जकरयाह 13

1“ऊ टेम दाऊद के घराना अउ यरुसलेम के निवासिन के निता पाप अउ असुध्द धोमै के निता अक्ठी बहत झिरना फुटही।” 2“सिपाही के यहोबा कर हइ बचन हबै, कि ऊ टेम मै हइ देस मसे मूरतिन के नाम मिटोय देहुं, अउ उन फेरै सुरता हे नेहको रही, अउ मै अक्किल बालेन अउ असुध्द आतमा के हइ देस मसे निकार देहूं। 3अउ अगर कउनो फेर आगू कर बात करथै, ता ओखर दाय-बाफ जेखर ऊ पइदा होथै, ओखर लग कइहिन, तै जिन्दा नेहको बचिहे, काखे तै यहोबा के नाम लग झूठ कहे हबस, इहैनिता जब ऊ आगू कर बात करबे, तब ओखर दाय-बाफ जेखर ऊ पइदा हुइस उके मार डारिहें। 4ऊ टेम हर अक्ठी अक्किल बाले आगू कर बात करत हर अपन-अपन दरसन लग लज्जित होहीं, अउ धोखा देय के निता घांघरा के कपडा झइ पहिनहिन, 5पय ऊ कही मै अक्किल बाले नेहको, पय किसान हव, काखे लडक-पन लग मै खेतवा कर काम करत आय हव। 6तब ओखर लग पूछे जही, तोर छाती हे हइ खत्ता कसना हुइस, तब ऊ कही, हइ उहै हबै जउन मोर माया के घर हे मोके मिले हबै।”

परभु के बरेदी के मार डालै के आदेस

7सेनाओ के भगवान कर हइ बचन हबै, “हे तलबार, मोर ठहराय हर बरेदी के बिरोध जउन डउका मोर समाज के हबै, ओखर बिरुध्द चल। तै ऊ बरेदी छेडी के काट, तब गेडरा छिदिर-बिदिर हुइ जही, अउ लरकन हे सजा देय के निता मै अपन हाथ बढाहुं। 8भगवान के हइ बचन हबै, कि हइ देस के सगलू निवासिन के दुइ तिहाई मार डारे जही, अउ अक तिहाई बचे रही। 9अउ मै ऊ अक तिहाई के आगी हे डालके चांदी के जसना सुध्द करहुं, अउ सोन के जसना उनके जंचिहों। उन मोर नाम पुकरहिन, अउ उनखर सुनहुं। मै उनखर लग कइहों हइ मोर परजा हबै अउ उन कइहिन यहोबा मोर भगवान हबै।”