Mech
2 থিষলনীকীয় 3
প্রার্থনানি থাখৈ খাওলাইনায়
জৗবথানায় খৗথা বেনৗ, ও বিদা-ফংবায় আরৗ বিবো-বিনানাওফৗর, নৗংছৗরৗ জৗংনি থাখৈ প্রার্থনা খৗলামদৗ জাহাথে, ফৗরবুনি বৗচৗননা জৗরৈ বাদি নৗংছৗরনিয়াও ছফৈদৗং, বিবাদিনৗ গৗখ্রৈনৗ গৗসারনায় আরৗ মহিমা গৗনাং জানায়।1 আরৗ প্রার্থনা খৗলাম, জৗঙৗ জাহাথে দুষ্টু আরৗ গাজ্রি মাওগ্রাফৗরনিফ্রায় রৈখা মৗনৗ, মানৗনা সাফ্রৗমনেবৗ যে ফৗথাইনায় দং বে অৗঙা। মানৗনা ফৗরবুআ ফৗথাইজাগ্রা, আরৗ বিনৗ নৗংছৗরখৌ বৗলৗ হৗনায় আরৗ গাজ্রিনিফ্রায় রক্ষা খৗলামনায়। আরৗ ফৗরবুনিয়াও জৗংহা ফৗথাইনায় দং যে, নৗংছৗরৗ জৗংনি হৗনায় গাছেন আদেশখৌ মাওগাছেন দং আরৗ বিবাদিনৗ মাওফ্লাইবায় থানায়। ফৗরবুআ নৗংছৗরনি গৗসৗফৗরখৌ ঈশ্বৗরনি অন্নায়নি লামাও আরৗ খ্রীষ্টনি সৈছৗনৗ হানায়নি লামাও দৈদেনথৗং।
আলসিয়াফৗরখৌ সাবধান খৗলামনায়
ও বিদা-ফংবায় আরৗ বিবো-বিনানাওফৗর, দা জৗঙৗ জৗংনি ফৗরবু যীশু খ্রীষ্টনি মুঙৈ নৗংছৗরখৌ বে আদেশখৌ হৗয়ৗ, জাই মানসিয়া আলসিয়া আরৗ জৗংনি ফৗরৗংনায়বাদি জীবন যাপন খৗলামা, নৗংছৗরৗ বিনিফ্রায় গৗজানাও থা। মানৗনা নৗংছৗর গাওছৗরনৗ মিথিগৌ, মা বাদি জৗংনি দিন্ঠিনায় লামাও থাবায় নাংগৌ। নৗংছৗরনি গেজেরাও থানায় সমাও জৗঙৗ মাব্লাবাবৗ আলসিয়া থায়াখৈমৗন।2 জৗঙৗ বাইয়ালাবা জেবৗ জাগ্রা মৗঙা নৗংছৗরনিফ্রায় জায়াখৈ। নৗংছৗরনি রাওনিবৗ ছায়াও বিবান গৗগ্লৈথৗং হৗন্নানৈ জৗঙৗ লুবৈয়াখৈ আরৗ বিনিখাইনৗ জৗঙৗ হর-সান হাজাছে কষ্টজৗং মাওখ্রুবদৗং। জৗংহা বে অধিকার মৗনব্লা হেফাজাবনি যে দাবি দং নাথায় জৗঙৗ মাওয়াখৈ, নৗংছৗরবৗ জৗংনি মাওনায়খৌ নুনানৈ ছৗলৗংনৗ হায়ৗ হৗন্নানৈছৗ জৗঙৗ বেবাদি মাওদৗং। মানৗনা জৗং জেব্লা নৗংছৗরজৗং দংমৗন, বি সমাও বে আদেশখৌ জৗঙৗ নৗংছৗরনৗ হৗয়ৗমৗন, “ছৗরবায়া খামানি মাওনৗ গৗসৗ জায়াব্লা, বিয়ৗ দাজাথৗংবৗ।”
জৗঙৗ খৗনানৗমৗনদৗং যে নৗংছৗরনি গেজেরাও খাইছেয়া দাবৗনৗ আলসিয়া জীবন-জাফন খৗলামদৗং। বিছৗরৗ জেবৗ খামানি মাওয়ালাবানৗ গুবুননি খামানিফৗরাও ছন্দেৎফাবাইয়ৗ। বেবাদি মানসিফৗরখৌ জৗঙৗ ফৗরবু যীশু খ্রীষ্টনি মুঙৈ আদেশ হৗয়ৗ আরৗ খাওলায়ৗ, বিছৗরৗ গুবুননি খামানিফৗরাও ছন্দেৎফায়ালাবানৗ, সিরি সিরি মাওয়ৈ দাংঙৈ গাও গাওনি নাংগৌখৌ খামায়থৗং। আরৗ নৗংছৗরৗ ও বিদা-ফংবায় আরৗ বিবো-বিনানাওফৗর, মৗজাং খামানি মাওনায়ফ্রাও মাব্লাবাবৗ দামেং3। লাইজামাও লিৎনায় জৗংনি বে বাথ্রাখৌ ছৗরবায়া মানিয়াব্লা, নৗংছৗরৗ নায়নানৈ লাখা, আরৗ বিজৗং সম্পর্ক দাদৗন, জাহাথে বিয়ৗ লাজিনাংনায় বাদি। বিখৌ বিসারু সানালাবানৗ, গাওনি বিদা-ফংবায় সান্নানৈ সাবধান খৗলাম।
জৗবনায়াও পৌলনি গৗজৗন্নায় লানায়
দা, জৗংনি শান্তিনি ফৗরবু গাওনৗ অরাই সম গাছেননাওবৗ নৗংছৗরনৗ শান্তি হৗথৗং, আরৗ ফৗরবুআ নৗংছৗরজৗং লৗগৗয়াও থাথৗং। আং, পৌল গাওনি আখাইজৗং নৗংছৗরনেও বে গৗজৗন্নায় লাহৎনায়নি লাইজামখৌ লিৎদৗং, আংনি গংফ্রৗমবৗ লাইজামাও বেনৗ চিহ্নয়া, বেবাদিনৗ আঙৗ লাইজামখৌ লিৎনৗ। জৗংনি ফৗরবু যীশু খ্রীষ্টনি অনুগ্রহয়া নৗংছৗর বয়জৗংবৗ লৗগৗয়াও থাথৗং।
Source notes (3)
- Cross-reference 1 থিষলনীকীয় 5:25; ইফিষীয় 6:19; কলসীয় 4:3
- Cross-reference 1 থিষলনীকীয় 2:1
- Cross-reference গালাতীয় 6:9
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.