भजन 49

डेरा हे भरोसा रखै के मूरखता

परधान बजामै बाले कर निता कोरह वंसिन कर भजन

1हे देस-देस के सगलू मनसेन,

हइ सुना हे दुनिया कर सगलू रहैबाले, कान लगाबा,

2का ऊंच, का तरी, का

धनड्ड, का गरीब, कान लगाबा,

3मोर मुंह लग दिमाक कर बात निकरी,

अउ मोर हिरदय कर बात समझ के होही।

4मै नीतिबचन कर पल्ला अपन कान लगाहुं,

मै बीडा बजाउत हर अपन गुप्त बात परकासित करिहों।

5समस्या के रोज हे जब मै मारै बालेन कर बुराई लग घेररे,

तब मै काखे डरों?

6जउन अपन डेरा हे यकीन रखथै,

अउ अपन डेरा के बहुतायत हे घमंड करथै।

7उन मनसे कउनो अपन भाई के कउनो रीति लग छंडाय नेहको सकथै,

अउ न भगवान के ओखर बदला छमा हे कुछु दइ सकथै,

8काखे उनखर परान के मुकति कर कीमत बोहत हबै,

ऊ आखरी तक कबहुन नेहको चुकाय सकहिन,

9कउनो असना नेहको जउन हरमेसा जिन्दा रहै,

अउ मरघटी के झइ देखै।

10काखे देखै हे आथै, कि हुसियार मरथै,

अउ मूरुख अउ पसु जसना मनसे दुनो नस्ट होथै,

अउ अपन डेरा दूसर के निता छांड जथै।

11उन मनै मन हइ सोचथै, कि उनखर घर हरमेसा स्थिर रही,

अउ उनखर निबास पीढी लग पीढी बने रही,

इहैनिता उन अपन-अपन भुंइ कर नाम अपन-अपन नाम हे रखथै।

12पय मनसे इज्जत पायके स्थिर नेहको रथै,

ऊ पसुन के जसना होथै, जउन मर मिटथै।

13उनखर हइ चाल उनखर मूरखता हबै,

तउमा उनखर बाद मनसे उनखर बातन लग मगन होथै।

14उन अधलोक कर माना गेडरा छेडी ठहराय गय हबै,

मिरतू उनखर बरेदी ठहरिस,

अउ भोर के सीधा मनसे उनखर हे सासन करहीं,

अउ उनखर सुन्दर रूप अधलोक कर कोर हुइ जही,

अउ उनखर कउनो अधार नेहको रही।

15पय भगवान मोर परान के अधलोक के वस लग छंडाय लेही,

काखे ऊ मोके गरहन करके अपनाही। (सेलाह)

16जब कउनो धनी हुइ जाय अउ ओखर घर कर सान बढ जाय,

ता तै भय झइ खाबे।

17काखे ऊ मर के कुछु संग नेहको लइ जही,

न ओखर सान ओखर संग मरघटी हे जही।

18चाहे ऊ जियत जी, अपन खुद के धन्य कहत रथै,

जब तै अपन भलाई करथस, तब उन मनसे तोर परसंसा करथै,

19तउमा ऊ अपन पुरखन के समाज हे मिलाय जही,

जउन कबहुन उजियार नेहको देखहिन।

20मनसे चाहे इज्जतदारो होय, पय अगर उन समझ नेहको रखथै,

ता उन पसुन के जसना हबै, जउन मर मिटथै।