भजन 16

बिस्वास कर बिनती

दाऊद कर मिक्तान

1हे भगवान, मोर रक्छा कर, काखे मै तोर सरन हे आय हव।

2मै भगवान लग कथो, “तहिन मोर मालिक हबस,

तोर लग अलग मोर भलाई नेहको।”

3पवितर मनसे, जउन भुंइ हे हबै, उहै आदर कर योग हबै,

अउ उनखरै हे मोर सगलू सुख हबै।

4जउन मनसे दूसर देउतन के पालन करथै,

उहै अपन दुख के बढाथै। मै उन देउतन कर निता खून के बली नेहको चढइहों,

अउ न उनखर नाम अपन जीभ हे लइहों।

5यहोबा तै मोर चुने हर भाग

अउ मोर हिस्सा हबस,

मोर भाग के तै मजबूत रखथस।

6तोर उपहार मोर निता केतका अदभुत हबै,

केतका अच्छा हबै।

7मै यहोबा के धन्य कथो, काखे ऊ मोके सलाह दय हबै।

पय मोर मन रात हे मोके सिक्छा देथै।

8मै यहोबा के लगेतार अपन आगू रखे हंव, इहैनिता कि ऊ मोर दहिना तरफ रथै,

मै कबहुन नेहको डगमगाहुं।

9इहै कारन मोर हरदय खुस अउ मोर आतमा मगन हुइ,

मोर सरीरो सुख लग रही।

10काखे तै मोर परान के अधलोक हे नेहको छोडही,

अउ न अपन पवितर पुजारी के सरै दइ।

11तै मोके जीवन के गली दिखाही,

तोर लिघ्घो खुसी के भरपूर हबै,

तोर दहिना हाथ हे सुख हरमेसा बने रथै।