Mech
প্রেরিত 19
ইফিষয়াও পৌলনি খৗথাবাইনায়
জেব্লা আপল্লোসআ করিন্থীয়াও দংমৗন, বে সমাও পৌলআ এশিয়া হাদৎনি গেজেরজৗং ইফিষয়াও ছহৈদৗং। বিয়াও বিয়ৗ খাইছে ছেলাফৗরখৌ লৗগৗ মৗন্নানৈ বিছৗরনাও সৗংদৗং, “মা, নৗংছৗরৗ জেব্লা খ্রীষ্টখৌ ফৗথাইদৗং, অব্লা গৗথার জিউ মৗন্দৗং মৗন না?” অব্লা বিছৗরৗ বুংফিনদৗং, “গৗথার জিউনি বাথ্রাখৌনৗ জৗঙৗ খৗনায়াখৈনৗ।” বে সমাও পৌলআ সৗংদৗং, “অব্লা নৗংছৗরৗ মা বাপ্তিস্মাখৌ মৗনা?” বিছৗরৗ বুংফিনদৗং, “যোহননি বাপ্তিস্মাখৌ,” পৌলআ হৗনবায়, “যোহননি বাপ্তিস্মায়া গাও গাওনি পাপফৗরনিফ্রায় গৗসৗ ফিনফিননায়। আরৗ বিয়ৗ মানসিফৗরনৗ বেবাদি বুংদৗং, আংনি উনাও জাইয়া ফৈগৌ বিনি ছায়াও, বে জাবায়, যীশুখৌ ফৗথাই।” বে খৗথাখৌ খৗনানানৈ ছৈলাফ্রা ফৗরবু যীশুনি মুঙৈ বাপ্তিস্মা লাদৗং। জেব্লা পৌলআ বিছৗরনি ছায়াও আখাই হৗয়ৗ, অব্লা গৗথার জিউয়া বিছৗরনি ছায়াও ফৈদৗং, আরৗ বিছৗরৗ গুবুন গুবুন রাওফৗর বুংনানৈ ভাববাণী খৗলামবায়। বিহা বিছৗরৗ গাছেন বারোজনসিম হৌয়াফৗর দংমৗন। বিনি উনাও পৌলআ যিহূদীফৗরনি সিবিগ্রা ন্ব'য়াও থাংনানৈ নখাফৗর দানথাম গৗহৗয়ৈ ঈশ্বৗরনি রাইজৗনি বিষয়ৈ বুংনানৈ ফৗথাইহৗনৗ হাস্থায়দৗং। নাথায় বিছৗরনি খাইছেফৗরনি গৗসৗয়া গৗরাথার জাদৗংমৗন, বিনিখাই বিছৗরৗ ফৗথাইনৗ নাগিৎনাখৈ মৗন আরৗ যে লামাখৌ ফৗরবুআ দিন্ঠিদৗং বেখৌ বয়নিবৗ সিগাঙাও বিরুদ্ধ বুংদৗং। বিনিখাইনৗ পৌলআ বিছৗরনিফ্রায় গৗজান জাদৗং, আরৗ ছেলাফৗরখৌ লৗগৗয়াও লানানৈ তুরান্ন মুংনি মৗনছে ফৗরৗংগ্রা খঠ্রায়াও থাঙানৈ সানফ্রৗমবৗ শাস্ত্রনিফ্রায় বিছৗরজৗং সানজ্লাইদৗং। বেবাদিনৗ বৗছৗরনৈসিম খৗলামদৗং, এশিয়া হাদৎনাও থানায় যিহূদীফৗর আরৗ গ্রীকফৗর ফৗরবুনি বাথ্রাখৌ খৗনাদৗং। ঈশ্বৗরা পৌলজৗং জেব্লাইবৗ জাফেৎনি সৗমৗ গৗনাং হাবাফৗর মাওদৗং। বিনি বাহাইনায় রুমালফৗর আরৗ গামছাফৗরখৌ জব্রাফৗরনেও লাংলানৗ বিছৗরনি রগ বিয়াৎফ্রা বিয়াওনৗ হামৗ মৗন, আরৗ বাদুয়া জিউফ্রাবৗ অৗংখাৎলাঙৗমৗন। খাইছে যিহূদী রোজাফ্রা থাবায়ৈ থাবায়ৈ বাদুয়া জিউফৗরজৗং হমজানায়ফৗরখৌ ফৗরবু যীশুনি মুঙৈ হৗখাৎনৗ হাস্থায়ৗ মৗন, “পৌলআ জাইনি বাথ্রা খৗথাবায়দৗং, বে যীশুনি মুঙৈ আঙৗ নৗছৗরখৌ অৗংখাৎলাংনৗ আদেশ হৗয়ৗ।” বিহা সাত জন হৌয়াফৗর, জাইফ্রা বেবাদি মাওয়ৗ মৗন, বিছৗরৗ গাছেন যিহূদিনি গাহায় যাজক স্কিবানি বিসাজ্লাফৗর মৗন। নাথায় সানছেখালি বাদুয়া জিউয়া বিছৗরখৌ উত্তর হৗদৗং, “আঙৗ যীশুখৌ মিথিগৌ, পৌলখৌবৗ মিথিগৌ, নাথায় নৗংছৗর?” আরৗ বি