भजन 65

भगवान कर महिमा अउ धन्यबाद

परधान बजामै बाले कर निता दाऊद कर गाना,

1हे भगवान, सिय्योन हे महिमा तोर इंतजार करहिन,

अउ तोर निता टीमा पूर करे जही।

2हे बिनती के सुनैबाले,

सगलू परानी तोर लिघ्घो अइहिन।

3अधरम कर काम

मोर उप्पर परबल होय हबै,

हमर अपराधन के छमा कर देही।

4का हि धन्य हबै, ऊ जेही चुनके

अपन लिघ्घो आमै देथै,

कि ऊ तोर अंगना हे आमै,

हम तोर भवन के, मतलब तोर पवितर मंदिर कर

अच्छा-अच्छा खाना लग संतुस्ट हुइहिन।

5हे हमर मुकति करे बाले भगवान,

हे भुंइ कर सगलू दूर-दूर देसन के

अउ दूर कर समुन्दर हे रहैबाले के भरोसा,

तै धरम लग करे हर भंयकर कामन के दवारा हमके मुंह मांगा जबाब देही,

6तै जउन पराक्रम के फेंटा करे हर,

अपन सक्ति लग डोंगर के स्थिर करथै,

7तै जउन समुंदर के

महासब्द, ओखर लहरा के महासब्द

अउ देस-देस के मनसे के चिल्लाहट सांत करथै।

8इहैनिता दूर-दूर देसन के रहैबाले

तोर चकित के काम देखके डर गय हबै,

तै दिन उगती अउ दिन बुडती दुनो लग

जयजयकार कराथै।

9तै भुंइ के सुधि लइके उके सींचथै,

तै ओही बोहत फलदायक करथै,

भगवान कर नदिया पानी लग भरे रथै,

तै भुंइ के तइयार करके मनसेन कर निता

दाना के तइयार करथै।

10तै पलिया के अच्छी मेर लग सींचथै

अउ उनखर बीच कर माटी के बइठाथै,

तै भुंइ के पानी लग कोंवर करथै,

अउ ओही उपज हे आसीस देथस।

11अपन भलाई लग भरे हर साल हे तै माना मुकुट मढाय दय हबस,

तोर रास्ता हे निक्खा-निक्खा चीज पाय जथै।

12पतेरा कर चारा हे हरियार फूट पडथै,

अउ डोंगर खुसी के फेंटा बांधे हर हबै।

13चारा कर जिघा गेडरा-छेरी लग भरे हर हबै,

अउ करखा कर भाग हे फसल लग ढंपे हर हबै,

ऊ जयजयकार करथै अउ गउतो हबै।