भजन 34

भगवान कर भलाई के निता ओखर स्तुति

भगवान कर भलाई के निता ओखर स्तुति दाऊद के भजन, जब-जब ऊ अबीमेलेक के जसना पागल मेर बनिस, अउ अबीमेलेक जब उके निकार दइस, अउ ऊ कढ गइस

1मै हर टेम यहोबा के धन्य कहे करिहों,

ओखर स्तुति लगेतार मोर मुंह लग होत रही।

2मै यहोबा हे घमंड करिहों,

दीन मनसे हइ सुनके खुसी हुइहिन।

3मोर संग यहोबा कर बडाई करा,

अउ आबा हम मिलके ओखर नाम के स्तुति करी।

4मै यहोबा के लिघ्घो गयों, तब ऊ मोर सुन लइस,

अउ मोके पूर रीति लग निडर करिस।

5जउन ओखर पल्ला नजर करिन, उन उजियार पाइन,

अउ तुम अपन बिस्वास कर निता कबहुन लज्जित नेहको होय पाइन।

6हइ गरीब जन पुकारिस तब यहोबा सुन लइस,

अउ उके सगलू दुख लग छंडाय लइस।

7यहोबा के खोजै बालेन के चउगिरदा पल्ला

ओखर दूत छाया करे हर उनके बचाथै।

8परख करके देखा कि यहोबा कसना भला हबै,

का धन्य हबै, ऊ डउका जउन ओखर सरन लेथै।

9हे यहोबा कर पवितर मनसे, ओखर भय माना,

काखे ओखर भय माने बालेन के कउनो बात कर घटी नेहको होथै।

10सग्यान बघवा के घटी होथै, अउ उन भुखाय रही जथै,

पय यहोबा के खोजिन के कउनो भली-चीज कर घटी नेहको होही।

11हे लरका, आबा मोर सुना,

मै तुमके यहोबा कर भय मानै के सिखाहुं।

12ऊ कउन मनसे हबै, जउन जीवन कर इक्छा रखथै,

अउ लम्बी उमर चाहथै ताकि भलाई देखै?

13अपन जीभ के बुराई लग रोक रख, अउ अपन मुंह कर रक्छा कर

कि ओखर लग छल के बात झइ निकरै।

14बुराई के छांड अउ भलाई कर,

मेल के ढूंढ अउ उनखरै पाछू कर।

15यहोबा कर आंखी धरमी मनसेन हे लगे रथै,

अउ ओखर कान उनखर दुहाई कर पल्ला लगे रथै।

16यहोबा बुराई करैबालेन के बिरुध्द रथै,

ताकि उनखर नाम भुंइ लग मिटाय डारे।1

17धरमी दुहाई देथै अउ यहोबा सुनथै,

अउ उनके सगलू समस्या लग छंडाथै।

18यहोबा टूटे मनबालेन के लिघ्घो रथै,

अउ पिसे हर के मुकति करथै।

19धरमी मनसे हे बोहत लग समस्या पडथै,

पय यहोबा उके उन सबले अजाद करथै।

20ऊ ओखर हाडा-हाडा कर रक्छा करथै,

अउ उनखर मसे अक्कोठे टूट नेहको पाथै।2

2 21दुस्ट अपन बुराई के दवारा मारे जही,

अउ धरमी कर बैरी दोसी ठहरही।

22यहोबा अपन मनसेन के बचाही, जउन मनसे सुरक्छा कर निता ओखर लिघ्घो जथै,

कउनो दोसी नेहको ठहरहीं।