भजन 39

पीडित मनसे कर पस्चाताप

यदूतून परधान बजामै बाले कर निता दाऊद कर भजन

1मै कथो, “मै अपन आदत चउकसी करिहों, ताकि मोर जीभ लग पाप झइ होय,

जब तक दुस्ट मोर आगू हबै,

तब तक मै लगाम लगाय अपन मुंह बंद करे रइहों।”

2मै मउन धारन करके बउरा बन गयों,

अउ भलाई के पल्ला लग चुप्पे साधे रहै,

अउ मोर पीरा बढ गइस,

3मोर हिरदय भित्तरै-भित्तर जलत रथै।

सोंचथै-सोंचथै आगी भडक उठिस,

तब मै अपन जीभ लग बोल उठिस,

4हे यहोबा, असना कर कि मोर जीवन के आखरी मोके मालूम हुइ जाय,

अउ उ कि मोर उमर के रोज केतका हबै,

जेखर लग मै जान लेहुं कि मै कसना केतका नान हबै।

5देख तै मोर उमर नान हस रखे हबस,

अउ मोर आयु तोर नजर हे कुछ हइयों नेहको।

सहीमा सगलू मनसे कसना स्थिर काखे न होय, तउभरमा बेकार ठहरे हबै।

6सचमुच मनसे छाया जसना चलथै फिरथै,

सचमुच उन बेकार घबराथै, ऊ डेरा के अकजुट करे हबै,

पय नेहको जानथै, कि उके कउन लेही।

7अब हे परभु, मै कउन बात के ओरगों?

मोर असरा तोर पल्ला लगे हबै।

8मोके मोर सगलू अपराधन के बंधन लग छंडाय ले।

मूरुख मोर बुराई नेहको करे पाय।

9मै बउरा बन गय अउ मुंह झइ खोल पायों काखे हइ काम तै करे हबै।

10तै जउन समस्या मोर हे डारे हबस, उके मोर लग दुरिहां कर दे,

काखे मै तोर हाथ के मारे लग मै नास होय जथों।

11जब तै मनसे के अधरम के कारन डांट दपटके सजा देथै,

तब तै ओखर सुंदरपन के फिफली कर जसना नास करथै,

सचमुच सगलू मनसे बेकार आदर करथै।

12“हे यहोबा, मोर बिनती सुन, अउ मोर आरो हे कान लगिस,

मोर रोमै सुन कर सांत झइ रह, काखे मै तोर संग अक्ठी परदेसी यातरी के जसना रथों,

अउ अपन सगलू पुरखन के जसना परदेसी हव।

13हे भगवान, इनखर लग पहिले मै इहां लग कढ जइहों, अउ न रह जइहों,

मोके बचाय ले जेखर लग मै सुख के जीवन के पाय सकों।”