বাদুয়া জিউ হমজানায় মানসিআ বিছৗরনি ছায়াও বাদছিন্নানৈ বিছৗর সাফ্রৗমখৌবৗ ফেজেন্দৗং। বিয়ৗ এছেগ্রাব বিছৗরখৌ বুদৗং, বিছৗরৗ খুনি জানানৈ সি'জুম বিছিজাদৗং, বি মানসিনি ন্ব'নিফ্রায় খাৎলাংদৗং। ইফিষয়াও থানায় যিহূদী আরৗ গ্রীকফ্রা বেখৌ খৗনানানৈ বিরাঠ গিদৗং, আরৗ ফৗরবু যীশুনি মুংখৌ মান হৗসিনদৗং। আরৗ খ্রীষ্টখৌ ফৗথাইনায় গৗবাং মানসিফ্রা বিশ্বাসিফৗেরনেও ফৈনানৈ গাও গাওনি পাপ মাওনায়ফৗরখৌ দৗনখৗমায়াজাছে সিমান লাদৗং। আরৗ জাদু দিন্ঠিগ্রাফৗরনি গৗবাঙানৗ গাওছৗরনি মৗন্থৗরনি বিজাবফৗরখৌ লাবৗনানৈ বয়নিবৗ সিগাঙাওনৗ অয়াৎনাও সাওগারদৗং। বে সাওনায় বিজাবফৗরনি দামমা পঞ্চাশ হাজার রুপানিমুদ্রা1 মৗন। বেবাদিনৗ ফৗরবুনি বাথ্রায়া জেরাওবৗ এরলাংদৗং আরৗ বৗলৗগ্রাসিন জালাংদৗং। বেফৗর জানায়নি উনাও, পৌলআ ম্যাসিডোনিয়া আরৗ আখায়া হাদৎ গেজের গেজের যিরূশালেমাও থাংনৗ জিউয়াও সানবায়, “যিরূশালেম থাংনায়নি উনাও আঙৗ রোম নৗগৗরাও থাংথার নাংনায়।” বিনিখাইনৗ বিয়ৗ তীমথিয় আরৗ ইরাস্ত নামনি গাওনি সানৈ হেফাজাব হৗগ্রাফৗরখৌ ম্যাসিডোনিয়াও থৗনহৎনানৈ গাও এশিয়া হাদৎনাও ইছে দিনফৗর থাবাওদৗং।
ইফিষয়াও দাওরাও জানায়
যে লামাখৌ ফৗরবুআ দিন্ঠিদৗং, বে খৗথা লানানৈ ইফিষয়াও বিরাঠ দাওরাও জাদৗং। বিয়াও দীমীত্রিয় নামনি সাছে রূপানি খামানি মাওগ্রা দংমৗন। বিয়ৗ আর্তেমিস মৗদাইজৗনি মন্দির বাদি উন্দৈ উন্দৈ রূপানি মন্দির দাদৗং মৗন। বে খামানিজৗং দাগ্রাফ্রা বিরাঠ লাভ মৗন্দৗং মৗন। বিনিখাইনৗ দীমীত্রিয়া বিছৗরখৌ জ' খৗলামনানৈ আরৗ বিহা দংনায় একই রুপাদাগ্রা ব্যাপারিফৗরখৌবৗ হৗন্দৗং, “ও বিদা ফংবায়ফৗর, নৗছৗরৗ মিথিগৌ, বে খামানিজৗং জৗংহা গৗবাং লাভ জায়ৗ, নাথায় দা নৗংছৗর গাওছৗরনৗ নুবায় আরৗ খৗনাবায়, পৌল মুংনি সাছে মানসিআ মা মাওদৗং, বিয়ৗ বুঙৗ, মানসিফৗরজৗং বানায়জানায় ঈশ্বৗরফ্রা ঈশ্বৗর গুবৈ অৗঙা; আরৗ ইফিষয়াও বান অৗঙা, বুংনৗ থাংব্লা এশিয়া হাদৎ মানিয়াওনৗ গৗবাং মানসিফৗরখৌ বুরখাইনানৈ বিয়ৗ গুবুন লামাজৗং দৈদেন লাংবায়। বিনি বে মাওনায়া জৗংনি বায়নায় ফান্নায়খৌ বান অৗঙা জৗংনি মহান মৗদাইজৗ আর্তেমিস মন্দিরাওবৗ নেওছিজানায়, আরৗ এশিয়া হাদৎনি গাছেন মানসিফ্রা, এমন কি, সংসারাও বি মৗদাইজৗখৌ খুলুমগ্রা সাফ্রৗমবৗ বিনৗ মান হৗনায় অৗঙা।”
