भजन 32

छमा पामै के आसीस

दाऊद कर भजन मस्कील

1का धन्य हबै ऊ जेखर गलती छमा करे गइस,

अउ जेखर पाप ढांपे गय होय।

2का धन्य हबै ऊ मनसे जेखर अधरम के यहोबा हिसाब नेहको ले,

अउ जेखर आतमा हे कपट झइ होय।1

3जब मै चुप रहों, तब दिन भर कराहत-कराहत

मोर हाडा घुर गइस।

4हे परभु, तै मोके दिन रात सजा दय हबस,

मोर सक्ति पूर मेर लग खतम हुइ गय हबै,

जसना ग्रीस्म मउसम के गरमी लग नमी झुर्राय जथै। (सेलाह)

5जब मै अपन पाप तोर हे परगट करेव,

अउ अपन अधरम नेहको लुकायों,

अउ कथों, मै यहोबा कर आगू अपन गलतिन के मान लइहों,

तब तै मोर अधरम अउ पाप के छमा कर दइस।

6हइ कारन हर अक्ठी पुजारी तोर लग असना टेम हे बिनती करै,

जब कि तै मिल सकथस, निस्चय जब पानी के बडा बाढ आय

तउभरमा ऊ हरवाह कर लिघ्घो नेहको पहुंचही।

7तै मोर लुकै के जिघा हबस, तै समस्या लग मोर रक्छा करहे,

तै मोके चउगिरदा पल्ला लग छंडाय के गीतन लग घेर लइहे। (सेलाह)

8परभु हइ कथै, जउन गली हे तोके चलै के होही, ओहमा तोर अगुवाई करिहों,

मै तोर हे किरपा नजर रखहुं, अउ सलाह दय करिहों।

9तुम घोडवा अउ गदहा के जसना झइ बना, जउन समझ नेहको रखथै,

उनखर उमंग लगाम अउ डोरा लग रोकै के पडथै,

नहि ता उन तोर वस हे नेहको अइहिन।

10दुस्ट मनसे के बोहत पीरा होही,

पय जउन यहोबा हे भरोसा रखथै

ऊ करुना लग घिरे रही।

11हे धरमी मनसे, यहोबा के कारन खुसी अउ मगन होय,

अउ हे सगलू सीधा मनबाले,

खुसी लग जयजयकार करा।