Skip to content
BibleKenya

Mech

প্রেরিত 18

করিন্থীয়াও

বেনি উনাও পৌলআ এথেন্স নিফ্রায় করিন্থীয়াও থাংদৗং। বিয়াও বিয়ৗ আক্কিলা নামনি সাছে যিহূদীয়াখৌ লৗগৗ মৗনহৈদৗং। আক্কিলাআ পন্ত হাদৎনাও সারিজায়ামৗন। সম্রাট ক্লৌদিয়আ গাছেন যিহূদীফৗরখৌ রোমনিফ্রায় অৗংখাৎলাংনৗ আদেশ হৗদৗংমৗন। বিনিখাইনৗ ইছে দিনফৗরনি সিগাংনৗ আক্কিলাআ গাওনি হিন্জাও প্রিষ্কিল্লাজৗং ইতালিনিফ্রায় করিন্থীয়াও ফৈদৗং। পৌলআ বিছৗরখৌ নাইনৗ থাংদৗং, মানৗনা পৌলাআবৗ বিছৗর বাদিনৗ থাম্বু খৗংগ্রা মৗন। বিনিখাইনৗ বিয়ৗ বিছৗরজৗং লৗগৗছে থানানৈ খামানি মাওদৗং। খনফ্রৗমবৗ সাব্বাথনি দিনাও পৌলআ যিহূদীফৗরনি সিবিগ্রা ন্ব'য়াও খৗথাফৗরখৌ সানজ্লাইদৗং, যিহূদী আরৗ গ্রীকফৗরখৌ ফৗথাইহৗনৗ হাস্থায়দৗং। জেব্লা সীলাস আরৗ তীমথিয় ম্যাসিডোনিয়ানিফ্রায় ফৈফিনদৗং, অব্লা পৌলআ গাওখৌ ঈশ্বৗরনি গাহাম খবর খৗথানাইয়াও বান সময়খৌ বাহায়দৗং, যীশুআনৗ মসিহ হৗন্নানৈ বিয়ৗ যিহূদীফৗরনৗ সাক্ষ্য হৗদৗং। নাথায় যিহূদীফ্রা জেব্লা পৌলনি বিরুদ্ধনাও বাথ্রাফৗর বাহাইনানৈ বিখৌ রাইফথাদৗং আরৗ বিখৌ নিন্দিদৗং হৗনদৗং, অব্লা বিয়ৗ গাওনি সি'ফৗরনি হাদ্রিখৌ ফিস্রিনানৈ হৗন্দৗং,1 “নৗংছৗরনি থৈনি দায়য়া নৗংছৗরনি গাওছৗরনি খরনি ছায়াও থাথৗং। বেনি থাখৈ আংহা দায় গৈয়া। দানিফ্রায় আঙৗ গুবুনহারিফৗরনেও থাংনায়ছৈ।”

বিনি উনাও পৌলআ সিবিগ্রা ন্ব'নিফ্রায় অৗংখাৎলাংনানৈ তিতিয়-যুষ্ট মুংনি সাছে গুবুনহারিনি ন্ব'য়াও থাংদৗং, বিয়ৗ সাছে ঈশ্বৗর ভক্ত মৗন, বিনি ন্ব'য়া যিহূদীফৗরনি সিবিগ্রা ন্ব'নি উচুংছেয়াও মৗন। সিবিগ্রা ন্ব'নি দৈদেনগিরি ক্রীষ্প আরৗ বিনি নখরনি বয়বৗ ফৗরবুখৌ ফৗথাইদৗং, আরৗ করিন্হীয়নি গৗবাং মানসিফ্রানৗ পৌলনি খৗথানায় মৗজাং খবরখৌ খৗনাছংদৗং, আরৗ ফৗথাইনানৈ বাপ্তিস্মা লাদৗং। হরছেখালি ফৗরবুআ পৌলখৌ মৗনছে দর্শনাও বুংদৗং, “নৗঙৗ দাগি, খৗথা বুংঙিন থা, সিরি দাথা মানৗনা আং নৗংজৗং দং, আরৗ রাওবৗ নৗংখৌ মৗংবৗ খৗলামনৗ হানায় অৗঙা, মানৗনা বে নৗগৗরাও আংনি গৗবাং মানসিফৗর দং।” বিনিখাইনৗ পৌলআ বে নৗগৗরাও বৗছৗরছে আরৗ ছয় মাস থানানৈ মানসিফৗরনৗ ঈশ্বৗরনি বাথ্রাখৌ ফৗরৗংদৗং, নাথায় জেব্লা গাল্লিয়োআ আখায়ানি শাসনগিরি জায়ৗ। অব্লা যিহূদীয়ারিফ্রা খৌছে জানানৈ পৌলখৌ হমনানৈ বিছারনি থাখৈ বিচারসালিয়াও লাবৗদৗং। বিছৗরৗ বেবাদি এৎনানৈ হৗদৗং, “বে মানসিআ আইনি বিরুদ্ধ মাওনানৈ ঈশ্বৗরখৌ খুলুমহৗনৗ থাখৈ মানসিফৗরখৌ বুরখাইদৗং।”

