जकरयाह 11

अत्या-चारियन के बिनास

1हे लबानोन, आगी के गली दे कि ऊ आयके तोर देवदारन के रूख के भसम करै। 2हे सनोवर रूख, हाय-हाय करा, काखे देवदार गिर गय हबै अउ बडा लग बडा रूख नास हुइ गय हबै, हे बासान के बांझ रूखन, हाय-हाय करा, काखे घना पतेरा काटे गय हबै। 3बरेदी छाती पीटथै, काखे उनखर घंमड नास हुइ गय हबै, जबान बघवा के गरजन सुनाई देथै, काखे यरदन नदिया के टाठा के घन पतेरा नास करे गय हबै।

दुइठे बरेदी

4मोर भगवान यहोबा हइ आदेस देथै, “घात होय बाले गेडरन कर बरेदी हुइ जा। 5उनखर कीमत ले बाले उनही घात करै हे दोसी नेहको ठहरथै, अउ उनखर बेचै बाले कथै। यहोबा धन्य हबै, हम धनड्ड हुइ गय हबै, अउ उनखर बरेदी उनखर हे दया नेहको करथै। 6यहोबा कर हइ बचन हबै, मै हइ देस के रहै-बालेन हे फेर दया नेहको करिहों। देखा, मै मनसेन के अक दूसर के हाथ हे, अउ उनखर राजा के हाथ हे पकडवाय देहुं, अउ हइ देस के नास करहिन, अउ मै ओखर रहैबालेन के उनखर कबजा लग नेहको छंडइहों।” 7इहैनिता मै घात होय बाले गेडरा के अउ खास करके उनखर मसे जउन दीन रथै, उनके चरामै लगिस। अउ मै दुइठे डंडा लयों, अक्ठी के नाम मै “दया” रखिस, अउ दूसर के नाम “एकता”। उनही लय हर, मै उन गेडरा-छेडिन के चरामै लगिस। 8मै उनखर तीनोन बरेदी के अक्ठी महिना हे नास कर दयों। पय मै उनखर कारन धीरज भुलवाय दइस, अउ उन मोर लग धीर धरो। 9तब मै उनखर लग कथो, “मै तुमके नेहको चरइहों। तुम्हर मसे जउन मरे ऊ मरे, अउ जउन नास होय, ऊ नास होय, जउन बचे रहै, उन अक दूसर कर मांस खाय।” 10अउ मै अपन ऊ डंडा के टोर डारो, जेखर नाम अनुगरह रथै, कि जउन टीमा मै सगलू राज के संग बांधे रथै, उके टोरो। 11ऊ उहै रोज टोरे गइस, अउ इहै गरीब गेडरा, जउन मोके ताकत रथै, उन जान लइहीं कि हइ यहोबा कर बचन हबै। 12तब मै उनखर लग कथो, “अगर तुम के निक्खा लगै ता मोर मजदूरी देया, अउ नेहको लगै ता झइ देया।” तब उनही मोर मजदूरी हे चांदी के तीसठे सिक्का तउल दइन। 13तब यहोबा मोर लग कथै, “अउ उन परभु मन्‍दिर के खजाना1 हे डाल दइस,” हइ केतका बडा दाम हबै, जउन उन मोर ठहराय हबै? तब मै चांदी सिक्का के उन तीस खंडन के लइके अउ उनके परभु मन्‍दिर के खजाना हे डाल दइस। 14तब मै अपन दूसर डंडा जेखर नाम एकता रथै, इहैनिता टोर डारो कि मै ओखर भाई-चारा के नाते के टोर देहुं जउन यहूदा अउ इस्राएल के बीच हे हबै। 15तब यहोबा मोर लग कथै, “अब तै मूरुख बरेदी के अउजार लइ ले। 16काखे मै हइ देस हे अक्ठी असना बरेदी ठहरइहों, जउन भुलाय हर के नेहको डटेही, न तितिर-बितिर के अकजुट करही, न अध-घइलन के निक्खा करही, न जउन भला निक्खा हबै, उनखर देख-भाल करही, पय मोटन के गोस खइहे अउ उनखर खुरन के फाड डरिहे। 17हाय ऊ ढिलवा बरेदी हे जउन गेडरा के छांडे जथै, ओखर बांह अउ ओखर खउनी आंखी दुनो हे तलबार लगही, तब ओखर बांह झुराय जाय अउ ओखर खउनी आंखी फुट जाय।”