Sarmur 10

Nuh romawa ma kpu vyesi

1Ine irya Nuh romawa vyesi, sisoine Sem, Yafet ma Ham. Posa ro favruvya skokapar romawa snonsya.

2Yafet romawa vyesi sisoine Gomer, Magog, Madai, Yawan, Tubal, Mesekh ma Tiras. 3Gomer romawa vyesi sisoine Askenas, Rifat ma Togarma. 4Yawan kpu vyesya sisoine Elisa, Tarsis, kawasa Kitim ma kawasa Dodanim. 5Sinido up ro er vebor vekain ro swan andir ma myosna.

Irya Yafet kpu vyesi. Kawasa vebor ansine skain ro sup mnuk sena oser-oser, ma kuker wos sena vesisye er sena vesisye.

6Ham romawa vyesi sisoine Kus, Misraim, Put ma Kanaan. 7Kus kpu vyesi sisoine Seba, Hawila, Sabta, Raema ma Sabtekha. Romawa Raema vye suiso Syeba ma Dedan. 8Kus ikapar romawa snonya snoriso Nimrod iso eve snon mambri randak ro supswan ine. 9Ikako snon vesamnaf eve snonsnon snar famfnovek ro Manseren Allah I. Evedar isof ras ine snonkakusya sikofen vo sove, “Ivye kada Manseren Allah ifrur au fa be mambri wamnisra Nimrod i” 10Vave sasoser vyedi vyeraki ro Babel, Erekh, ma Akad, kota skoinekam ro Babilonia. 11Ro diya ryave Asyur, insape vyawes kota Niniwe, Rehobot-Ir, Kalah, 12ma Resen vekain ro swaf Niniwe ma Kalah. Nanekam kota veba nairya.

13Misraim ikapar kawasa Ludim, kawasa Anamim, kawasa Lehabim, kawasa Naftuhim, 14Patrusim, Kasluhim, ma Kaftorim. Er Kasluhim sine sirya up ro er Filistin.

15Kanaan romawa vyesi, romawa rakya isoine Sidon, ma Het. 16Kanaan ikako up ro er Yebusi, Amori, Girgasi, 17snonkaku Hewisya, Arki, Sini, 18Arwadi, Semari ma Hamati. Er vebor Kanaan vyansine skakek vinkwan kaku, 19isof sup skain roya imkei kaku, wasya ryo Sidon ve var wamires vesoyov Gerar, isof fanam Gasa, ma ve var wamurem vesoyov Gomora, Adma, ma Seboim, isof fanam Lasa.

20Sirya Ham kpu vyesi. Er vebor ansine skain ro sup fyor sena kuker wos sena vesisye.

21Sem i, Yafet eba vyedi, irya up ro er Ibrani. 22Sem romawa vyesi sisoine Elam, Asyur, Arpakhsad, Lud ma Aram. 23Aram kpu vyesya sisoine Us, Hul, Geter ma Mas. 24Arpakhsad ikapar Sela. Ma Sela ikapar Eber. 25Eber ikapar romawa snon di suru; veponya snori Peleg,1 snar ro fafisu anya Allah kyakek snonkakusya fa sfamakmok ro supswan ine bori; eve suruya snoriso Yoktan. 26Yoktan kpu vyesya sisoine kawasa vekain ro Almodad, Selef, Hasar-Mawet ma Yerah, 27Hadoram, Usal, Dikla, 28Obal, Abimael, Syeba, 29Ofir, Hawila ma Yobab. Sinekam sirya Yoktan kpu vyesi. 30Sup skain roya iryer ma ikei ro Mesa ve Sefar, isoine bonvepampyam ro var wamurem.

31Sine sirya Sem romawa ma kpu vyesi raris wos sena, sup sena ma Er vebor ansine skain ro sup fyor sena kuker wos sena vesisye. 32Sinekam sirya romawa ma kpu vebor Nuh vyesi, syos ve syos. Siso vekapar pampyam er vebor ro supswan ine fafisu favruvya isyonde.