भजन 97

भगवान बडा सासक

1यहोबा भुंइ हे राज करथै,

अउ सागर के ठाटा हे सगला देस आनंद करे।

2बादर अउ अंधियार ओखर चउगिरदा पल्ला हबै,

ओखर राजगद्दी के मूल नियाइपन अउ नियाव हबै।

3ओखर आगू-आगू आगी चलत हर ओखर

बैरी के चउगिरदा पल्ला भसम करथै।

4ओखर बिजलिन लग दुनिया उजियार हुइस,

भुंइ देखके थरथराय गय हबै।

5डोंगर यहोबा कर आगू, अगरबत्ती के जसना टघल गइस,

मतलब सगलू भुंइ कर भगवान के आगू।

6आकास ओखर धरम के बखान करथै,

अउ देस-देस के सगलू मनसेन ओखर महिमा देखे हबै।

7जेतका खोदरे हर मूरतिन कर उपासे करथै अउ मूरतिन हे फूलथै, उन लजाय,

हे सगलू देउतन , तुम उहै के परनाम करा।

8सिय्योन सुनके मगन हुइस, अउ यहूदा सहर के टोरिया खुस हुइन,

हे यहोबा, हइ तोर निरनय के कारन हुइस।

9काखे हे यहोबा, तै सगलू भुंइ के उप्पर परमपरधान हबस,

तू सगलू देउतन लग जादा बडा ठहरे हबस।

10हे यहोबा के माया करै बाले, बुराई लग घिरना करा,

ऊ अपन पुजारिन के परानन के रक्छा करथै,

अउ उनके दुस्टन के हाथ लग बचाथै।

11नेक के निता उजेड,

अउ सीधा मनबालेन के निता खुसी बोय गय हबै।

12हे नेक मनसेन,

यहोबा के कारन मगन होबा,

अउ जउन पवितर नाम लग ओखर सुरता होथै,

ओखर धन्यबाद करा।