भजन 53

मनसे कर मूरुख अउ दुस्ट

परधान बजामै के निता महलत कर राग हे दाऊद कर मस्कील

1मूढ अपन मन महिन कथै, कउनो

भगवान नेहको हबै।

उन बिगड गइन, उन बइमान के घिनाउना

काम करे हबै,

कउनो निक्खा मनसे नेहको।

2भगवान स्वरग लग मनसेन के उप्पर नजर करिस,

ताकि देखै कि कउनो दिमाक लग चलैबाले

या भगवान के पूछैबाले हबै कि नेहको।

3उन सगलू के सगलू भटक गइन,

सगलू एक संग बिगड गइन,

कउनो सुकरमी नेहको,

एक्कोठे नेहको।

4का उन सगलू अन्याय करे बाले कुछु ग्यान नेहको,

जउन मोर मनसेन के

असना खाथै, जसना रोटी

अउ भगवान के नाम नेहको लेथै?

5उहां उनखर हे डेर छाय गय, जिहां डेर के

कउनो कारन नेहको रथै,

काखे यहोबा उनखर हड्डन के, जउन तोर

बिरुध्द छावनी डारे पडे रथै, छिदर-बिदर कर दइस,

तै उनके लज्जित कर दइस, इहैनिता कि

भगवान उनके निकम्मा ठहराय हबै।

6भला होतै कि इस्राएल के पूर मुकति

सिय्योन लग निकारत,

जब भगवान अपन मनसेन के बंधुवाई लग लउटा लइ आही।

ता याकूब मगन अउ इस्राएल मनसे खुस होही।