Mech
1 তীমথিয় 1
আং পৌল, জৗংনি বাছাইগিরি ঈশ্বৗর আরৗ জৗংনি আশা-ভরসা যীশু খ্রীষ্টনি আদেশ বাদি, যীশুনি সাছে প্রেরিত। ফৗথাইনায়াও আংনি বিসাজ্লা গুবৈ তীমথিয়নৗ আঙৗ বে লাইজামখৌ লিৎহৎদৗং, বিফা ঈশ্বৗর আরৗ জৗংনি ফৗরবু যীশু খ্রীষ্টআ নৗংনৗ অনুগ্রহ, দয়া, আরৗ শান্তিখৌ হৗথৗং।
নংখাই ফৗরৗংগ্রাফৗরনিফ্রায় সাবধান জানৗ থৗন্নায়
ম্যাসিডোনিয়া হাদৎনাও থাংনায় সমাও আঙৗ নৗংখৌ জেরৈ বাদি খাওলাইদৗং মৗন, বিবাদিনৗ নৗঙৗ ইফিষ নৗগৗরাওনৗ থানানৈ খাইছে খাইছে মানসিফৗরখৌ আদেশ হৗদৗং, জাহাথে বিছৗরৗ নংখাই ফৗরৗংনাইফৗরখৌ দাফৗরৗংথৗং, আরৗ গৗডৗনি সলকফৗরখৌ আরৗ লিৎনানৈ হৗনায় বংশনি জৗবনায়গৈয়ি গৗলাও ফারিলাইফৗরখৌ খৗনাছংনাইয়াও গৗসৗ দাহৗহাবথৗং, মানৗনা বেফৗরৗ ঈশ্বৗরনি খামানিনি থাখৈ গৗনাং ফৗথাইনায়াও হেফাজাব হৗয়ামাৎনিন গাওজৗং গাও নাংজ্লাই-খমজ্লায়বান খৗলামহৗয়ৗ। বেখৌ মাওনৗ আদেশ হৗনায়নি উদ্দেশ্যয়া জাবায় অন্নায়খৌ জাখাংহৗনায়। বে অন্নায়য়া গৗজৗং গৗসৗ, মৗজাং বিবেক আরৗ গৗগৗমৈ ফৗথাইনায়নিফ্রায় অৗংখাৎবৗয়ৗ। ছৗরবা ছৗরবা মানসিফ্রা বেফৗরনিফ্রায় আন্দাইনানৈ অৗংথি গৈয়ি রাইজ্লায়নাইফৗরাওসৗ গৗডৗবায়। বিছৗরৗ ঈশ্বৗরনি আইননি ফৗরৗংগিরিফৗর জানৗ লুবৈয়ৗ, নাথায় বিছৗর যে বিষয়ৈ খৗথা বুঙৗ, এবা যে বিষয়ৈ বিছৗরৗ জোর হৗয়ৗ, বেখৌ বিছৗরৗ গাওছৗরনৗ মিথিয়া। জৗঙৗ মিথিগৌ, ছৗরবায়া আইনখৌ মৗজাঙৈ বাহাইয়ৗব্লা, আইননা মৗজাং।1 আরৗ জৗঙৗ বেখৌবৗ মিথিগৌ, ধার্মিকফৗরনি থাখৈ আইনখৌ দানায় জায়াখৈ নাথায় জাইফ্রা আইন ছিফায়গ্রা আরৗ বিগ্রাইয়ারি, অধার্মিক আরৗ পাপী, গৗথার অৗঙি আরৗ ধৗরৗম ফৗথাইয়ি, বিমা বিফাখৌ সিথাৎগ্রা, মানসি সিথাৎগ্রা, জিনাহারি খৗলামগ্রা, হৌয়াফ্রা হৌয়াফৗরজৗং জিনাহারি খৗলামগ্রা, গুলামনি থাখৈ মানসিনি ব্যাপার খৗলামগ্রা আরৗ ছৗলৈগ্রা, নংখাই জবান হৗগ্রা এবা নংগৌ ফৗরৗংনাইনি বিরুদ্ধনাও গুবুন জাইখিয়া জায়ামানৗ, বেফৗরবাদিনি থাখৈছৗ আইনখৌ দানায় জাদৗং। বে নংগৌ ফৗরৗংনাইয়া বৗরগৗনাং ঈশ্বৗরনি বি মহিমা গৗনাং মৗজাং খবরজৗং গৗরৗবজ্লাইয়ৗ, জাইখৌ বিয়ৗ আংনৗ গথায়নানৈ হৗবায়।
