भजन 48

भगवान कर सहर, सिय्योन

गाना कोरह वंसिन कर भजन

1हमर भगवान कर सहर हे, अउ अपन पवितर डोंगर हे यहोबा बडा

अउ अति स्तुति कर योग्य हबै,

2सिय्योन डोंगर ऊंच हे सुंदर अउ सगलू भुंइ कर मगन के कारन हबै,

राजाधिराज कर सहर उत्तरी सिरे हे हबै।

3ओखर महल हे भगवान ऊंच गढ

माने गय हबै।

4काखे देखा, राजा मनसे एकजिघा हुइन,

उन अक संग आगू बढ गइन।

5उन खुदय देखथै अउ देखतै चकित हुइन,

उन घबराय के भग गइन।

6उहां कपकपी उनके आय पकडिस,

अउ गरभवती के मेर पीरा उनके होय लगिस।

7तै पूरब कर हबा लग तरसीस कर जिहाजन के टोर डालथै।

8सुपाहिन कर यहोबा के सहर हे,

अपन भगवान कर सहर हे, जसना हम सुने रथन,

ओसनेन देखे हबै,

भगवान उके हरमेसा मजबूत अउ स्थिर रखी।

9हे भगवान, हम तोर मन्दिर के भित्तर

तोर करुना हे धियान करे हबै।

10हे भगवान तोर नाम के योग तोर

स्तुति भुंइ कर छोर तक होथै

तोर दाहिना हाथ धरम लग भरे हबै,

11तोर नियाय कर कामन के

कारन सिय्योन डोंगर मगन करै,

अउ यहूदा कर सहर कर टोरिया होय,

12सिय्योन कर चउगिरदा पल्ला ओखर चक्कर लगाबा, ओखर गुम्मट के गिन लेया,

13ओखर किले के भीठी हे नजर लगाबा,

ओखर महल के धियान लग देखा, जेखर लग कि तुम आमैबाले पीढी के मनसेन लग हइ बात कर बिस्तार कर सका।

14काखे हइ भगवान हरमेसा-हरमेसा हमर भगवान हबै,

ऊ मिरतू तक हमर अगुवाई करी।