জেব্লা পৌলআ বুংহাং জাদৗং, অব্লা গাল্লিয়োআ যিহূদীয়ারিফৗরখৌ হৗন্দৗং, “বিনি মাওনায়া মাবা মৗনছে গৗরৗন্ঠি জাদৗং মৗনব্লা, ও যিহূদীয়ারিফ্রা আঙৗ নৗংছৗরনি বাথ্রাফৗরখৌ খৗনাছংনৗ হাগৌমৗন। নাথায় বে নৗংছৗরনি খৗথাফৗরনি সৗংনাই, নামফৗর আরৗ নৗংছৗরনি গাওনি আইনফৗরনি বিষয়, বেখৌ নৗংছৗর নৗংছৗরনি গেজেরাওনৗ গৗরৗবজ্লাইহৗ। বেফৗর বাদিখৌ আঙৗ বিচার খৗলামা।” আরৗ বেবাদি বুংনানৈ বিচারসালিনিফ্রায় বিছৗরখৌ হৗয়নহৎদৗং। অব্লা হান্জাফ্রা গাওছৗরনি সিবিগ্রা ন্ব'নি দৈদেনগিরি সোস্থিনিখৌ হমনানৈ বিচারসালিনি সিগাঙাওনৗ বুদৗং। নাথায় গাল্লিয়োআ বেফৗরখৌ জেবৗ সানাখৈছৈ।

পৌলনি আন্তিয়খিয়াও থাংফিন্নায়

পৌলআ করিন্থীয়াও গৗবাও সম থানায়নি উনাও বিয়াওনি বিশ্বাসিফৗরজৗং বিহা বিদায় লাজ্লাইনানৈ কংক্রিয়া বন্দরাও থাংদৗং, সিমান লাখানায় দং মৗনখায় 2বিয়ৗ সিগাং খানাই ছিনজাদৗং, বিনি উনাও বিজৗং লৗগৗয়াও প্রিষ্কিল্লা আরৗ আক্কিলাবৗ জাহাজয়াও গাখৗনানৈ সিরিয়ায়াও থাংনৗ হমদৗং। জেব্লা বিছৗরৗ ইফিষিয়াও ছৗহৈয়ৗ, অব্লা পৌলআ প্রিস্কিল্লা আরৗ আক্কিলাখৌ বিহা গালাংদৗং। বিয়ৗ যিহূদীয়ারিফৗরনি সিবিগ্রা ন্ব'য়াও হাবহৈনানৈ যিহূদীয়াফৗরজৗং যুক্তি হৗজৗলাইদৗং। জেব্লা বিছৗরৗ ইছে সম থাবাওনৗ খাওলাইদৗং মৗন, নাথায় বিয়ৗ মানিয়াখৈ। অব্লা বিয়ৗ বিদায় লাজ্লাইনানৈ অৗংখাৎনায় সমাও হৗনদৗং, “ঈশ্বৗরা গৗসৗ জায়ৗব্লা, আঙৗ ফৈফিননায়।” বিনি উনাও বিয়ৗ ইফিষনিফ্রায় থাংনায় জাহাজয়াও গাখৗনানৈ থাংদৗং।

