Mech
2 করিন্থীয় 7
ও অনজ্লাইগ্রা লৗগৗফৗর, বে সমায় লানায়ফ্রা জৗংনি থাখৈনৗখায়, দে জৗঙৗ জৗংনি দেহা আরৗ জিউখৌ ফৗথারনি জেয়া মৗনফ্রৗমবৗনিফ্রায় গাজ্রি খৗলামৗ, আরৗ ঈশ্বৗরখৌ গিনায়জৗং গৗথার লামাজৗং আগান সুরনি
পৌলনি রংজানায়
নৗংছৗরনি গৗসৗফৗরাও জৗংনৗ জায়গা হৗ। জৗঙৗ রাওনিবৗ অন্যায় খৗলামাখৈ, রাওনিবৗ গাজ্রি খৗলামাখৈ, এবা রাওনিবৗ সুযোগ সেনান লায়াখৈ। নৗংছৗরখৌ দোষী খৗলামনৗ আঙৗ বেখৌ হৗন্নাখৈ; মানৗনা আঙৗ সিগাঙাও হৗনখাবায়, জৗঙৗ নৗংছৗরখৌ এছেবাং অন্নৗ, থৈনায় এবা ঠাংনায়, জৗঙৗ জিউয়াও নৗংছৗরজৗং লৗগৗছে ঠাংনায়। নৗংছৗরনি ছায়াও আংহা গেদেৎ ফৗথায়নায় দং; আরৗ নৗংছৗরখৌ লানানৈ আঙৗ গেদেৎ গৗগা খৗলামৗ। জৗংনি গাছেন সৈনাংনায়াওবৗ আংহা গৗহৗ দং; আরৗ আংনিয়াও রংজানায় উছিফাওগ্লাইবায়। জেব্লা জৗঙৗ মৗদৗমাও ম্যাসিডোনিয়াও ছফৈয়ৗ অব্লাবৗ জৗঙৗ জিরাইনৗ মৗনাখৈ, জেরাওবৗ সৈনাংনায়, বাইরাও নাংজ্লাই-খমজ্লাই আরৗ জৗংনি গৗসৗয়াও গিনায় দংমৗন। নাথায় গৗসৗ বাইনায় সমাও জাইয়া গৗজৗন হৗয়ৗ, বে ঈশ্বৗরা তীতনি ফৈনায়জৗং জৗংনৗ গৗজৗন হৗবায়। বিনি ফৈনায়জৗং বান, জৗঙৗ রংজাদৗং, বে অৗঙা, নৗংছৗর তীতনৗ গৗজৗন হৗনায়খৌ বিনিফ্রায় মিথিনায়জৗংবৗ জৗঙৗ খুশি জাবায়। নৗংছৗরৗ আংখৌ নাইনৗ হাস্থাইনায়া, আংনি থাখৈ দুঃখু জানায়, আরৗ আংনি জানানৈ গছংনৗ ঠাম ঠিম জানায়খৌ বিয়ৗ জৗংনৗ খৗথাদৗং, আরৗ বেফৗরখৌ মিথিনানৈ আঙৗ রংজাসিনদৗং। অব্লাবৗ আংনি সিগাংনি লিৎনায় লাইজামাও নৗংছৗরৗ দুঃখু মৗন্দৗং মৗনব্লাবৗ, আং লিৎনায় লাইজামনি থাখৈ আংহা দুঃখু গৈয়া। আংনি লিৎনায় লাইজামা দান্দৈছেনি থাখৈ বানব্লাবৗ নৗংছৗরখৌ দুঃখ হৗনায়, বেখৌ মিথিনানৈ আং দুঃখ মৗননাংগৌমৗন, নাথায় দা আঙৗ খুশি, নৗংছৗরৗ দুঃখু মৗন্দৗং, বেনি থাখৈ অৗঙা, নাথায় নৗংছৗরৗ দুঃখু মৗন্নানৈ পাপনিফ্রায় গৗসৗ ফিনফিনায়খায় আঙৗ রংজায়ৗ। নৗংছৗরখৌ ফিনহৗনৗ ঈশ্বৗরা বেখৌ বাহায়দৗং, বিনিখাইনৗ জৗং নৗংছৗরনি মৗংবৗ গাজ্রি মাওয়াখৈ। মানৗনা ঈশ্বৗরনিফ্রায় ছফৈনায় দুঃখুয়া গৗসৗ ফিনফিনহৗয়ৗ, আরৗ বিনি বাছাইনাইয়াও দৈদেনলাঙৗ, আরৗ জেবৗ দুঃখু দৗনলাঙাখৈ নাথায় সংসারনি দুঃখুয়া থৈনায়খৌ লাবৗয়ৗ। নাইদৗ, বে ঈশ্বৗরনি দুঃখু দাহা নৗংছৗরনিয়াও মা জাখাংহৗবায়, মা গৗসৗ গৗনাং, গাওখৌ ফুসোব খৗলামনৗ মা উসাও বাদাও, মা রাগ জানায়, মা খৈফৗদ ইসারা, মা জৗবৗদ গৗসৗ জানায়, মা সান্নায়, মা ন্যায় খৗলামনায়খৌ নাইনৗ থিয়ারি জানায়। গাছেননাও নৗংছৗরৗ গাও গাওখৌ দায় গৈয়ি বাদি হৗন্নানৈ বে বিষয়াও প্রমাণ হৗবায়। আঙৗ বে লাইজামখৌ লিৎদৗং মৗনব্লাবৗ, জাইয়া অন্যায় মাওদৗং এবা জাইয়া অন্যায় মাওজাদৗং, বিনি থাখৈ লিৎনাখৈ। নাথায় ঈশ্বৗরনি সিগাঙাও নৗংছৗরনে জৗংখৌ অন্নায়া বেছে গৗথৌ, বেখৌ নৗংছৗরনৗ মিথিহৗনৗছৗ, আঙৗ বে লাইজামখৌ লিৎদৗংমৗন। মানৗনা বেনি থাখৈ জৗংনি গৗসৗফ্রা উৎসাহজাদৗং। জৗংনি গৗসৗফ্রা উৎসাহ বে বান অৗঙা গৗসৗ খুশি জানায়জৗং লৗগৗছে তীতনি রংজানায়খৌ নুনানৈ জৗংবৗ রংজাবায়, মানৗনা বিনি জিউখৌ নৗংছৗর বয়বৗ হেফাজাব হৗনানৈ রংজাহৗবায়। আঙৗ বিনি সিগাঙাও নৗংছৗরনি খৗথা বুংনানৈ ডুগা খৗলামদৗং মৗন, আরৗ নৗংছৗরৗ আংখৌ লাজি ফৗনাঙাখৗছৈ। জৗঙৗ জেব্লাইবৗ নৗংছৗরনৗ নংগৌখৌ বুংবৗবায়, আরৗ বেবাদিনৗ নৗংছৗরনি খৗথা তীতনি সিগাঙাও জৗংনি বুংনায়া নংগৌ প্রামাণ জাবায়। নৗংছৗরৗ বয়বৗ ফৗরৗংনায়ফৗরখৌ লানায় আরৗ মান হৗনায়, বিনি হামজানায়া নৗংছৗরখৌ বে জেব্লা বিয়ৗ গাছেন গেদেৎ গুনখৌ গৗসৗখাঙৗ, আরৗ মাব্রৈ নৗংছৗরৗ বিখৌ গিনায়জৗং আরৗ মাওগ্লুনায়জৗং নাজাওদৗং। গাছেন খৗথায়াও আঙৗ নৗংছৗরনি ছায়াও ফুরা ভরসা খৗলামনৗ হানায়খৌ রংজায়ৗ।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.