Mech
1 করিন্থীয় 6
খ্রীষ্টিয়ানফৗরনি গেজেরাও মামব্লা মকর্দমা
নৗংছৗরনি গেজেরাও ছৗরনিবা গাওনি খ্রীষ্টিয়ান বিদা-ফংবায়নি গেজেরাও নাংজ্লাইনায়1 দংব্লা, নৗংছৗরনে মা অধিকার দং, বেখৌ ঈশ্বৗরনি মানসিফৗরনি সিগাঙাও থাঙালাবানৗ সংসারনি মানসিফৗরনিয়াও বিচারনি থাখৈ লাংনৗ? এবা নৗংছৗরৗ মিথিয়া নামা যে ঈশ্বৗরনি মানসিফৗরা সংসারখৌ বিচার খৗলামনায়? আরৗ সংসারা নৗংছৗরজৗং বিচার খৗলামজায়ৗব্লা, নৗংছৗরৗ নেহাদ খৗথাফৗরখৌ বিচার খৗলামনৗ হায়া নামা? জৗং আরফ'ফৗরখৌনৗ বিচার খৗলামনায় হৗন্নানৈ নৗংছৗরৗ মিথিয়া নামা? বেবাদিব্লা বে সংসারনি নাংজ্লাইনাইয়া বেছেগ্রাব বাংসিন। বিনিখাই, নৗংছৗরনি গেজেরাও নাংজ্লাইনায় দংব্লা, জাইফ্রা মন্ডলীনি মানসিফৗরজৗং মান হৗজায়া, বিছৗরখৌ নৗংছৗরৗ বিচারগিরি ফছংনায় নামা? আং বুঙৗ, নৗংছৗরৗ লাজিনৗ নাংগৌ। বে খ্রীষ্টিয়ান বিদা-ফংবায়ফৗরনি গেজেরাও নাংজ্লাইনায়খৌ গৗরৗবজ্লাইহৗনৗ হানায় বিহা সাছেবৗ জাথাওগৌ জ্ঞানী মানসি গৈয়া নামা? নাথায় বদলৈ, সাছে খ্রীষ্টিয়ানা গুবুন সাছে খ্রীষ্টিয়ান বিদা-ফংবায়নি বিরুদ্ধনৈ আদালতনাও বিচারাও গছং হৗয়ৗ, আরৗ অবিশ্বাসীফৗরনি সিগাঙাও দোষী খৗলামৗ।
নৗংছৗরনি সাছেয়া সাছেনি বিরুদ্ধনাও আদালতনাও বিচার খৗলামনাইয়ানৗ নৗংছৗরনি ফুরা জেন্নায়খৌ দিন্ঠিয়ৗ, গৗরৗন্ঠি জানায়ানৗ গাহামসিন অৗঙা না? আরৗ ঠগায়জানায়ানৗ গাহামসিন অৗঙা না? নাথায়, নৗংছৗর গাওছৗরনৗ গাওজৗং গৗরৗন্থি খৗলামজ্লাইয়ৗ আরৗ ঠগায়ৗ, বেবাদিনৗ গাওনি বিদা-ফংবায় আরৗ বিবো বিনানাওফৗরখৌনৗ খৗলামৗ। এবা নৗংছৗরৗ মিথিয়া নামা যে গৗরৗন্থি মাওগ্রাফ্রা ঈশ্বৗরনি রাইজৗখৌ মৗন্নায় অৗঙা? নৗংছৗরৗ দাঠগায়জা, এবা হিন্জাওফৗরনি সমন্দৈ লাইহৗয়ৈ এবা মূর্তিফৗরখৌ খুলুমগ্রাফৗর এবা জিনাহারি খৗলামগ্রাফৗর এবা হৌয়াফৗরজৗং হৌয়া জিনাহারি খৗলামজ্লাইগ্রাফৗর, এবা সিখাওফৗর এবা লুবৈসুলাফৗর এবা ফেগ্লুংগ্রাফৗর এবা নিন্দিগ্রাফৗর এবা ঠগায়গ্রাফৗর, বিছৗরৗ রাওবৗ ঈশ্বৗরনি রাইজৗয়াও হাবনৗ মৗন্নায় অৗঙা। নৗংছৗরনি ছৗরবা ছৗরবায়া বেবাদিনৗ মৗন, নাথায় নৗংছৗরৗ পাপনিফ্রায় ছুস্রাংজাবায়; নৗংছৗরৗ ফৗথারজাবায়, নৗংছৗরৗ ফৗরবু যীশু খ্রীষ্টনি নামৈ আরৗ জৗংনি ঈশ্বৗরনি জিউজৗং ধার্মিক সান্জাবায়
