Bhumiya
भजन 106
परभु के अपन मनसेन के निता भलाई
यहोबा कर महिमा करा, परभु कर धन्यबाद करा,
काखे ऊ निक्खा हबै,
अउ ओखर करुना हरमेसा के हबै।
यहोबा पराकरम कामन कर वरनन कोन कर सकथै,
या ओखर पूरा गुडनवाद कउन सुना सकथै?
धन्य हबै उन जउन नियाव हे चलथै,
अउ हर टेम नेकीपन के काम करथै।
हे यहोबा अपन परजा के मनसे हे, दया करी, ता मोर सुरता करबे,
मोर मुकति के निता मोर सुधि ले।
कि मै तोर चुनेहर के कल्यान देखों,
अउ तोर परजा के खुसी अउ मगन हुइ जाव,
अउ तोर बिरासत भाग के संग बडाई करै पइहों।
हम अपन पुरखन के जसना पाप करे हबन,
हम कुटिलता करेन, हम दुस्टता करे हबन।
जब हमर सियान मिस्र देस हे रथै, उन तोर अदभुत काम के नेहको समझिस,
उन तोर अपार करुना के सुरता नेहको करिस,
पय समुन्दर के टाठा मतलब ललका समुन्दर के टाठा लडाई करिस।
तउभरमा यहोबा तै अपन नाम के निता उनही बचाइस,
ताकि उनखर हे अपन सकति परगट करिस।
यहोबा तै लाल समुन्दर के गधारिस, अउ ऊ झुराय गइस,
तै उनही गहिड सागर लग निकाड लाइस,
जसना कि सागर पतेरा लग निकाड लइ गइस।
हइ मेर तै उनही बैरिन लग उनही बचाइस,
दुस्मन के हाथ लग उनही छंडाइस।
अउ उनखर बैरी पानी हे बुड गइन,
उनखर मसे एक्को नेहको बचिस।
तब उन यहोबा कर बचन हे बिस्वास करिन,
अउ उन महिमा करिन।
पय उन हरबी उनखर कामन के बिसर गइस,
अउ उनखर लडाई कर निता नेहको ठहरिस।
उन पतेरा हे बोहत लालच करिस,
अउ पटउरा कर जिघा हे भगवान कर परिक्छा करिन।
उन जउन मांगिन, ऊ भगवान उनही दइस,
पय उनखर बीच महामारी पठोय दइस।
जब उन तम्बू हे मूसा के,
अउ यहोबा के पवितर मनसे हारुन के बारे हे निन्दा करिस।
तब भुंइ फट के दातान के लील लइस,
अउ अबीराम कर झुन्ड के मूंद दइस।
अउ उनखर झुन्ड हे आगी भडक उठिस,
अउ दुस्ट मनसे आगी के आंच हे भसम हुइ गइन।
उन होरेब डोंगर हे रकरा कर मूरती बनाइन,
अउ ऊ मूरती कर भजन करथै।
तब ऊ उनके का बिसय कसम खाइस कि मै इन पतेरा नास करिहों,
अउ इन वंस राज-राज कर आगू गिराय दे, अउ देस-देस तितिर-बितिर करिहों।
उन अपन सहायता करै बाले भगवान के बिसर गइन,
जउन मिस्र देस हे महान काम करे रथै।
ऊ तउन हाम के देस हे अदभुत काम
अउ लाल समुन्दर के किनारे हे भयंकर काम करे रथै।
इहैनिता उन कथै कि मै उनखर सतियानास कर डारिन,
अगर मोर चुने हर मूसा खतरा कर जिघा हे उनखर निता ठाड नेहको होतै, ताकि मोर गुस्सा के सांत करै,
कहुं असना झइ होय कि मै उनके नास कर डारों।
इस्राएली मनपसंद देस के बेकार जानिन,
अउ ओखर बचन के बिस्वास नेहको करिस।
उन अपन तम्बू हे कुडकुडाइन,
अउ यहोबा कर कहना नेहको मानिन।
तब उन उनखर बारे हे कसम खाइस,
कि मै इनखर पतेरा हे नास करिहों।
अउ इनखर अन्स के राज कर आगू गिराय दइहों,
अउ देस-देस हे छिदिर-बिदिर करिहों।
उन पोरबाले बाल देउता के पूजै लगिन,
अउ लहासन के बलि चढाय हर गोस खाय लगिन।
उन अपन आदत लग यहोबा के गुस्सा करिन,
अउ उनखर बीच महामारी फइल गइस।
तब पीनहास ठाड हुइ के नियाव सजा दइस,
जेखर लग महामारी रुक गइस।
ओखर हइ काम पीढी लग पीढी,
जुगजुग तक ओखर निता धरमी गिने गइस।
उन मरीबा कर झरना कर लिघ्घो यहोबा के गुस्सा करिस,
अउ उनखर कारन मूसा के हानि हुइस।
ओ हमर का भगवान यहोबा, हमर का मुकती कर, अउ हमके दूसर राजन के अकजिघा कर ले,
कि हम तोर का पवितर नाम धन्यवाद करबे, अउ तोर का स्तुति करथस होय तोर का बिसय बडाई करबे।
इस्राएल भगवान यहोबा अनादिकाल आखरी काल तक धन्य हबै।
अउ सगलू परजा कहइहे, ओसनेन होय। हइ महिमा करिहा।
पय उन देसन हे मिलजुल गइन,
अउ उन उनखर बेउहार के काम सीख लइन।
अउ उनखर मूरती कर पूजा करै लगिन,
अउ उन उनखर निता फांदा बन गइस।
उन अपन टोरवा अउ टोरिया के
भूत-परेत के बलि चढाही।
अउ अपन निरदोस टोरवा-टोरिया कर खून बहाइस,
जेही उन कनान देस कर मूरतिन हे बलि करिन, इहैनिता देस खून लग अपवितर हुइ गय हबै।
अउ उन खुद अपन कामन कर दवारा असुध्द हुइ गय हबै,
अउ अपन कामन के दवारा गलत काम बाले बन गइस।
तब यहोबा गुस्सा अपन परजा हे भडक उठथै,
अउ ऊ अपन बिरासत लग घिरना करै लगिस।
तब ऊ उनखर हाथन हे कबजा हे कर दइस,
ताकि उनखर दुस्मनी करै बाले उनखर हे सासन करै।
उनके बैरी उनही दबाइन,
उन उनखर हक के कबजा हे हुइ गइस।
कइबेर परभु अपन मनसे के बचाइस,
पय उन अपन बिचारन हे बिदरोह करत गइन, अउ अपन पाप के कारन दब गइन।
फेर जब उनखर चिल्लायके सुनथै,
ता ऊ उनखर समस्या हे धियान दइस।
अउ उनखर हित हे अपन टीमा के सुरता करके
अपन अपार करुना के जसना तरस खाइस।
अउ जउन उनके सगलू के बन्दी बनायके लइ गय रथै,
उनखर मसे सबले उप्पर दया कराइस।
हे हमर यहोबा, तै हमही बचा,
अउ हमके राज-राज मसे अकजिघा कर ले,
कि हम तोर नाम के धन्यबाद करी,
अउ तोर महिमा करत हर तोर बारे हे बडाई करी।
इस्राएल कर भगवान यहोबा
पुरान काल लग अनादि काल तक धन्य हबै,
अउ सगलू परजा कथै, “आमीन।”
अउ यहोबा कर महिमा करा।
Bhumiya. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.