भजन 96

भगवान सगलू कर राजा

(1 इति 16:23-33)

1यहोबा के निता अक्ठी नबा गाना गाबा,

हे सगलू भुंइ कर मनसेन यहोबा के निता गाबा।

2यहोबा के निता गाबा, ओखर नाम के धन्य कहा,

दिन रोज दिन ओखर करे हर मुकति के सुभसंदेस सुनाउत रहा।

3गैर यहूदी सगलू राज हे ओखर महिमा के,

अउ देस-देस कर मनसेन हे ओखर चकित कामन के बिस्तार करा।

4काखे यहोबा बडा अउ अति महिमा के योग हबै,

ऊ सगलू देउतन लग जादा भययोग हबै।

5काखे देस-देस कर सगलू देउता तो मूरती हबै,

पय यहोबा स्वरग के बनाय हबै।

6ओखर चउगिरदा पल्ला धन डेरा अउ अराम हबै,

ओखर पवितर जिघा हे बल अउ सोभा हबै।

7हे देस-देस के मनसेन यहोबा कर गुनगान करा,

यहोबा कर महिमा अउ बल के माना।

8यहोबा के नाम के असना महिमा करा जउन ओखर योग हबै,

भेंट लइके ओखर अंगनन हे आबा।

9पवितरता लग सोभायमान हुइके यहोबा के परनाम करा, हे सगलू भुंइ कर मनसेन,

ओखर आगू कांपत रहा।1

10सब राजन के मनसेन लग कहा “यहोबा राजा होय हबै,

अउ दुनिया असना स्थिर हबै कि ऊ टरै के नेहको,

ऊ देस-देस के मनसेन कर नियाव खराई लग करी।”

11आकास मगन करै, अउ भुंइ खुस होय, समुन्दर

अउ ओहमा कर सगलू चीज गरज उठे।

12पटउरा अउ जउन कुछु ओहमा हबै, ऊ खुस होय,

उहै टेम पतेरा कर सगलू रूख जयजयकार करहीं।

13हइ यहोबा के आगू होय, काखे ऊ आमै बाले हबै,

ऊ भुंइ कर नियाव करै के आमै बाले हबै, ऊ धरम लग दुनिया के,

अउ सच्चाई लग देस-देस के मनसेन के नियाव करी।