भजन 8

भगवान कर महिमा, मनसे कर सम्मान

परधान बजामै बाले कर निता, गत्तीत कर राग हे दाऊद कर भजन

1हे परभु हमर मालिक

तोर नाम सगलू भुंइ हे केतका बडा हबै,

तोर महिमा के स्तुतिगान स्वरग हे होथै।

2टोरवन अउ नान लरका के मुंह लग तोर परसंसा कर गीत उच्चारित होथै,

तै अपन बैरिन के सान्त करामै के निता

असना करथस।

3हे यहोबा जब मोर नजर बादर हे पडथै, जेही तै अपन हाथ लग बनाय हबस,

अउ जब मै जोंधइया अउ तरइयां के देखथो, जउन तोर रचना हबै ता मै चकित लग भर उठथों।

4ता मनसे अगर मै अपन संगी के बदले हे बुराई करेव,

पय अपन बैरिन के मै मदत नेहको करेव।

5पय तोर निता मनसे खास हबै, तै मनसे के भगवान के स्वरूप हे बनाय हवस,

अउ उनखर मूंड हे महिमा अउ सम्मान कर मुकुट धरे हवस।

6तै ओही अपन हाथन के कामन हे हक दय हबस,

तै ओखर गोड तरी सगलू कुछ कर दय हबस।

7सगलू गेडरा छेडी अउ गाय-गोरू अउ जेतका बनपसु हबै,

8बादर कर चिरइया अउ समुन्दर कर मछडी

अउ जेतका जीव जन्तु समुन्दर हे चलथै फिरथै,

9हे यहोबा हे हमर परभु,

तोर नाम सगलू भुंइ हे महान हबै।