Skip to content
BibleKenya

Mech

2 করিন্থীয় 8

খ্রীষ্টিয়ানফৗরনি হেফাজাব হৗজ্লাইনায়

আরৗ দা, বিদা-ফংবায়ফৗর আরৗ বিনানাওফৗর, ম্যাসিডোনিয়া মণ্ডলীফৗরনি ছায়াও ঈশ্বৗরনি অনুগ্রহনি মাওনায়খৌ জৗঙৗ নৗংছৗরনৗ মিথিহৗনৗ হাস্থায়ৗ। বিছৗরনাও আনজাদফৗর ছফৈনানৈ হাজাছে সৈনাংদৗং মৗনব্লাবৗ বিছৗরহা গেদেৎ রংজানায় দংমৗন, আরৗ বাংদ্রায় গরীব মৗনব্লাবৗ বিছৗরৗ রংজা বাজা দান হৗছৗগারদৗং মৗন। আঙৗ সাক্ষী হৗছৈ বিছৗরৗ গাওছৗরনি হানায় বৗলৗ বাদি দান হৗদৗং, আরৗ বিছৗরনি হৗনৗ হানায়নি ফ্রায়বৗ বাংসিন দান হৗদৗং আরৗ গাওছৗরনি গৗসৗজৗং। বিছৗরৗ অন্নায়নি থাখৈ জৗংখৌ গৗনাংথারৈ খাওলায়দৗং মৗন, ঈশ্বৗরনি মানসিফৗরজৗং হেফাজাবমাও ভাগৗ লানৗ হানায় বাদি। জৗঙৗ জেরৈ বাদি আশা খৗলামনানৈ সান্দৗং মৗন, বিনিখ্রুই বাংসিন বিছৗরৗ দান হৗদৗংমৗন, সিগাং বিছৗরৗ গাওজৗং গাও ফৗরবুনৗ আরৗ বিনি উনাও ঈশ্বৗরনি গৗসৗ বাদি মৗজাংনি থাখৈ জৗংনৗ গথাইদৗং। বিনিখাইনৗ জৗঙৗ তীতনা জেরৈ নৗংছৗরখৌ দান হৗনৗ অনুগ্রহনি হাবাখৌ মাওজেনবায়, বেবাদিনৗ বে দান হৗনায়, নৗংছৗরনি গেজেরাও মাওফুংনৗ জৗঙৗ বিখৌ খাওলাইদৗং। নৗংছৗরৗ গাছেনাওবৗ-ইছে ধৗনি, ফৗথাইনায়াও, খৗথা বুংনায়াও, মিথিনায়াও, হেফাজাব হৗজ্লাইনায়াও আরৗ জৗংখৌ অন্নায়াও-সাবসিন অন্নায়নি মাওনায়াওবৗ নৗংছৗরখৌ গৗসৗয়াও উৎসাহ জাজানৗ হাস্থায়ৗ। নৗংছৗর মাওনৗ নাংগৌ আরৗ নাঙিখৌ আং বুংনৗ থাঙা, নাথায় গুবুনফ্রা হেফাজাব হৗনায়াও বেছে গৗসৗ গুদুং, বেখৌ নৗংছৗরনৗ মিথিহৗনানৈ নৗংছৗরনি অন্নায়া বেছেবাং নংগুবৈগৌ বেখৌছৗ মিথিনৗ হাস্থাইদৗং। নৗংছৗরৗ জৗংনি ফৗরবু যীশু খ্রীষ্টনি অনুগ্রহ খৗলামনায়খৌ মিথিগৌ, বিয়ৗ ধৗনি, অব্লাবৗ গাওনি হাওরিয়া জানায়জৗং নৗংছৗরখৌ ধৗনি জাহৗনৗ থাখৈ গাওনৗ হাওরিয়া জাফৈবায়। আরৗ আংনি বিচারা বেনৗ, থাংনায় বৗছৗরাও নৗংছৗরৗ জেখৌ মাওজেন্দৗং, দা বেখৌ মাওফুংনায়া নৗংছৗরনি থাখৈ মৗজাংসিন। নৗংছৗর মাওনৗ থাখৈ বান অৗঙা, নাথায় মাওনৗ হাস্থাইনায়াও সিগাং মৗন। দা বে জৗবনায় খামানিখৌ মাওফুংদৗ, নৗংছৗরৗ জেরৈ মাওজ্লাইনায়খৌ লানানৈ বে খামানিখৌ মাওনৗ গৗসৗ জাদৗংমৗন, বে মাওজ্লাইনায়খৌ লানানৈনৗ নৗংছৗর হানায় বাদি মাওফুংদৗ। নৗংছৗরৗ হৗন্নৗ গৗসৗ জাব্লা, নৗংছৗরনি হানায় বাদি হৗনায়খৌনৗ ঈশ্বৗরা নাজাওয়ৗ, নৗংছৗরনি জেয়া গৈয়া বেবাদিয়ৈ অৗঙা। জৗংনি লুবৈনাইয়া বে অৗঙা যে, জেব্লা নৗংছৗরৗ গৗব্রাব ছাবমাও থানৗ আরৗ গুবুনফ্রা সুখয়াও থানৗ, নাথায় বয়বৗ সমাননৈ জাথৗং। নৗংছৗর গৈয়ি সমাও বিছৗরহা থায়ৗব্লা, বিছৗরৗ নৗংছৗরখৌ গৗবাং হেফাজাব হৗনায়, নাথায় নৗংছৗরৗ নৗংছৗরনি গৗবাং দংনায়নিফ্রায় বিছৗরখৌ বিছৗরনি নাংগৌয়াও হেফাজাব হৗনৗ হানায়। অব্লা বিহা সমান জানায়। শাস্ত্রয়াও লিৎনায় দং: “জাইয়া গৗবাং বুথুমদৗং বিছৗরহাবৗ বাংদ্রায় জায়াখৈ, আরৗ জাইয়া ইছে বান বুথুমদৗং বিছৗরহাবৗ থায়ি জায়াখৈ।”

