বিবো-বিনানাওফৗর, নৗংছৗরৗ আং বাদি জাদৗ, মানৗনা আংবৗ নৗংছৗর বাদিনৗ জাদৗং। নৗংছৗরৗ আংনি ছায়াও মৗংবৗ গৗরৗন্ঠি মাওয়াখৈ। জৗরৈ নৗংছৗরৗ মিথিগৌ, মানৗনা আঙৗ দেহায়াও লৗমজানায়খাইছৗ যে নৗংছৗরনিয়াও মৗজাং খবরখৌ খৗথাদৗং মৗন। যদিও আংনি লৗমজানায়া নৗংছৗরনি থাখৈ মৗনছে আনজাদ মৗন, নৗংছৗরৗ আংখৌ মুগৈয়া এবা এৎগারালাবানৗ। ঈশ্বৗরনি আরফ' আরৗ যীশু খ্রীষ্টখৌ মৗদৗমাও জেরৈ নাজাওদৗং, বেবাদিনৗ আংখৌ নাজাওদৗং মৗন। নৗংছৗর বিরাঠনৗ খুশি মৗন, নাথায় দা মা জাখৗ? আঙৗ নৗংছৗরনি জুনৈ সাক্ষী হৗছৈ, বি সমাও নৗংছৗরৗ হায়ৗ মৗনব্লা গাওনি মগনফৗরখৌ এখ্লনানৈ আংনৗ হৗগৌমৗন। অব্লা আং নংগৌখৌ বুংনানৈ দা নৗংছৗরনি বিসারুসৗ জাবায় নামা? গুবুন মানসিফ্রা নৗংছৗরনি ছায়াও গৗসৗ গুদুং দিন্ঠিয়ৗ, নাথায় নৗংছৗরনি ছায়াও বিছৗরনি গৗসৗয়াও মৗজাং অৗঙা। বিছৗরৗ জেখৌ লুবৈয়ৗ বি জাবায় নৗংছৗরখৌ জৗংনিফ্রায় বৗখানৗ, জাহাথে নৗংছৗরৗ বিছৗরনি থাখৈ গৗসৗ গুদুং জায়ৗ। গৗসৗ গুদুং জানাগৌয়া মৗজাং, হৗজানায় উদ্দেশ্যয়া মৗজাং, আরৗ জেব্লাইবৗ থায়ৗ, আঙৗ জেব্লা নৗংছৗরনিয়াও থায়ৗ বি সমাও বান অৗঙা। ও আংনি অনজাগ্রা বিসাফৗর, জেব্লাসিম নৗংছৗরৗ খ্রীষ্ট বাদি জানায় অৗঙা, বে দিনসিম আঙৗ নৗংছৗরনি জুনৈ গথ' সারিনৗ আইখাং বাইখাং জানায় বিমা বাদি থানায়, আং দা নৗংছৗরনিয়াও দংমৗনব্লা, আরৗ আংনি বুংনায়া সৗলাইগৌ মৗন। নৗংছৗরনি থাখৈ আং গৗনৗ গৗথৗ জাবায়।
হাগার আরৗ সারানি খবর
আংনৗ খৗথাছায়, নৗংছৗরনি জাইয়া আইননি সিঙাও থানৗ হাস্থায়ৗ, আইননা মা বুঙৗ, নৗংছৗরৗ হুসিয়ার অৗঙা না? মানৗনা1 লিৎনায় দং অব্রাহামহা সানৈ বিসাজ্লাফৗর দংমৗন, বিছৗরনি সাছেয়া জাবায় গলাম হাগার হিন্জাওনি গেজেরজৗং আরৗ গুবুন সাছেয়া জাবায় গাওনি গহৗজানায় সারা হিন্জাওনি গেজেরজৗং। আরৗ গলাম হিন্জাওনি সারিনায় বিসাজ্লায়া সংসারনি বাদিয়ৈনৗ সারিজাদৗং, নাথায় গহৗজানায় হিন্জাওনি সারিহৗজানায় বিসাজ্লায়া ঈশ্বৗরনি জবান হৗখানায় বাদি মৗদৗমাও সারিজাদৗং। বেখৌ দৃষ্টান্ত বাদি লানৗ হায়ৗ, বে সানৈ হিন্জাওয়া মৗননৈ চুক্তি বাদি। জাইনি বিসাফ্রা গলামৈ সারিজায়ৗ, বে জাবায় হাগার, বিয়ৗ সীনয় হাজৗনি চুক্তি বাদি। হাগাররা আরব হাদৎনি সীনয় হাজৗ বাদি। বি হাগাররা গাওনি বিসাফৗরজৗং লৗগৗছে গলামনি সমান দানি যিরূশালেম নৗগৗরজৗং জগা জগ খৗলামজায়ৗ। নাথায় স্বৗর্গৗনি গৗজৗওসিন যিরূশালেমা গহৗজানায়, আরৗ বিয়ৗ জৗংনি বিমা। মানৗনা শাস্ত্রয়াও দং, “রংজা, ও সাগ্রেমা হিন্জাও,