জেব্লা বিছৗরৗ বে খৗথাখৌ খৗনাদৗং, অব্লা বিছৗরৗ বিরাঠ রাগ জৗংনান হজ্রিনানৈ হৗন্দৗং, “ইফিষীয়নি আর্তেমিস মৗদাইজৗয়ানৗ দেৎসিনথার।” বে দাওরাওয়া নৗগৗরনি জেরাওবৗ দাওরাও জাদৗং, আরৗ মানসিফ্রা পৌলজৗং লৗগৗয়াও থাংফানায় গায়াস আরৗ আরিষ্টর্খ, বে সানৈ ম্যাসিডোনিয়ারিখৌ হমনানৈ গৗখ্রৈনৗ গৗবাং জথুমগ্রা জায়গাও বৗলাংদৗং। পৌলআ গাওনৗ হান্জাফৗরনি সিগাঙাও থাংনৗ হাস্থায়দৗং মৗন, নাথায় ছেলাফ্রা বিখৌ হগারহৎনাখৈ। বে হাদৎনি খাইছে মান্যগন্য পৌলনি লৗগৗফ্রা বিনাও মানসি থৗনহৎনানৈ বিখৌ খাওলাইবায় জাহাথে বিয়ৗ গৗবাং জথুমগ্রা জায়গাও দানুজাহৈথৗং হৗন্নানৈ খাওলাইহৎদৗং। অব্লা ভিড়য়া হজ্রিখাংদৗং সাফা মৗংফা, সাফা মৗংফা হৗন্দৗং, মানৗনা বিছৗরনি বাংসিনানৗ মানি থাখৈ জ'জাদৗং বিহা বেখৌ মিথিয়াখৈ মৗন। যিহূদীফ্রা আলেকসান্দরখৌ সিগাঙাও নাদহৎনানৈ বিয়ৗ মা বুংনাংগৌ বেখৌ ফৗরৗংদৗং, আরৗ আলেকসান্দরা গাও আরৗ গাওনি লৗগৗফ্রা বেফৗরনি থাখৈ দোষী অৗঙা হৗন্নানৈ গাওখৌ রায়খ'নায়নি খৗথা নৗংনি সিগাঙাও বুঙৗ। নাথায় জেব্লা মানসিফ্রা মিথিয়ৗ, যে, আলেকসান্দরা যিহূদীছৗ হৗন্নানৈ অব্লা বি সমাও জ' জানায় মানসিফ্রা বয়বৗ লৗগৗছে ঘন্টামৗননৈসিম গাবজ্রিনানৈ হৗন্দৗং, “ইফিষীয়নি আর্তেমিস মৗদাইজৗয়ানৗ দেৎসিনথার।”
উনাও নৗগৗরনি সম্পাদকআ মানসিফৗরখৌ সিরি থাহৗনানৈ হৗনবায়, “ও ইফিষীয়নি মানসিফৗর, বয়বৗ বে খৗথাখৌ মিথিগৌ, গেদেৎ আর্তেমিস মৗদাইজৗনি মন্দির আরৗ বিনি মহর স্বৗর্গৗনিফ্রায় গৗগ্লৈনায়খৌ রক্ষা খৗলামগ্রায়া ইফিষীয় নৗগৗরনি মানসিফ্রানৗ। মানৗনা, বে খৗথাখৌ রাওবৗ অৗঙা হৗন্নৗ হায়া। বিনিখাইনৗ নৗংছৗরৗ সিরি থা আরৗ দুং হাও হাও মৗংবৗ দামাও। নৗংছৗরৗ বে মানসিফৗরখৌ হমনানৈ লাবৗবায়, নাথায় বিছৗরৗ মন্দিরনিফ্রায় মৗঙা মৗংছেখৌবৗ লুঠিয়াখৈ এবা জৗংনি মৗদাইজৗখৌ নিন্দিয়াখৈ। দীমীত্রিয়াও আরৗ বিনি মাওগ্রাফ্রা ছৗরনিবা ছায়াও মাবা দায়ফৗর মৗনব্লা, জৗংহা বিচারসালিয়াও বিচার খৗলামনৗ দিন ফছংজানায় দং আরৗ বিচারগিরিফ্রা দংখায়ৗ, বিচারনি থাখৈ বিছৗরৗ বিয়াওনৗ নালিশ হৗনৗ হানায়। নাথায় বিনি খুরৈ রাসিন নৗংছৗর মাবাফৗর খৗলামনৗ লুবৈয়ৗব্লা, নৗগৗরনি মানসিফৗরনি আইন বাদি জথুমনায়াও বিচার খৗলামনানৈ ফৗজৗবজ্লাইনৗ হানায়। মানৗনা দিনৈনৗ দাওরাওনি থাখৈ রোমনি শাসনগিরিফৗরজৗং দোষী খৗলামজানৗবৗ জৗংহা গিনাংগৌ দং। আরৗ বে দাওরাওনি দায়নিফ্রায় খাৎগোনৗ হানায় অৗঙা, আরৗ বিনি গুডিখৌবৗ জৗং খৗথানৗ হানায় অৗঙা।” বেফৗরখৌ হৗন্নানৈ বিয়ৗ সভাখৌ ফৗজৗবদৗং।
Source notes (1)
- Footnote মৗনছে রুপানি মুদ্রায়া সানছেনি হাজিরা মৗন
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.