উনাও বিয়ৗ কৈসরিয়া বন্দরাও ছহৈয়ৗ, বিনি উনাও যিরূশালেমাও থাংনানৈ মন্ডলীনি মানসিফৗরজৗং গৗজৗন্নায় লাহৈনানৈ সিরিয়ানি আন্তিয়খিয়া নৗগৗরাও অৗংখাৎলাংদৗং। আন্তিয়খিয়াও ইছে দিনফৗর থানায়নি উনাও বিয়ৗ বে জায়গানিফ্রায় গালাতীয়া আরৗ ফরুগিয়া হাদৎ গিদিং গিদিং ছেলাফৗরখৌ সাহস হৗয়ৈ হৗয়ৈ বিছৗরখৌ ফৗথাইনায়াও বৗলৗগ্রা খৗলামদৗং।

আপল্লোসআ ইফিষয়াও

বে সমাও আপল্লো মুংনি সাছে যিহূদী ইফিষিয়াও ফৈদৗংমৗন। বিনি ন্ব'য়া আলেকজান্দ্রীয়াও মৗন। বিয়ৗ সাছে মৗজাং রাইনৗ হানায় মানসি, আরৗ শাস্ত্রনি খৗথাফৗরখৌ মৗজাঙৈ রৗংগৌ মৗন। ফৗরবুনি লামানি বাথ্রা বিয়ৗ ফৗরৗংজাদৗং মৗন, আরৗ গৗসৗ গুদুং জিউজৗং বেখৌনৗ বুংদৗংমৗন আরৗ মৗজাঙৈ যীশুনি বিষয়ৈ ফৗরৗংদৗংমৗন, নাথায় বিয়ৗ যোহননি বাপ্তিস্মাখৌ বান মিথিগৌমৗন। বিয়ৗ গৗহৗজৗং যিহূদীফৗরনি সিবিগ্রা ন্ব'য়াও বুংনৗ হমদৗং। আপল্লোসনি বাথ্রাখৌ খৗনানানৈ প্রিষ্কিল্লা আরৗ আক্কিলাআ বিখৌ গাওছৗরজৗং ন্ব'য়াও লাংফানানৈ ঈশ্বৗরনি লামানি খৗথা বিনৗ মৗজাঙৈ বিজিৎনানৈ খৗথাদৗং। জেব্লা আপল্লোসআ আখায়াও থাংনৗ গৗসৗ জায়ৗ, অব্লা ইফিষনি বিশ্বাসিফৗরা বিনৗ গৗহৗ হৗদৗং, আরৗ বিখৌ নাজাওনৗ বেবাদি খাওলাইনায় লাইজাম ছেলাফৗরনৗ লিৎহৗৎদৗং, জেব্লা আপল্লোসআ ছহৈয়ৗ, অব্লা বিখৌ নৗংছৗরৗ নাজাওদৗ। আরৗ ঈশ্বৗরনি অনুগ্রহজৗং জাইফ্রা ফৗথাইদৗং, বিছৗরখৌ আপল্লোআ ছহৈনানৈ হেফাজাব হৗদৗং। মানৗনা যীশুআনৗ মসিহ, বেখৌ বিয়ৗ শাস্ত্রনিফ্রায় দিন্ঠিনানৈ প্রমাণ হৗদৗং, আরৗ বিয়ৗ যুক্তি হৗয়ৈ হৗয়ৈ যিহূদীফৗরখৌ বৗলৗগৗনাংঙৈ তর্কজৗং খৗথাজৗং মানসিফৗরনি সিগাঙাও ফেজেন্দৗং।

Source notes (2)
  1. Footnote আঠেংনি আফাখি হাদুরৈখৌ ফিস্রিনাইয়া জাবায় মৗনছে চিহ্ন, বিছৗরৗ ঈশ্বৗরনি বাথ্রাখৌ এৎগাররৗ, দা, বে আঠেংনি আফাখি হাদুরৈখৌ ফিস্রিলাংগ্রাফৗরনে বিছৗরনি থাখৈ আরবাও জেবৗ দায় গৈলিয়া
  2. Cross-reference বিচন বিজাব 6:1–21

Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.