তীত আরৗ বিনি লৗগৗফৗর

জৗঙৗ নৗংছৗরখৌ জেরৈ হেফাজাব হৗনৗ গৗসৗ বেবাদি তীতখৌ গৗসৗয়াও উৎসাহ হৗনায়খায় জৗঙৗ ঈশ্বৗরখৌ ধন্যবাদ হৗনৗ। জৗংনি খাওলাইনায়নি থাখৈ বান অৗঙা, তীতখৌ গাওনৗ বিরাঠনৗ গৗসৗ জানানৈ নৗংছৗরনিয়াও থাংনৗ ঠাম ঠিম জাদৗং। বিজৗং লৗগৗছে জৗঙৗ সাছে ফংবায়খৌ থৗনহৎফাবায়, বিয়ৗ ঈশ্বৗরনি মৗজাং খরব খৗথাবাইনায়াও মন্ডলীফৗরাও মান হৗজাগ্রা মানসি। বিনি অনগায়ৈবৗ জৗংজৗং লৗগৗছে দানখৌ যিরূশালেমাও লানানৈ থাংনৗ মন্ডলীয়ারিফ্রা বিখৌবৗ সাইখদৗং। ফৗরবুনি মহিমানি থাখৈ আরৗ গুবুনখৌ হেফাজাব হৗনায়াও গৗসৗ গুদুং বেখৌ দিন্ঠিনৗ জৗঙৗ বে অন্নায়খৌ লানানৈ থাংনৗ ঠাম ঠিম খৗলামবায়। বে দান সেবা হৗনায়াও রাওবৗ জৗংনি বিরুদ্ধ মৗংবৗ বুংনৗ হায়ি বাদি জৗঙৗ সাবধান জানাগৌ। জৗংনি ঠাংখিয়া ফৗরবুনি সিগাঙাও বান মাওনৗ বে অৗঙা, মানসিফৗরনি নুনায়াওবৗ জেয়া মৗজাং বিখৌ জৗঙৗ চিন্তা লাখিয়ৗ। বিনিখাইনৗ জৗঙৗ জৗংনি সাছে ফংবায়খৌবৗ থৗনহৎফাদৗং, জৗঙৗ বিখৌ গলে গলে আনজাদ লানানৈ মিথিবায়, বিয়ৗ জেব্লাইবৗ হেফাজাব হৗনায়াও গৗসৗগুদুংথার। আরৗ দা বিহা নৗংছৗরনি ছায়াও গৗগৗমৈ ফৗথাইনায় দং, আরৗ বিয়ৗ হেফাজাব হৗনায়াও রাসিন গৗসৗ গুদুং জাবায়। তীতনি খৗথা আং বুংনাগৌয়া বেনৗ, বিয়ৗ আংনি মাওঠি লৗগৗ আরৗ আংজৗং লৗগৗছে বিয়ৗ নৗংছৗরনি থাখৈ খামানি মাওয়ৗ; আরৗ বিজৗং থাংফানায় ফংবায়ফৗরনি খৗথা আং বুংনাংগৌয়া বেনৗ, বিছৗরৗ মন্ডলীয়ারিফৗরজৗং সাইখজানানৈ থৗনহৎজানায় মানসিফৗর, আরৗ বিছৗরৗ খ্রীষ্টনি মহিমানি থাখৈ মাওয়ৗ। বিনিখাইনৗ নৗংছৗরৗ বিছৗরনৗ নৗংছৗরনি অন্নায়খৌ দিন্ঠিদৗ, আরৗ কারননা নৗংছৗরখৌ জৗং বাখ্নাইনায়খৌ নংগৌমাৎনৗ হৗন্নানৈ মন্ডলীয়ারিফ্রা মিথিনায়।

Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.