भजन 94

भगवान सगलू कर नियायी

1हे यहोबा, हे पलटा लेय बाले भगवान, हे पलटा लेय बाले

भगवान अपन गुस्सा दिखा।

2हे भुंइ कर नियाइ,

उठ अउ घमंडिन के पलटा दे।

3हे यहोबा, दुस्ट मनसे कब तक,

दुस्ट मनसे कब तक डींग मारत रइहिन।

4घंमड भरी बात बोलथै,

सगलू अनर्थकारी बडाई मारथै।

5हे यहोबा, उन तोर परजा मनसे के कुचर डारथै,

उन तोर मनसे हे अतियाचार के दुख देथै।

6ऊ बिधवा अउ परदेसी के घात करत,

अउ अनाथन के मार डालथै,

7अउ कथै, “यहोबा नेहको देखही,

याकूब के भगवान बिचार नेहको करही।”

8तुम जउन निरबुध्दी सरीखा हबा, बिचार करा,

अउ हे मूरुख, तुम कब होसियार बनिहा?

9जउन कान दय हबै, का ऊ खुद नेहको सुनथै?

जउन आंखी बनाय हबै, का ऊ खुद नेहको देखथै?

10जउन राज-राज के ताडना देथै, अउ मनसे के ग्यान सिखाथै,

का ऊ नेहको समझाही?

11यहोबा मनसे कर बिचारन के जानथै,

कि उन ठगरा हबै।

12हे यहोबा, का ही धन्य हबै ऊ डउका जेही तै ताडना देथस,

अउ अपन नियम सिखाथस।

13काखे तै ओखर समस्या के दिनन हे ऊ टेम तक चैन देत रथस,

जब तक दुस्टन के निता खोदरा नेहको खोदे जथै।

14काखे यहोबा अपन परजा के नेहको छांडही,

ऊ अपन खास भाग के नेहको छांडही।

15पय नियाव फेर नेक के जसना करे जही,

अउ सगलू सीधा मनबाले ओखर पाछू-पाछू हुइ लइहिन।

16कुकरमिन के बिरुध्द मोर पल्ला कोनहर ठाड होही?

मोर पल्ला लग अनर्थकारिन के कोनहर सामना करी?

17अगर यहोबा मोर सहायक नेहको होतिस,

ता चुटु भर हे मोके चुपचाप हुइके रहै के पडत।

18जब मै कथों, “मोर गोड बिछलाय लगिस,” ता हे यहोबा,

तोर करुना मोके थाम लइस।

19जब मोर मन हे बोहत लग चिन्ता होथै, ता हे यहोबा,

तोर दय हर सान्ति लग मोके सुख होथै।

20का तोर अउ दुस्टन के सिंहासन के बीच मेल होही, जउन कानून कर

आड हे उत्पात मचाथै?

21उन धरमी कर परान लेय के दल बांधथै,

अउ निरदोस के परान सजा देथै।

22पय यहोबा मोर गढ,

अउ मोर भगवान मोर रहै के जिघा ठहराय हबै।

23ऊ उनखर अनर्थ काम उनखरै हे लउटाय हबै,

अउ ऊ उनके उनखरै के बुराई के दवारा नास करी,

हमर भगवान यहोबा उनखर सत्यानास करी।