নৗঙৗ মাব্লাবাবৗ গথ' সারিয়ৈ,
নৗঙৗ গাবজ্রি আরৗ রংজানায়নি থাখৈ গাবদৗ,
নৗংছৗরৗ মাব্লাবাবৗ জৗনৗম হৗন্নৗ ছারৗঙৈ,
মানৗনা জেব্লাইবৗ হৌয়াফৗর থানায় হিন্জাওফৗরনিখুরৈ
হৌয়াফৗরজৗং নাগারজানায় হিন্জাওফৗরনি বিসাফ্রা বাংসিন।”2
দা নৗং, বিদা-ফংবায় আরৗ বিবো-বিনানাওফৗর, ইসাহাকআ জেরৈ, নৗংছৗরবৗ বেবাদিনৗ জবান হৗজানায় ঈশ্বৗরনি বিসাফৗর জাবায়। বে সময়া জিউনি বৗলৗজৗং জাইয়া সারিজাদৗং মৗন, বিখৌ সংসারনি বাদি মৗদৗমাও সারিজানায়া নাছয়দৗং মৗন; আরৗ দাবৗ বেবাদিয়ানৗ জাদৗং। নাথায় শাস্ত্রয়া মা হৗন্নৗ? শাস্ত্রয়া বেখৌনৗ হৗন্নৗ, “গলাম হিন্জাও আরৗ বিনি বিসাজ্লাখৌ হৗয়নহৎবায়, মানৗনা গলাম হিন্জাওনি বিসাজ্লায়া বিফানি অচ্ছে হিন্জাওনি বিসাজ্লাজৗং বিফানি সম্পত্তিখৌ আওগ্রিফানৗ হায়া।” বিনিখাইনৗ, ও আংনি বিদা-ফংবায় আরৗ বিবো-বিনানাওফৗর, জৗঙৗ গলাম হিন্জাওনি বিসাফৗর অৗঙা, নাথায় হিন্জাও অচ্ছেনি বিসাফৗরছৗ।
Source notes (2)
- Footnote অব্রাহামআ ইহুদি মানসিফৗরনি বিফা আরৗ বিনে সানৈ বিসাফৗর দংমৗন, বিছৗরনি সাছেয়া জাবায় গাওনি গহৗজানায় সারা হিন্জাওনি আরৗ সাছেয়া জাবায় গলাম হিন্জাও হাগারনি। ঈশ্বৗরা অব্রাহামনৗ জবান হৗদৗংমৗন যে সারানি গেজেরজৗং সাছে বিসাজ্লা হৗনায় জাইয়া অব্রাহামনৗ ঈশ্বৗর হৗনায় গাছেন জবাননি উত্তরাধিকার জানায়।
- Footnote বে যিশাইয়নি মৗনছে উক্তি জেয়া ব্যাবিলনাও যিহূদীফৗরনি হৗখাৎজানায়নি খৗথা রায়খাংনায় দংমৗন। বি সমাও জেরুশালেমাও খালি মৗন মানৗনা মানসিফৗরখৌ বন্দি খৗলামনানৈ ব্যাবিলনাও লাংদৗংমৗন নাথায় ঈশ্বৗরা জবান হৗদৗং যে নৗগৗরা হৗফিননা জানায় আরৗ আরবাও গৗবাং বিসাফৗর থানায়। পৌলআ বে যিশাইয়নি ভাববাণীখৌ গৗদান জেরুশালেমাও বাহায়দৗং জেরও বিসাফৗরা সিগাংনিফ্রায় বাংসিন জানায় মানৗনা সিগাঙাও গুবুনহারিফৗরা ঈশ্বৗরনি মানসিফৗরজৗং লাফাদেৎজায়াখৈ মৗন, দা বিছৗরখৌ লাফাদেৎনায়
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.