দেহায়া ঈশ্বৗরনি মহিমানি থাখৈ
খাইছে বুংনায়, “আঙৗ গৗসৗ বাদি গাছেনখৌবৗ মাওনৗ হাগৌ” নংগৌ, নাথায় গাছেনবৗ মুলাম্ফা বে অৗঙা। “আঙৗ গৗসৗ বাদি গাছেনখৌবৗ মাওনৗ হাগৌ” নাথায় আং জেখৌ মাওব্লা গলাম জানায়, বেখৌ আং 2মাওয়া। নৗংছৗরৗ বুঙৗ, “জানায়া উদৈনি থাখৈ, আরৗ উদৈয়া জানায়নি থাখৈ, নাথায় ঈশ্বৗরা মৗন্নৈখৌবৗ সানছে ফৗজৗবস্রাংনায়।” দেহায়া অধৗরৗম জিনাহারিনি থাখৈ অৗঙা, নাথায় ফৗরবুখৌ সিবিনৗ থাখৈছৗ; আরৗ ফৗরবুআ মৗদৗমনি নাংগৌখৌ হৗয়ৗ। ঈশ্বৗরা গাওনি বৗলৗজৗং ফৗরবুখৌ থৈনায়নিফ্রায় ঠাংখাংফিনহৗবায়, আরৗ জৗংখৌবৗ বিয়ৗ গাওনি বৗলৗজৗং ঠাংখাংফিনহৗনায়। নৗংছৗরনি দেহায়া খ্রীষ্টনি মৗদৗমনি অঙ্গ হৗন্নানৈ নৗংছৗরৗ মিথিয়া না? অব্লা মা আঙৗ খ্রীষ্টনি দেহানি অঙ্গ জানানৈ নৗংছৗরনি মৗদৗমনি মৗনছে বাহাগৗ জাফানৗ? বে মাব্লাবাবৗ জানৗ হাথারা! নৗংছৗরৗ মিথিয়া না, যে মানসিয়া জিনাহারিয়াও যুক্ত জায়ৗ, বিয়ৗ বিজৗং মৗনছে মৗদৗম জায়ৗ? শাস্ত্রয়া হৗন্নৗ,3 “মৗন্নৈ দেহায়া মৗনছে জায়ৗ।” নাথায় জাইফ্রা ফৗরবুজৗং যুক্ত জায়ৗ, বিয়ৗ বিজৗং জিউয়াও মৗনছে জায়ৗ।
নৗংছৗরৗ জিনাহারিনিফ্রায় গৗজান খাৎ। মানসিনি গুবুন পাপ মানিয়া দেহায়াও নাংদেৎনা, নাথায় জাইফ্রা জিনাহারি খৗলামৗ, বিছৗরৗ গাওছৗরনি মৗদৗমনি বিরুদ্ধনাও পাপ খৗলামৗ। নৗংছৗরৗ মা কি মিথিয়া যে, নৗংছৗরনি দেহায়া গৗথার জিউনি মন্দির, জাইয়া নৗংছৗরনি গৗসৗয়াও থায়ৗ, জাইখৌ নৗঙৗ ঈশ্বৗরনিফ্রায় মৗনবায়? নৗঙৗ গাওনি 4অৗঙা। বিয়ৗ নৗংছৗরখৌ দাম হৗনানৈ বায়বায়। বিনিখাইনৗ নৗংছৗরৗ গাও গাওনি মৗদৗমফৗরখৌ ঈশ্বৗরনি মহিমানি থাখৈ বাহায়।
Source notes (4)
- Footnote অভিযোগ দংব্লা
- Cross-reference 1 করিন্থীয় 10:23
- Cross-reference জাগাইজেন্নায় 2:24
- Cross-reference 1 করিন্থীয় 3:16; 2 করিন্থীয় 6:16
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.