Mech
1 করিন্থীয় 5
মন্ডলীয়াও গাজ্রি মাওনায়
নংগুবৈগৌয়ৈ খৗনাদৗং যে নৗংছৗরনি গেজেরাও জিনাহারি মাওগ্রাফৗর দং, বেবাদিয়া গুবুনহারিনিয়াওবৗ গৈবাওয়া। 1এমন কি নৗংছৗরনি গেজেরাও ছৗরবা সাছে মানসিয়া বিমা বাটুলখৌনৗ গাওনি হিন্জাও বাদি খৗলামনান লাবায়। আরৗ নৗংছৗরৗ বিরাঠ ডুগা, ডুগা খৗলামালাবানৗ নৗংছৗরৗ দুঃখ খৗলাম নাঙা না? নাথায় জাইয়া বেফৗরবাদি মাওদৗং, বিখৌ নৗংছৗরনি সহভাগিতানিফ্রায় বাইরাও দৗন্নৗ নাংগৌ। দেহায়াও আং নৗংছৗরনাও গৈয়াব্লাবৗ, আংনি জিউয়া নৗংছৗরজৗং লৗগৗছে দং। জাই ব্যক্তিয়া বেবাদি খামানিখৌ মাওবায়, নৗংছৗরজৗং লৗগৗছে দংবাদি জানানৈ আঙৗ বিখৌ বিচার খৗলামখাবায়। জেব্লা নৗংছৗরৗ জৗংনি ফৗরবু যীশুনি নামৈ জ' জায়ৗ, অব্লা আংবৗ জিউয়াও নৗংছৗরজৗং লৗগৗছে থায়ৗ, আরৗ জৗংনি ফৗরবু যীশুনি বৗলৗয়া জৗংজৗং লৗগৗছে থায়ৗ, বে সমাও বি মানসিখৌ শয়তাননৗ গথাইদৗ, বিনি মৗদৗমা সংহার জানায়নি থাখৈ, অব্লাছৗ ফৗরবুনি ফৈনায় দিনাও বিনি জিউয়া বাছাইজানৗ হানায়।
নৗংছৗরনি ডুগা জানায়া মৗজাং অৗঙা। নৗংছৗরৗ বে খৗথাখৌ মিথিয়া, ইছে খামিরা গাছেন মৈদানি গুটিখৌ বুগাহৗয়ৗ2। নৗংছৗরনি গেজেরনিফ্রায় পাপনি গৗজাম খামিরখৌ বৗখাৎগার, যেন নৗংছৗরৗ মৗনছে গৗদান খামির হৗয়ৈ নাজানায় মৈদা গুটি জানায় বাদি, আং মিথিগৌ, নৗংছৗরৗ থারৈনৗ বিনৗখা। মানৗনা খ্রীষ্ট, জৗংনি ফাসকানি মেন্ডা বিসায়া বলি হৗজাবায়। বিনিখাইনৗ পাপ কিন্বা হিংসা গৗজাম খামিরনি সিঠাওজৗং অৗঙা, নাথায় খামির গৈয়ি গৗগৗয়ৈ আরৗ নংথারগৌ সিঠাওজৗং জৗঙৗ জৗংনি ফাসকা ফরবখৌ ফালিনৗ। 3
আঙৗ আংনি লাইজামাও নৗংছৗরনি থাখৈ লিৎহৎদৗং যে জিনাহারি খৗলামগ্রা মানসিফৗরজৗং লৗগৗ দাজা। বে সংসারনি জাই মানসিফ্রা অধৗরৗম, লুবৈসুলা, ঠগায়গ্রা আরৗ মূর্তি পুজিগ্রাফৗরনি খৗথা আঙৗ বুঙাখৈ, বেবাদিব্লা নৗংছৗরৗ সংসারনিফ্রায় ঠাল্লায়ৈ নাগারনৗ গৗনাং জাগৌ মৗন। নাথায় দা আংনি লিৎনায়নি ঠাংখিয়া বেনৗ, ছৗরবায়া গাওখৌ বিশ্বাসি হৗন্নান দাবি খৗলামনানৈ অধৗরৗম এবা লুবৈসুলা, আরৗ মূর্তিপুজিগ্রা এবা নিন্দিগ্রা, এবা ফৈগ্লুংগ্রা এবা ঠগায়গ্রা, জায়ৗব্লা বিজৗং লৗগৗ দালা। বেবাদি মানসিজৗং নৗংছৗরৗ দাজাফাবৗ।
মন্ডলীনি বাইরাও থানায় মানসিফৗরখৌ বিচার খৗলামনৗ আঙৗ ছৗর? নাথায় নৗংছৗরৗ মন্ডলীয়াও দংনায়ফৗরখৌ বিচার খৗলামনৗ নাঙা না? নাথায় বাইরানি মানসিফৗরখৌ ঈশ্বৗরা বিচার খৗলামনায়। নৗংছৗরৗ নৗংছৗরনি গেজেরনি ফ্রায় গাজ্রি মানসিখৌ 4হোয়নহৎ।
Source notes (4)
- Cross-reference হূদা বিজাব 22:30
- Cross-reference গালাতীয় 5:9
- Cross-reference হূদা বিজাব 16:3
- Cross-reference হূদা বিজাব 13:5; 17:7
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.