भजन 14

मनसे कर मूरखता अउ दुस्टता

परधान बजामै बाले कर निता दाऊद कर भजन

1मूरुख अपन मन हे कथै,

कउनो भगवान नेहको हबै,

उन बिगड गइन, उन घिनोना काम करे हबै,

कउनो भलाई नेहको करथै।

2भगवान स्वरग मसे मनसेन हे नजर करे हबै,

कि कउनो होसियार कउन भगवान कर

खोजइया हबै या नेहको।

3उन सगलू के सगलू भटक गय हबै,

उन सगलू भ्रस्ट हुइ गय हबै,

कउनो भलाई नेहको,

अक्कोठे नेहको।

4का कउनो मनसे नासमझ कुछु ग्यान नेहको रथै,

जउन मोर मनसेन के असना खाय जथै,

जसना रोटी अउ भगवान कर नाम नेहको लेथै?

5उहां उनखर हे डेर छाय गइस,

काखे भगवान नेक मनसेन के बीच हे लगेतार रथै।

6तुम दुखी के योजना के हंसी उडाथा,

पय यहोबा ओखर सहारा हबै।

7भला होतिस कि इस्राएल कर

मुकति सिय्योन लग परगट होतै,

जब यहोबा अपन परजा के गुलाम लग

लउटाय लइ आही, तब याकूब अउ इस्राएल मगन होही।