ঈশ্বৗরনি অননায়নি থাখৈ পৌলনি হামবায় হৗন্নায়
জাইয়া আংনৗ বৗলৗ হৗবায়, জৗংনি বি ফৗরবু যীশু খ্রীষ্টখৌ আঙৗ হামবায় হৗন্নৗ, মানৗনা বিয়ৗ আংখৌ ফৗথাই জাথাও সাননানৈ গাওনি খামানিনি থাখৈ ফছংবায়। গৗডৗ আঙৗ নিন্দিগ্রা, নাছয়গ্রা আরৗ নিষ্টুর মানসিমৗনব্লাবৗ, বিয়ৗ আংখৌ অনখাংদৗং মানৗনা আঙৗ মিথিয়ামাৎনিন আরৗ ফৗথাইয়িখায় বেফৗরখৌ মাওদৗং মৗন। ফৗরবুনি অনুগ্রহখৌ আঙৗ উছিফাওজাছে মৗনবায়, লৗগৗছেয়াও যীশু খ্রীষ্টনিয়াও দংনায় ফৗথাইনায় আরৗ অন্নায়খৌবৗ আঙৗ মৗনবায়। বে খৗথায়া ফৗথাই জাথাও আরৗ সাফ্রৗমবৗ বেখৌ নাজাওথারনাংনায় যে, “খ্রীষ্ট যীশুআ বে সংসারাও পাপীফৗরখৌ উদ্ধার খৗলামনৗ ফৈবায়,” আরৗ বেফৗরনি গেজেরাও আংনৗ গাজ্রিসিনমৗন। নাথায় বেনি থাখৈনৗ ঈশ্বৗরনি দয়াখৌ আঙৗ মৗনবায় জাহাথে, বেবাদি সাছে বয়নিখ্রুইবৗ পাপীসিন মানসিজৗং যীশু খ্রীষ্টনি অন্জিমা গৈয়ি সৈছৗনৗ হানায় বৗলৗখৌ নুজাহৗনৗ হানায়। আরৗ জাইফ্রা উনাও খ্রীষ্টখৌ ফৗথাইনায় আরৗ জৗবনৗ গৈয়ি গৗঠাংখৌ নাজাওনায়, বিছৗরনি সিগাঙাও জাহাথে বে মানসিআ উদাহরণস্বরূপ জানৗ হানায়। জৗংনি ঈশ্বৗরা অরাই সমনি রাজা, থৈরৗঙি, আরৗ মগনজৗং নুনৗ মৗননি সাছে বান ঈশ্বৗর, অরাইবৗ বিয়ৗ মান আরৗ মহিমা গৗনাং জাথৗং আমেন। ও আংনি বিসা তীমথিয়, নৗংনি বিষয়ৈ গৗবাং ভাববাণীফ্রা সিগাংনৗ রাইঠিখাদৗং আরৗ বে খৗথা বাদি আং নৗংখৌ আদেশ হৗয়ৗ, জাহাথে নৗঙৗ বে বাথ্রাখৌ গৗসৗয়াও লানানৈ মৗজাঙৈনৗ যুদ্ধ নাংনৗ হায়ৗ, মৗজাঙৈ ফৗথাইনায়াও আরৗ মৗজাং বিবেকখৌ গৗজৗং গৗসৗয়ৈ লাখিদৗ। খাইছে মানসিফ্রা গাও গাওনি মৗজাং সানখাংনায়খৌ এৎগারনায়খায় বিছৗরনি ফৗথাইনায়া নাও গৗডৗনায় বাদি গৗডৗলাংবায়। বিছৗরনি গেজেরাও হুমিনায় আরৗ আলেকসান্দর দং, জাইখৌ আঙৗ শয়তাননি আখায়াও গথাইবায়, জাহাথে বিছৗরৗ বেজৗংনৗ ঈশ্বৗরখৌ নিন্দিনায়খৌ নাগারনৗ ছৗলৗংনায়।
Source notes (1)
- Cross-reference রোমীয় 7:12
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.