भजन 76

जिन्दा भगवान

परधान बजामै बाले कर निता तारबाले बाजन कर संग, आसाप कर भजन, गाना

1भगवान यहूदा परदेस हे जाने गय हबै,

इस्राएल हे ओखर नाम महान हबै।

2ओखर रहै के निवास जिघा सालेम हे हबै,

ओखर धाम सिय्योन डोंगर हे हबै।

3उहां ओसने जलै तीरन के, ढाल अउ तलबार के,

लडाई के सास्तर के नस्ट करे रथै।

4हे भगवान, तै केतका भला हबै,

तै केतका गउरवसाली हबै, जब तै उन डोंगरन लग लउटथै,

जिंहा तै अपन बैरिन के हराय रथै ।

5मजबूत मनबाले लुट गइन,

अउ बहोत नींद हे पडे हबै,

अउ सूरबिरन मसे कउनो के हाथ नेहको चलिस।

6हे याकूब के भगवान, तोर डांट लग घोडवा

अउ घोडवा हे बइठै बाले दुनो नींद हे पडे हबै।

7केबल तहिन भययोग हबस,

अउ जब तै गुस्सा करे लगे,

तब तोर आगू कउन ठाढ रहि सकही?

8तै अपन नियाव स्वरग लग सुनाय हबै,

दुनिया ऊ टेम सुनके डर गइस,

अउ चुप्पे रहिस।

9जब भगवान नियाव करै के

अउ भुंइ के सगलू दीन मनसेन कर उध्दार करै के उठिस।

10मनसे कर गुस्सा के कारन तोर परसंसा अउ जादा होथै,

अउ जउन गुस्सा रहि जाय ओही तै रोकिहे।

11अपन भगवान यहोबा कर मन्नत मान अउ पूरो कर,

ऊ जउन डर कर काबिल हबै,

ओखर अगल-बगल के सगलू ओखर निता भेंट लइ आनै।

12ऊ तो राज कुमारन के घंमड मिटोय देही,

अउ बडका-बडका राजन के मिटाय देही।