भजन 105

भगवान अउ ओखर मनसे

1यहोबा के धन्यबाद करा,

उनखर लग बिनती करा, देस-देस के मनसेन हे

ओखर बडा कामन कर बारे गुठेबा।

2ओखर निता गाना गाबा,

ओखर निता भजन गाबा, ओखर सगलू अदभुत काम हे धियान करा।

3ओखर पवितर नाम के बडाई करा,

यहोबा के खोजै बाले हिरदय खुस हबा।

4यहोबा अउ ओखर बल के खोजा,

ओखर दरसन के लगातार खोजइया बने रहा।

5ओखर करे हर अदभुत काम के सुरता करा,

ओखर चमतकार अउ निरनय सुरता करा।

6हे ओखर हरवाह अब्राहम के लरका, हे याकूब के लरका,

तुम तउन ओखर चुने हर हबा।

7उहै हमर भगवान यहोबा हबै,

भुंइ हे ओखर फइसला होथै।

8ऊ अपन नियम के हरमेसा सुरता रखत आय हबै।

हइ ऊ बचन हबै, जउन ऊ हजार पीढिन के निता ठहराय हबै।

9उहै नियम जउन ऊ अब्राहम के संग बांध,

अउ ओखर बिसय हे ऊ इसहाक लग किरिया खाइस।1

10अउ उके उनखर याकूब के निता तरीका करके अउ इस्राएल के निता ऊ कहिके

हरमेसा के टीमा कहिके मजबूत करिस।

11मै कनान देस के तोके देहुं,

ऊ बांटा हे तुम्हर खास हिस्सा होही।2

12उहै टेम तउन ऊ गिनती हे चुटु रथै, पय बोहत हे चुटु हस,

अउ उके देस हे परदेसी रथै।

13ऊ अक्ठी देस लग दूसर देस हे,

अउ अक्ठी राज लग दूसर राज हे फिरत रहै।

14पय ऊ कसना मनसे के उनखर हे अतियाचार करैके नेहको दइस,

अउ ऊ राजन के उनखर खातिर ऊ धमकी देत रथै।

15मोर अभिसिक्त सेबकन के झइ छुआ,

अउ न मोर आगू कर बात गुठेमैबालेन के नुकसान करा।3

16फेर ऊ उहै देस हे अकाल पठोइस,

अउ उनखर सगलू खाना झटक लइस।4

17पय ऊ यूसुफ नाम अक्ठी डउका के उनखर लग पहिले पठोय रथै,

जउन हरवाह होय के निता बेचे गय रथै।5

18मनसेन ओखर गोड हे बांध डारे उके दुख दइस,

ऊ लोह के सांकडन कर दवारा उके जकड दय गइस।

19जब तक कि जउन ऊ आगू कर बात करे रथै ऊ सही नेहको हुइस,

यहोबा कर वचन उके सही साबित कर दइस।6

20तब राजा दूत के पठोय के उके निकरवामै के निता,

अउ देस-देस के मनसेन के मालिक ओखर बंधना छोरथै।7

21ऊ उके अपन घर के मालिक बनाइस,

अउ अपन सगलू डेरा के सासक ठहराइस।8

22ऊ ओखर राजा के अपन इक्छा के जसना जेल करै

अउ अपन बडन के ग्यान सिखामै के अधिकार।

23फेर इस्राएल मिस्र हे आइस,

अउ याकूब हाम के देस हे परदेसी रहिस।9

24तब ऊ अपन परजा के मनसे के गिनती हे बोहत बढाइस,

अउ ओखर भूतन लग जादा बलवान करै।

25उके मिस्र के मन के असना फेर दइस,

कि ऊ ओखर मनसे लग बैर रखै, अउ ओखर हरवाहन लग धोखा करै लगै।10

26उके अपन हरवाह मूसा के,

अउ अपन चुने हर हारुन के पठोय।

27दुनोन उनखर बीच परभु के चिन्हा दिखाय,

हाम के भुंइ हे चमतकार दिखइ।

28उके अंधियार कर देय, अउ अंधियार हुइ गय,

अउ उनही ओखर बातन के नेहको बचाइस।

29परभु उनखर पानी के खून हे बदल दइस,

अउ उनखर मछडिन के मार डारै।

30मेचका उनखर भुंइ हे उनखर राजा के

कोठवा हे झुन्ड के झुन्ड भर गय।

31उके आदेस देय, तब नाचै आ गय,

अउ उनखर सगलू देस हे डांस माछी अउ चिड्डा आ गइस।

32उके उनखर निता पानी बरसा के बदला पथरा, अउ उनखर देस हे धंधकत

आगी बरसाइस।

33उके उनखर अंगूर रस अउ अंजीर कर रूखन के

पय उनखर देस के सगलू रूखन के टोर डारिस।

34उके आदेस दइस तब अनगिनत चिड्डा,

अउ किरवा आइन।

35उनही उनखर देस के सगलू बनस्पति के खाय लइन,

उनखर भुंइ के फलन के काट डारिन।

36परभु उनखर देस के सगलू पहलउटे के,

उनखर डउका के पहिले फलन के नास करिस।

37तब ऊ इस्राएल के सोन चांदी दइके निकार लाइस,

अउ ओहमा लग कउनो बिना बल नेहको रथै।

38उनखर जाय लग मिस्री खुसी हुइस,

काखे उनखर डर ओहमा समाय गय रथै।

39ऊ छाय के निता बादर फइलाइस,

अउ रात के उजियार देय के निता आगी परगट करिस।

40उनही मांगिस तब उनखर लाबा चिरइया पहुंचाइस,

अउ उनखर स्वरग भोजन लग अघा गइस।

41ऊ पटपड फोडिस तब पानी बह निकरे,

अउ बिना पानी बाले भुंइ हे नदी बहै लगिस।

42काखे उहै अपन पवितर बचन अउ अपन हरवाह

अब्राहम के याद करिस।

43ऊ अपन परवार के खुसी करके

अउ अपन चुने हर लग जयजयकार करामै के निकार लाइस।

44अउ उनही देस-देस के राज दइस,

अउ उन दूसर मनसेन के मेहनत के फल के अधिकारी कर दइस।

45कि उन ओखर तरिका के माने

अउ ओखर नियम के पूर करै।

यहोबा कर महिमा करा।11