जकरयाह 14

यरुसलेम अउ राज

1सुना, भगवान के अक्ठी असना रोज आमै बाले हबै, जिहां तुम्हर डेरा के लूटके तोर बीच हे बांट लय जही। 2काखे मै सगलू राज के यरुसलेम लग लडै के निता अकजिघा करिहों, अउ ऊ सहर के लइ लय जही, अउ घरन के झटक लय जही, अउ डउकी भ्रस्ट करे जही, सहर के आधा मनसे गुलामी हे जइहीं, पय परजा के बाकी मनसे सहर हे रहै पइहिन।1 3तब भगवान निकरके उनखर देस लग लडी जसना ऊ युध्द के रोज हे लडाई करे रथै। 4ऊ रोज ऊ जैतून के डोंगर हे गोड रखी, पूरब के पल्ला यरुसलेम के आगू हबै, तब जैतून के डोंगर पूरब लग लइके पस्चिम तक चिथर के बीच लग बोहत बडा खोदरा हुइ जही, तब आधा डोंगर उत्तर के पल्ला अउ आधा दक्खिन के पल्ला टर जही। 5तब तुम मोर दवारा बनाय हर ऊ खंडा लग हुइके भाग जइहा, काखे ऊ घाटी आसेल तक पहुंचही, पय तुम असना भगिहा जसना भुंइडोल के डर लग भागे रथै जउन यहूदा के राजा उजिय्याह के रोज हे होय रथै। तब मोर भगवान यहोबा आही, अउ सगलू पवितर मनसे ओखर संग हुइहीं। 6ऊ रोज न जाड पडही, न गरम पडही अउ न ओस गिरही। 7अउ हरमेसा दिन होही, जेही भगवान जानथै, न तउन दिन होही, अउ न रात होही, पय सांझ के टेम उजियार होही।2 8ऊ रोज यरुसलेम लग बहत पानी फूट निकरी ओखर अक्ठी डगइल दिन उगती मिरतू सागर कर पल्ला अउ दूसर दिन बुडती के, समुन्दर के पल्ला बही, अउ घाम के रोज हे अउ जाड के टेम हे बरोबर बहत रही।3 9तब यहोबा सगलू भुंइ के राजा होही, अउ ऊ रोज अक्ठिन यहोबा अउ ओखर नाम अक्कै माने जही। 10गेबा सहर लग लइके यरुसलेम सहर के दक्खिन के पल्ला के रिम्मोन तक सगलू समथर भुंइ के जसना हुइ जही। पय ऊ ऊंच हुइके बिन्यामीन के फेरका लग लइके फेरका के जिघा तक अउ कोनाबाले फेरका तक, अउ हननेल के गुम्मट लग लइके राजा के अंगूर कर रस कुंडन तक अपन जिघा हे बसही। 11मनसे ओहमा बसहिन काखे फेर सत्या-नास कर सराप नेहको होही, अउ यरुसलेम बेझिझक बसे रइहीं।4 12सगलू दुनिया यरुसलेम लग लडाई करे हबै, उन सगलू के यहोबा असना मार मारही, कि ठाडे-ठाड उनखर मांस सर जही, अउ उनखर आंखी अपन पुतली हे सर जही, अउ उनखर जीभ उनखर मुंह हे सर जही। 13ऊ टेम यहोबा के पल्ला लग उनखर हे बडा घबरा-हट होही, अउ उन अक दूसर के हाथ के पकडहीं, अउ अक दूसर हे अपन-अपन हाथ उठइ-हिन। 14अउ यहूदा के मनसे यरुसलेम कर रक्छा के निता लडाई करही, अउ उन सगलू राजन के धन डेरा लूट लेही, सोना, चांदी अउ कपडा बोहत जादा इकट्ठा करे जही। 15अउ घोडवा, खच्‍चर, उंटवा, गदहा पय जेतका गोरू उनखर घर हे होही, उन असना बडी नांगा लग मारे जही। 16तब जेतका मनसे यरुसलेम हे हमला करै बाले सगलू देस लग बचे रइहीं, उन हर साल राजा के मतलब सिपाही के यहोबा के परिनाम करै, अउ झोपडी कर तेउहार मानै के निता यरुसलेम छो जाय करहिन।5 17अउ भुंइ के कुर मसे जउन मनसे यरुसलेम के राजा, मतलब सिपाही कर यहोबा के महिमा करै के निता नेहको जइहिन, उनखर इहां बरसा नेहको होही। 18अगर मिस्र देस के कुर उहां नेहको आही, ता का उनखर उप्पर ऊ महा-मारी नेहको पडही, जेखर लग यहोबा उन राज के मारही, जउन झोपडी कर तेउहार मानै कर निता नेहको जइहिन? 19हइ मिस्र कर अउ उन सगलू राज के सजा रही, जउन झोपडी कर तेउहार मानै के निता नेहको जइहिन। 20ऊ रोज घोडवा के घंटिन हे हइ लिख-वरे रही, “भगवान के निता पवितर।” अउ यहोबा के भवन के बरतन उन खोरिया के बरोबर पवितर ठहर-हिन, जउन बेदी के आगू रथै। 21पय यरुसलेम अउ यहूदा देस हे सगलू बरतन सिपाही के यहोबा कर निता पवितर ठहरहिन, अउ सगलू मेलबलि करै बाले आयके उनखर बरतन हे गोस चुरइ-हिन। तब सिपाही कर यहोबा के भवन हे फेर कउनो बनिया नेहको पाय जही।