जकरयाह 7

झूठ उपास कर बुराई

1फेर दारा राजा के चउथा साल के किसलेव1 नाम नउमा महिना के चउथा रोज के यहोबा कर बचन जकरयाह के लिघ्घो पहुंचिस। 2बेतेल कर रहइया सरेसेर अउ रेगे-म्मेलेक के इहैनिता पठोय रथै, कि यहोबा लग बिनती करै, 3अउ सिपाही के यहोबा के मंदिर के पुजारी अउ आगू कर बात गुठेमैबाले लग हइ पूछथै, “का हमके उपास करके रोमै के चाही, जसना कि केतका साल लग हम पचमा महिनो करत आय हबै?” 4तब सिपाही के यहोबा कर हइ बचन मोर लिघ्घो पहुंचिस, 5“सगलू साधारन मनसे लग अउ पुजारिन लग कथै, कि जब तुम हइ सत्तर साल के बीच पचमा अउ सतमा महिना हे उपास अउ सोक करथै, ता का तुम सहिमा मोर निता करथै? 6जब तुम खथा पीथा, ता का तुम अपन निता नेहको खात रथै, अउ का अपन निता नेहको पियत रथै? 7का हइ ऊ बचन नेहको हबै, जउन यहोबा पहिले कर टेम हे आगू कर बात गुठेमै बाले कर दवारा ऊ टेम गोहराय के कहत रहै, जब यरुसलेम अपन चउगिरदा पल्ला के सहरन के जसना सम्पन्न अउ सांति लग बसे रथै, अउ दक्खिन देस अउ तरी के देस हे बसे हर रथै?”

आदेस के उल्‍लं-घन के कारन गुलामी हे जाना

8फेर यहोबा कर हइ बचन जकर-याह के लिघ्घो पहुंचथै, 9“सेनाओ के यहोबा हइ कथै, सच्चाई लग नियाव चुकाबे, अउ अक दूसर भाई के संग माया अउ दया लग काम करिहा,2 10बिधवा, अनाथ, परदेसी अउ गरीब हे अतियाचार झइ कर। तुम्हर मसे कउनो मनसे अपन भाई-बन्‍धु के परति अपन हिरदय हे बुराई कर सोंच भी झइ करै।” 11पय उन मन लगामै नेहको चाहथै, अउ जिद करिन, अउ अपन कानन के बन्द कर लइन, ताकि सुन झइ सकै।3 12पय उन अपन हिरदय के इहैनिता पथरा-जसना बनाय लइन, कि उन नियम अउ उनखर बचन के झइ मान सकै, जिनही सिपाही के यहोबा अपन आतमा के दवारा पुरान के आगू कर बात गुठेमैबाले लग संदेस पठोय रथै। हइ कारन सिपाही के यहोबा के पल्ला लग उनखर हे बोहत गुस्सा भडकिस। 13सिपाही के यहोबा कर इहै बचन हबै, “जसना मोर गोहराय हे उन नेहको सुनै, ओसनेन उनखर गोहराय हे मै नेहको सुनहुं, 14पय मै उनही उन सगलू राज के बीच जिनही उन नेहको जानथै, बडेरा के दवारा तितिर-बितिर करिहों, अउ उनखर देस उनखर पाछु असना उजाड पडे रही, कि ओहमा कउनोन के आमै जायके नेहको होही, इहैमेर लग उन खुसहाल देस के उजाड दइन।” 4