Bhumiya
भजन 29
आंधी-बडेरा हे भगवान कर आरो
दाऊद कर भजन
हे भगवान कर टोरवन,1 यहोबा के हव, यहोबा कर गुडन के स्बीकार कर,
यहोबा कर महिमा कर अउ सक्ति के स्बीकार करा।
यहोबा कर नाम के महिमा करा,
पवितरता लग सोभायमान हुइके यहोबा के निहुर के परनाम करा।2
यहोबा के आरो समुन्दरन के उप्पर सुनाई देथै,
परतापी भगवान घन महासागर कर उप्पर रथै।3
यहोबा कर आरो अपन पूर सक्ति
अउ महिमा कर संग सुने जथै।
यहोबा कर आरो देवदार के रूख के उखाल फेकथै,
परभु लबानोन डोंगर के देवदार रूख के नास करथै।
ऊ उनके बछवा के जसना
अउ लबानोन डोंगर सिरयोन कर पतेरा जवान बिजरा कर जसना कूदथै।
यहोबा कर आरो आगी के धंधकत के चीरथै।
यहोबा कर आरो पतेरा के हिलाय देथै,
यहोबा कादेस के पतेरा के कंपाय देथै।
परभु कर आरो बांझ रूख के गरभबती कर देथै, अउ रूखन लग पत्ता उखाड देथै,
जबकि ओखर भवन हे सब कउ चिल्लाथै,
“भगवान कर जय होय।”
जल परलय के टेम यहोबा बिराजमान रथै,
अउ यहोबा हरमेसा के निता राजा हुइके बिराजमान रथै।
यहोबा अपन मनसेन के बल देही,
यहोबा अपन मनसे के सान्ति के आसीस दइ।
Source notes (3)
- Footnote सब्द भगवान कर टोरवन
- Cross-reference भजन 96:7-9
- Footnote मूल हे बोहत पानी
Bhumiya. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.