Bhumiya
भजन 98
भगवान दुनिया कर सासक हबै
भजन
यहोबा के निता अक्ठी नबा गाना गावा,
काखे उहै अदभुत काम करे हबै,
ओखर खउनी हाथ अउ पवितर भुजा
ओखर निता मुकति करे हबै।
यहोबा अपन करे हुइस मुकति उजियार करे,
उहै राज के नजर हे अपन धरमिकता परगट करे हबै।
उहै इस्राएल के परवार अपन टीमा अउ सच्चाई के सुध लइस,
अउ भुंइ के सगलू दुरिहां-दुरिहां देसन
हमार भगवान के करे हुइस मुकति देखै हबै।
हे भुंइ के मनसेन, परभु के जयजयकार करा,
खुसी के संग जयजयकार करा, स्तुति गावा।
बीना बजाय के भगवान के भजन गावा,
बीना बजाय के भजन के आरो सुनावा।
तुरही अउ नरसिंगा फूंक-फूंक के भगवान
राजा के जयजयकार करा।
समुंदर अउ उहै हे सगलू चीज रहै बालेन के,
दुनिया के अउ ओहमा रहै बाले गरज उठै।
सगलू नदिया थापोडी बजाय,
डोंगर मिल के जयजयकार करी।
हइ भगवान के आगू हुइ, काखे ऊ भुंइ के नियाव करे के आमैबाले हबै।
ऊ धरम लग दुनिया के अउ सच्चाई लग देस-देस के मनसेन के नियाव करही।
Bhumiya. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.