भजन 95

स्तुति कर गाना

1आबा हम यहोबा के निता ऊंच आरो लग गइबे,

अपन मुकति के चट्टान कर जयजयकार करी।

2हम धन्यबाद करत हर ओखर आगू अइ,

अउ भजन गाउत हर ओखर जयजयकार करी।

3काखे यहोबा बडा भगवान हबै,

अउ सगलू देउतन के उप्पर बडा राजा हबै।

4भुंइ के गहीर जिघा उहै के हाथ हे हबै,

अउ डोंगर कर टिल्ली उहै के हबै।

5समुन्दर ओखर हबै, अउ उहै उके बनाइस,

अउ जिघा उहै के हाथ कर बने हबै।

6आबा हम झुकके परनाम करी

अउ अपन करैबाले यहोबा कर आगू घुटवा टेकी।

7काखे उहै हमर भगवान हबै,

अउ हम ओखर चराई कर परजा के मनसे,

अउ ओखर हाथ कर गेडरा, भला होतिस,

कि आज तुम ओखर बात सुनता।

8अपन-अपन हिरदय असना कठोर झइ करा,

जसना मरीबा हे, व मस्सा कर रोज पतेरा छो होय रथै।

9जब तुम्हर पुरखन मोके परखिन,

उन मोके जांचिन अउ मोर काम के देखिन।

10चालीस साल तक मै ऊ पीढी के मनसेन लग गुस्साय रहों,

अउ मै कथों, “हइ भटकै बाले मन के हबै,

अउ इन मोर रास्ता के नेहको पहचानिन।”

11हइ कारन मै गुस्सा हे आयके किरिया खायों,

कि इन मोर बिस्राम जिघा हे कबहुन परबेस

नेहको करै पइहिन।