প্রেরিত 17

থিষলনীকীয়াও মৗজাং খবর ফৗস্রাওনায়।

1উনাও পৌল আরৗ বিনি লৗগৗফৗরা আম্পিপলি আরৗ অপল্লোনিয়া নৗগৗরনি গেজের গেজের বিছৗরৗ থিষলনীকীয়া নৗগৗরাও ফৈবায়। বিয়াও যিহূদীয়ারিফৗরনি মৗনছে সিবিগ্রা ন্ব' দংমৗন। 2পৌলআ গাওনি নিয়ম বাদি বি সিবিগ্রা ন্ব'য়াও হাবহৈদৗং। বিয়াও বিয়ৗ মানসিফৗরজৗং পর পর খনথাম সাব্বাথনি দিনাও গৗথার শাস্ত্রনিফ্রায় সাওরাইজ্লাইদৗং আরৗ যুক্তি হৗজৗলাইদৗং। 3বিয়ৗ শাস্ত্রনিফ্রায় মানসিফৗরনৗ বিজিৎদৗং আরৗ প্রমাণ হৗদৗং, যে মসিহআ সৈনাংথারনাংনায় আরৗ থৈনায়নিফ্রায় ঠাংখাংফিনথারনাংনায়। বিয়ৗ বুংদৗং, “বি যীশুআনৗ, জাইনি খৗথা আঙৗ নৗংছৗরনৗ খৗথাদৗং, বিনৗ মসিহ।” 4পৌলনি খৗথায়াও খাইছে খাইছে যিহূদীফ্রা ফৗথাইনানৈ পৌল আরৗ সিলাসজৗং লৗগৗলাদৗং, বিছৗরনি অনগায়ৈ ঈশ্বৗরখৌ গিগ্রা গৗবাং গ্রীকফৗর আরৗ সমাজয়াও ছিনাইজানায় গৗবাং হিন্জাওফ্রা বিছৗরজৗং লৗগৗ লাফাদৗং।

5নাথায় খাইছে খাইছেয়া মগন গৗছা যিহূদীফৗর, বিছৗরৗ হাঠাইসালিনিফ্রায় সাবমা মানসিফৗরখৌ বুথুমনানৈ নৗগৗরাও দাওরাও খৗলামহৗদৗং; পৌল আরৗ সিলাসখৌ হমনানৈ মানসিফৗরনি সিগাঙাও লাবৗনানৈ জাসন হৗন্নায় মানসিনি ন্ব'খৌ বেংখনহৈদৗং। 6নাথায় বিছৗরৗ বিয়াও পৌল আরৗ সিলাসখৌ নাগিৎনানৈ মৗনাখৈখায় বিছৗরৗ জাসন আরৗ খাইছে গুবুন বিশ্বাসিফৗরখৌ বুদ্রুনান নৗগৗরনি শাসনগিরিফৗরনেও লাংনানৈ গাবজ্রিনানৈ হৗন্দৗং, “বে মানসিফ্রা বহুমখৌনৗ গৗদৗওগ্লুবহৗদৗং! দা বিছৗরৗ জৗংনি নৗগৗরাও ফৈদৗং। 7আরৗ জাসোননা বিছৗরখৌ গাওনি ন্ব'য়াও নাজাওদৗং। বিছৗরৗ বয়বৗ কৈসরনি আদেশ থৗন্নায়ফৗরখৌ বাছিদৗং, আরৗ গুবুন সাছে রাজা দং হৗন্নানৈ বুংদৗং, বিনি মুঙা যীশু।” 8জেব্লা বিছৗরৗ বে খৗথাখৌ খৗনাদৗং, অব্লা হান্জাফৗরখৌ আরৗ নৗগৗরনি বিচারগিরিফৗরখৌ ফৗদৗওগ্লুবদৗং। 9অব্লা বিচারগিরিফ্রা জাসন আরৗ গুবুনফৗরনিফ্রায় জামিন লানানৈ বিছৗরখৌ হগারহৗৎবায়।

