भजन 15

सिय्योन कर निबासी

दाऊद कर भजन

1हे भगवान तोर तम्बू हे कोनहर रही?

तोर पवितर डोंगर हे कोनहर बसै पाही?

2जउन खराई लग चलथै अउ धरम के काम करथै,

अउ हिरदय लग सच बोलथै,

3जउन अपन जीभ लग बुराई नेहको करथै,

अउ न अपन संगी कर बुराई करथै

अउ न अपन परोसी के निंदरा सुनथै,

4ऊ जेखर नजर हे ढिलवा मनसे बेकार हबै,

अउ जउन यहोबा के डेराय बाले के इज्जत करथै

जउन किरिया खायके बदलैके नेहको चाहै नुसकान उठामैके पडै,

5जउन अपन पइसा बेयाज हे नेहको देथै,

अउ निरदोस के नुसकान करै के निता घूस नेहको लेथै,

जउन कउ असना चाल चलथै ऊ कबहुन नेहको डगमगाही।