भजन 99

भगवान कर सरवोचय राजा हबै

1यहोबा राजा होय हबै,

देस-देस के मनसे कांप उठै,

ऊ करूबन हे बिराजमान हबै,

भुंइ हिल उठै।1

2यहोबा सिय्योन हे बडा हबै,

अउ ऊ देस-देस कर मनसेन के उप्पर परधान हबै।

3ऊ तोर बडा अउ भययोग नाम के धन्यबाद करै,

ऊ तउन पवितर हबै।

4राजा के बल नियाव लग मेल रखथै,

तहिन सच्चाई के सुरुआत करे,

नियाव अउ धरम के याकूब हे तहिन लागू करे हबस।

5हमर भगवान यहोबा कर सराहा,

अउ ओखर गोडन के चउकी कर आगू

परनाम करा, ऊ पवितर हबै।

6ओखर पुजारिन हे मूसा अउ हारुन,

अउ ओखर बिनती करैबालेन मसे समूएल यहोबा के गोहराथै,

अउ ऊ उनखर सुन के जबाब देथै।

7ऊ बादर के खंभा हे हुइके उनखर लग बात करथै,

अउ ऊ ओखर नियमन अउ ओखर दय हर आदेस हे चलथै।

8हे हमर भगवान यहोबा, तै उनखर सुन लेथस,

तै उनखर कामन के सजा देथै,

तउमा उनखर निता छमा करैबाले भगवान रथस।

9हमर भगवान यहोबा कर सराहा,

अउ ओखर पवितर डोंगर हे स्तुति करा,

काखे हमर भगवान यहोबा पवितर हबै।