বেরিয়া নৗগৗরাও

10বিশ্বাসিফ্রা হরজৗং হর পৌল আরৗ সিলাসখৌ বেরিয়াও থৗনহৎবায়। আরৗ বিয়াও ছহৈনানৈ যিহূদীফৗরনি সিবিগ্রা ন্ব'য়াও থাংবায়। 11থিষলনীকীয়ানি মানসিফৗরনি খুরৈ বেরিয়ানি মানসিফৗরনি গৗসৗআ স্রাংসিন মৗন। বিছৗরৗ মৗজাং খবরখৌ গৗসৗজৗং নাজাওদৗং, আরৗ পৌলনি বুংনায় বাথ্রায়া মা কি নৗংগৌ মৗন, বেখৌ নায়নৗ সানফ্রৗমবৗ গৗথার শাস্ত্রখৌ বিরাঠ গৗসৗ গুদুংজৗং ফরায়নানৈ নাগিৎদৗং। 12জেরৈ বিথাইয়া, যিহূদীফৗরনি গৗবাঙানৗ ফৗথাইদৗং। বিছৗরনি গেজেরাওবৗ খর'নুজানায় গৗবাং গ্রীক হিন্জাওফৗর আরৗ হৌয়াফ্রাবৗ ফৗথাইদৗং। 13নাথায় জেব্লা থিষলনীকীয়ানি যিহূদীফ্রা খৗনায়ৗ, বেরিয়াওবৗ পৌলআ ঈশ্বৗরনি বাথ্রাখৌ খৗথাবায়দৗং হৗন্নানৈ, অব্লা বিছৗরৗ বিয়াও থাংনানৈ মানসিফৗরখৌ সুলুংনানৈ দাওরাও খৗলামদৗং। 14বে সমাওনৗ বিশ্বাসিফ্রা পৌলখৌ লৈথৗ জিঙাও থৗনহৎদৗং, নাথায় সিলাস আরৗ তীমথিয়আ বেরিয়াও থালাংদৗং। 15পৌলজৗং থাংফানায় মানসিফ্রা বিখৌ এথেন্স নৗগৗরসিম লাবৗদৗং। বিনি উনাও সিলাস আরৗ তীমথিয়আ জেছে গৗখ্রৈ হায়ৗ ওছে গাওজৗং লৗগৗ লাফৈথৗং হৗন্নানৈ পৌলনি বে আদেশখৌ লানানৈ বিছৗরৗ থাংফিনদৗং।

