Mech
2 করিন্থীয় 6
ঈশ্বৗরনি মাওগ্রাফৗর জানায়খায় জৗঙৗ নৗংছৗরখৌ খাওলায়ৗ, নৗংছৗরৗ জাইফ্রা ঈশ্বৗরনি অনুগ্রহখৌ মৗনবায় বেখৌ বৃথা দাখৗলাম। ঈশ্বৗরা মা বুংদৗং খৗনাছং, “জেব্লা নৗংছৗরখৌ নাজাওনায় সমা ছফৈদৗং, অব্লা আঙৗ নৗংখৌ খৗনাছংদৗং, জেব্লা বাছাইনায় সমা ছফৈদৗং, অব্লা আঙৗ নৗংখৌ হেফাজাব হৗদৗং।” খৗনাছং, ঈশ্বৗরনি নাজাওনায় সময়া বেনৗ, দিনৈনৗ বাছাইজানায়নি দিন জৗঙৗ রাওনিবৗ লামায়াও ছৌখঠুহৗয়া, জাহাথে জৗংনি মাওনাইয়াও রাওনিবৗ লামায়াও হেংঠা জায়ি বাদি। ববেখানি, জৗংনি গাছেন মাওনায়ফ্রা নিন্দিজানায়াও: নিদানাও, আরৗ গৗব্রাবথার সমাও সৈছৗনায়জৗং গাওখৌ গাও ঈশ্বৗরনি দাসফৗর হৗন্নানৈ নুজাহৗবায়; জৗঙৗ বুজাবায়, জৗবথেসালিয়াও জৗবজাবায় আরৗ হানজাফৗরজৗং নাছয়জাবায়; হাজাছে মাওখ্রুববায়, উন্ডুয়ালাবা আরৗ জায়া-লৗঙা থানাংবায়; জৗংনি গৗগৗ গৗসৗজৗং, মিথিনায়জৗং সৈছৗনায়জৗং, অন্নায়জৗং, গৗথার জিউজৗং, নংথারগৌয়ৈ অন্নায়জৗং; নংগৌ খৗথাজৗং আরৗ ঈশ্বৗরনি বৗলৗজৗং জৗঙৗ গাওখৌ গাও ঈশ্বৗরনি দাসফৗর দিন্ঠিবায়। ধৗরৗমিয়া জৗংনি গাছেননাওবৗ রৈখাথি। মানসিফ্রা জৗংখৌ মৗজাংবৗ, আরৗ নিন্দিয়ৗবৗ, গাজ্রি মিথিহৗয়ৗ আরৗ মৗজাং মিথিহৗয়ৗ, জৗং ছৗলৈগ্রা হৗন্নানৈ সানজাব্লাবৗ আরৗ জৗঙৗ নংথারগৌখৌ বুঙৗ; জৗঙৗ মানসিফৗরজৗং মিথিজায়ি বাদিব্লাবৗ বয়বৗ জৗংখৌ মিথিগৌ; জৗঙৗ থৈনায় বাদি, নাথায় গৗঠাঙৈ থায়ৗ; আরৗ জৗঙৗ সাজা মৗন্দৗংব্লাবৗ সিথাৎজায়াখৈ; জৗঙৗ দুঃখু হৗজাব্লাবৗ, জেব্লাইবৗ রংজায়ৗ; জৗঙৗ হাওরিয়া নুজাব্লাবৗ গৗবাংখৌ আত্মিক ধনি খৗলামৗ; জৗঙৗ জেবৗ গৈজায়ি নুজাব্লাবৗ, জৗংহা গাছেনবৗ দং। ও খ্রীষ্টখৌ ফৗথাইগ্রা, করিন্থীয়ফৗর, আরৗ নৗংছৗরনি সিগাঙাও দৗনখৗমায়ামাৎনিন বুংদৗং; জৗঙৗ জৗংনি গুয়ার গৗসৗফৗরখৌ নৗংছৗরনি সিগাঙাও বেখেওবায়। নৗংছৗরনি থাখৈ জৗঙৗ জৗংনি গৗসৗফৗরখৌ ফাংথেয়াখৈ, নাথায় নৗংছৗর গাও গাওনি গৗসৗখৌ জৗংনি ঠিঙৈ ফাংথেনানৈ দৗনদৗং। নৗংছৗরখৌ আঙৗ গাওনি বিসাফৗরখৌ বুংনায় বাদি বুঙৗ-নৗংছৗরনি গুয়ার গৗসৗখৌ খেওদৗং।
সংসারফৗরনি মাওনায়াও দাহাবফা
নৗংছৗরৗ খ্রীষ্টখৌ ফৗথাইয়িফৗরজৗং লৗগৗছে যুক্ত দাজা। মাব্রৈ ধৗরৗমসুলায়া দুষ্টফৗরজৗং ভাগৗ লাজ্লাইনৗ হাগৌ? এবা স্রাঙা খৗমসিজৗং মা সহভাগিতা দং? খ্রীষ্টআ মাব্রৈ শয়তানজৗং গৗরৗবজ্লাইনৗ হাগৌ? এবা ফৗথাইগ্রাহা ফৗথাইয়িফৗরজৗং মা ভাগৗ দং? ঈশ্বৗরনি মন্দিরাও মূর্তিফ্রা থাফানৗ হায়া। মানৗনা জৗঙৗ গৗঠাং ঈশ্বৗরনি মন্দির। ঈশ্বৗরা গাওনৗ বেবাদি হৗন্দৗং, “আংনি ন্ব'খৌ আঙৗ আংনি মানসিফৗরনৗ খৗলামনায়; আঙৗ বিছৗরজৗং থাবাইনায়, আঙৗ বিছৗরনি ঈশ্বৗর জানায়, আরৗ বিছৗরৗ আংনি মানসিফৗর জানায়।” বিনিখাইনৗ ফৗরবুআ হৗন্দৗং, “নৗংছৗর বিছৗরখৌ নাগারথার নাংনায়, আরৗ বিছৗরনিফ্রায় গৗজান জানাংনায়। গাজ্রিফৗরজৗং দাদাংফা, আঙৗ নৗংছৗরখৌ নাজাওনায়।” “আঙৗ নৗংছৗরনি বিফা জানায়, আরৗ নৗংছৗরৗ আংনি বিসাজ্লা আরৗ বিসাজৗফৗর জানায়, বৗলৗগ্রাসিনথার ফৗরবুআ বুংদৗং।”
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.