Bhumiya
भजन 52
भगवान कर नियाय अउ अनुगरह
परधान बजामै बाले कर निता, मस्कील हे दाऊद कर भजन दोएग एदोमी साऊल के बताइस कि दाऊद अबीमेलेक के घर गइस।
हे बीर, तै बुराइ करै हे काखे घमंड करथस?
भगवान कर करुना तो सबरोज हबै।
तोर जीभ सिबाय दुस्टता गढथै,
सान धरे हर छूरा के जसना
ऊ छल के काम करथै।
तै भलाई लग बढके बुराई हे,
अउ नेक कर बात लग बढके ठगरा लग माया रखथस। (सेलाह)
हे छली जीभ,
तै सगलू बिनास करै बाले बातन लग मगन रथस।
निस्चय भगवान तोके हरमेसा के निता नस्ट कर दइ,
ऊ तोके पकडके तोर डेरा लग निकार देही,
अउ जिन्दन के दुनिया लग तोके उखाड डाली।
तब नेक मनसे हइ घटना के देखके डेराय जइहीं,
अउ हइ कहिके ओखर हे हंसही,
देखा हइ उहै डउका हबै
जउन भगवान के अपन सरन नेहको मानथै,
पय अपन डेरा के बहुतायत हे यकीन
रखथै,
अउ अपन दुस्टता हे मजबूत करत रथै,
पय मै तो भगवान के भवन हे हरियर जैतून1 के रूख के जसना हबो।
मै भगवान कर करुना हे हरमेसा सबदिना के निता यकीन रखे हबै।
मै तोर धन्यबाद हरमेसा करत रइहों,
काखे तहिन हइ काम करे हबस।
मै तोरेन नाम कर बाट जोहत रइहों, काखे
हइ तोर पवितर बिस्वासओग मनसे के आगू निक्खा हबै।
Source notes (1)
- Footnote भगवान कर भवन के अंगना हे जैतून को पवितर रूख माना जाता है, काखे भगवान कर सुरक्छा के वस हे होथै
Bhumiya. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.