এথেন্স নৗগৗরাও

16জেব্লা পৌলআ এথেন্সয়াও সিলাস আরৗ তীমথিয়খৌ নেবায় থাদৗংমৗন, বি নৗগৗরনি জেরেওবৗ মূর্তিফৗর নুনানৈ বিয়ৗ বিখা খামদৗং মৗন। 17বিনিখাইনৗ বিয়ৗ যিহূদীফৗরনি সিবিগ্রা ন্ব'য়াও যিহূদীফৗরজৗং আরৗ ঈশ্বৗরখৌ গিগ্রা গ্রীকফৗরজৗং আরৗ সানফ্রৗমবৗ হাঠায়সালিফৗরাও লৗগৗ মৗননায় মানসিফৗরজৗং সাওরাইজ্লাইদৗং আরৗ যুক্তি হৗজৗলাইদৗং। 18বি সমাও ইপীকুরীয়1 আরৗ স্তোয়িকীয়াও2 ফৗরৗংগ্রা মৗনছে দলনি ছৗরবা ছৗরবায়া পৌলজৗং তর্ক খৗলামজ্লাইদৗং আরৗ বিছৗরৗনি গেজেরাও খাইছেয়া বুংদৗং, “বিয়ৗ মা বক বক বুংনৗ হাস্থাইদৗং?” গুবুনফ্রা বুংফিনদৗং, “বিয়ৗ গুবুন বিদেশী মৗদায়ফৗরনি বাথ্রা বুংনায় বাদি খৗথায়ৗ।” বিছৗরৗ বেবাদি বুংদৗং, মানৗনা পৌলআ যীশুনি মৗজাং খবর আরৗ বিনি ঠাংখাংফিননায়নি বাথ্রা খৗথাবায়দৗংমৗন। 19অব্লা বিছৗরৗ পৌলখৌ আরেয়পাগে সভাও লাবৗদৗং, আরৗ বিনেও সৗংদৗং, “নৗংনি গৗদান ফৗরৗংনায়া মা, বিখৌ জৗং মিথিনৗ লুবৈয়ৗ? 20নৗংনি বুংনায়নি খাইছে খাইছে খৗথায়া জৗংনি খৗমাফৗরাও খৗনানায়াও গৗদানথার, বিনিখাইনৗ বেফৗরনি অৗংথিয়া মা, বিখৌ জৗঙৗ মিথিনৗ লুবৈয়ৗ।” 21মানৗনা গাছেন এথেন্সনি মানসিফ্রা আরৗ বেহা থানায় বিদেশী মানসিফ্রা জেবৗ খামানি মাওয়ামাৎনিন গৗদান গৗদান বিষয়ৈ খৗথা বুংনানৈ আরৗ খৗনাছংনানৈ সমফৗরখৌ কাঠাইগারৗ মৗন। 22অব্লা পৌলআ আরেয়পাগেনি সভায়াও দংনায় মানসিফৗরনি সিগাঙাও গছংনানৈ হৗন্দৗং, “ও এথেন্স নৗগৗরাও থানায় মানসিফৗর, খৗনাছং, আঙৗ নৗজৗর হৗবায়, নৗংছৗরৗ গাছেন বিষয়ৈ ধৗরৗম সিবিয়ারি, 23মানৗনা আং নৗগৗরাও থাবায়গিদিংবায়নানৈ নৗংছৗরনি সিবিনায় মৗঙাফৗর নুবায়, আঙৗ এমন কি মৗনছে পুজিগ্রা বেদিনি ছায়াও দানখনান লিৎনায় মৗনবায়, ‘ছিনাইজায়ি ঈশ্বৗরনি বিষয়ৈ’ নৗছৗরৗ মিথিয়ালাবমানৗ জাইখৌ সিবিদৗং বিনিনৗ খৗথা আং দা নৗংছৗরনৗ খৗথাদৗং। 24বিয়ৗ বে ঈশ্বৗরানৗ জাইয়া বে সংসারখৌ আরৗ বিয়াও দংনায় মানিখৌ দাদৗং। বিনৗ স্বৗর্গৗ আরৗ বুহুমনি ফৗরবু। বিয়ৗ মানসিজৗং লুজানায় মন্দিরাও থায়া। 25মানসিনি সেবা লানাগৌ জেবৗ গৈয়া, মানৗনা বিয়ৗ গাওনৗ বয়নৗবৗ জিউ, হাং, আরৗ গাছেন নাংগৌ মানিখৌ হৗয়ৗ। 26বিয়ৗ সাছে মানসিনিফ্রায়নৗ গাছেন জাতিখৌ দাদৗং, যে বিছৗরৗ বুহুমনি জেরেওবৗ থাহৗদৗং। আরৗ বিছৗরৗ ববে সমাও ববেজায়গাফ্রাও থানায় আরৗ বিছৗরনি থানায় সিমাফৗরখৌবৗ সৗরজিনাইনি সিগাঙনৗ গাওনি গৗসৗয়াও ঠিক খৗলামদৗং। 27ঈশ্বৗরা বেখৌ মাওদৗং, জাহাথে মানসিয়া বিখৌ নাগিৎনৈ নাগিৎনৈ মৗন্নৗ হানায় বাদি, নাথায় নংথারগৌয়ৈ জৗং সাফ্রৗমনিফ্রায়বৗ গৗজানাও অৗঙা। 28মানৗনা জৗঙৗ বিজৗংনৗ থানানৈ দং, ‘আরৗ থাবাবাইদৗং আরৗ ঠাংনানৈ দং।’ নৗংছৗরনি ছৗরবা ছৗরবা কবিতা লিৎগ্রাফ্রা হৗন্দৗং, ‘জৗং বিনিনৗ বিসাফৗর।’ 29জৗঙৗ বিনি বিসাফৗর জানাইখায় জৗং ঈশ্বৗরখৌ মানসিনি আখাই আরৗ মানসিনি সাননৗ বৗলৗজৗং সোনা রুপাজৗং দানায় এবা অন্ঠাইনি মূর্তি বাদি হৗন্নানৈ সাননৗ নাঙা। 30সিগাঙনি দিনফৗরাও ঈশ্বৗরা মানসিফৗরনি অজ্ঞানতাখৌ নুয়িবাদি নাইখেথবায়, নাথায় দা বিয়ৗ জেরেওবৗ গাছেন মানসিফৗরখৌ গাও গাওনি পাপফৗর মাওনায়ফৗরনিফ্রায় গৗসৗ ফিনফিননৗ আদেশ হৗদৗং। 31মানৗনা বিয়ৗ মৗনছে দিন ফছংখাবায়, বি সমাও বিয়ৗ গাওজৗং সাইখজানায় মানসিজৗং গাছেন সংসারখৌ ধৗরৗমিয়ায়ৈ বিচার খৗলামনায়। ফৗথাইনায়নি থাখৈ বিখৌ থৈনায়নিফ্রায় ফৗঠাংফিন্নানৈ গাছেন মানসিফৗরনি সিগাঙাও প্রমাণ হৗবায়।” 32জেব্লা বিছৗরৗ থৈনায়নিফ্রায় ঠাংখাংফিননাইনি খৗনায়ৗ, অব্লা খাইছেয়া হাজিগৗদাওদৗং, নাথায় ছৗরবা ছৗরবা হৗন্দৗং, “নৗংনি বুংনায় বে খৗথাখৌ জৗঙৗ খৗনাছংবাওনৗ হাস্থাইয়ৗ।” 33অব্লা পৌলআ বিছৗরনিফ্রায় অৗংখাৎলাংদৗং। 34নাথায় খাইছে মানসিফৗরা পৌলজৗং লৗগৗজাদৗং, আরৗ বিনি খৗথা খৗন্নানৈ খ্রীষ্টখৌ ফৗথায়দৗং। বিছৗরনি গেজেরাও দিয়নুষিয় মুংনি সাছে আরেয়পাগেনি সর্দস্য আরৗ বিজৗং লৗগৗছে দামারী মুংনি সাছে হিন্জাও আরৗ গুবুন গুবুন মানসিফ্রা দংমৗন।